عشق وطن

طي
X
 
  • التوقيت
  • إظهار
مسح الكل
المشاركات الجديدة
  • محمد العضياني
    البواردي
    • Apr 2007
    • 597

    #1

    عشق وطن

    السلام عليكم ورحمة الله وبركاته


    /




    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    للوفا حزة وللطيب موقف والرجال=تحسـب لهذي وهذي وتحفظ دورها
    والوطن غالي علينا وله في كل حال=وقفةً منّا تفج الظلام بنورها
    مالنـا عذر نتعذر ليا صار المجال=فيه داعي واللـوازم تمد جسورها
    كلنا لك يا وطن في مقــام وفي مقال=قــوةً يثبت علمها ويصدق شورها
    نرتكي من دون حدك مثل صم الجبال=والعدا نهـوي عليــها ونهدم سورها
    فالزمان اللي حصل فيه ميلة واختلال=والبشـر قام يتلـوّن قديم شعورها
    انت قصة عشق ما فيه شك ولا جدال=تحتويه اهل المواجيب وسط صدورها
    كنت سيـد اوطان واليوم سيد لا تزال=تعتـرف لك كل دولة بكل سرورها
    لك فضل بين الممالك ولو نضرب مثال=مثل شهر الخير بين السنة وشهورها
    في مزاياك العظيمة مزايا مستحال=تنوجد في يابس اوطانهم وبحورها
    ليش نذكرها ليا صار تعرف من خلال=كلمـةً يصطادها الحر بين سطورها
    فضلك ربي وسلمك وافين الخصال=الرجال اللي لمجـدك تمــد شبورها
    عزوة آل سعود واكرم بهم وانعم من آل=أسـرةّ عمّر وفاها وغـاب قصورها
    كملت نهضة بلدنا على الدرب الحلال=مـن كلام الله وقــول النبي دستورها
    من زمان العود لأيام شيـّـال الثقال=والبلاد اقبل سعدها وولى جورها
    عمّت الخيرات صوب الجنوب وفالشمال=والمشارق والمغارب تفوح زهورها
    عايشين مع اقصرانا ومع عمً وخال=في سلام وفي عوافي تفيض خيورها
    نستظل بظل ربي ومـن بعده ظلال=دولة ً يحمي حماها عقيد نمورها
    الزعيم العادل اللي يميل فالعقال=كلما وصلت لشخصه تزول شرورها
    عهده الزاهر شبع فيه شداد الرحال=وافلست بقعاء وماتت جميع طيورها
    والختام الحمد والشكر لله ذو الجلال=خالق العالم ومحصي جميع عصورها[/poem]







    /



    /
    [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    يقولون تعرف قيمة الشخص لامن غاب=وانا عارفاً قيمتك وانته معي موجود [/poem]



    bn-roog@hotmail.com
  • عزارم

    رابطة محبي الهيلا

    • Dec 2010
    • 2691

    #2
    صح لسانك يالغالي

    تعليق

    • محمد العضياني
      البواردي
      • Apr 2007
      • 597

      #3
      تم النشر في الأصل بواسطة عزارم عرض المشاركة
      صح لسانك يالغالي


      هلا ومرحبا وصح بدنك طال عمرك
      [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
      يقولون تعرف قيمة الشخص لامن غاب=وانا عارفاً قيمتك وانته معي موجود [/poem]



      bn-roog@hotmail.com

      تعليق

      • راعي القوافي
        عضو ذهبي
        • Feb 2011
        • 336

        #4
        صح لسانك ولا هنت على القصيده مشكور

        تعليق

        العمل...