قصيده فى النقيب سطام عايض العتيبي

طي
X
 
  • التوقيت
  • إظهار
مسح الكل
المشاركات الجديدة
  • حمود العازمي
    عضو نشيط
    • Sep 2010
    • 91

    #1

    قصيده فى النقيب سطام عايض العتيبي

    زبون المهمات


    سطام بن عايض زبون المهمات
    له منزله في قمة المجد عنوان
    أنشهد أنك شيخ في كل حزات
    من يعتزيبك ماشكى الضيم خسران
    تسلم يابوفيصل رقيت المنيفات
    نسل المحياني مطانيخ عتبان
    دار النفيعي معتلي دون شكات
    ياعزوة الهيلا ليا وقتهم حان
    الشعر يفخربك على طول الأوقات
    وأنت الفخر غصب على كل من كان
    ياللي لك بكل الميادين وقفات
    وقفة أمير وشيخ في كل الأحيان
    أنشهد أنه كفو سطام بالذات
    راعي مقام بوقفته معتلي شان
    بغيت أهني وأجمع ورود باقات
    وأزفها من قلبي أشكال وألوان
    التهنئه بالرتبه اللي دامها جات
    رتبة نقيب بكتف منهو كحيلان
    ماهي غريبه يستحق الجزيلات
    أنشهد انه يكسب الجزل بأتقان
    لو أحلف انه يقدر المستحيلات
    ماهي صعيبه لودفع كل الأثمان
    سطام بن عايض رقى بالطويلات
    لأنه على النوماس طبعه وكسبان
    لك ياطويل العمر شكر وتحيات
    ياعزوة الهيلا على طول الأزمان



    أخوك/ حمود عبيد العتيبي
  • عايض جزاء العصيمي

    رابطة محبي الهيلا

    • Oct 2011
    • 1914

    #2
    صح لسااااااااااااااااااانك

    تعليق

    • حمود العازمي
      عضو نشيط
      • Sep 2010
      • 91

      #3
      عايض جزاء العصيمي
      صح بدنك
      تحياتي

      تعليق

      • راعي القوافي
        عضو ذهبي
        • Feb 2011
        • 336

        #4
        صح لسانك واعتلا شانك يحمود مشكور والله يعطيك العافيه

        تعليق

        • حمود العازمي
          عضو نشيط
          • Sep 2010
          • 91

          #5
          راعي القوافي
          صح بدنك والله يسلمك ويعطيك العافيه

          تعليق

          العمل...