مطوع الصعبات للسامي النفيعي

طي
X
 
  • التوقيت
  • إظهار
مسح الكل
المشاركات الجديدة
  • ابو فارس النفيعي
    عضو
    • Dec 2009
    • 19

    #1

    مطوع الصعبات للسامي النفيعي

    قصيدة بعنوان : مطوع الصعبات @ شعر/حامد حمدي النفيعي @

    بسم الله اللي خالقٍ خلقه ومحصيهم عدد "
    نبدى بذكر اللي عليه بكل شي الاعتماد "
    سبحانه اللي كل مسلم في رضا وجهه سجد"
    اللي ليا شاء يهدي المخلوق لدروب الرشاد "
    مكون الكون الفسيح الواحد الفرد الصمد "
    جل وتعالى في علاه اللي رحيمٍ بالعباد "
    ومن بعدها ياهاجسي لاهنت عجل بالمدد"
    خابرك لامني زهمتك ماتوانا بالمداد "
    هات البيوت اللي كما الدر الثمين المعتمد "
    النادرات من القصيد اللي على الساحه جداد"
    الليله الميقاف غالي وانت تعرف وش بعد "
    فالليله اللي كنها عندي من ليال العياد "
    اليا دعاني صامل الوقفات جيته فالوعد "
    امثال ابو بندر عريب الساس حرٍ مايكاد "
    سلام تسليمة وفا يبقى صداها للابد "
    تسليمة مضمونها طيب ورياحين وزباد "
    فحلال شيخن في سماالامجاد والطاله صعد"
    راع الكرم والجود ريف الضيف جعله فالمراد"
    بادي طويل الباع رمز الجود حلال العقد "
    كريم سبلا للضيوف وفي مواقيفه سداد "
    ابن شجاع مطوع الصعبات وحزام السعد "
    لاجات لمصامخ صلاب الروس والا للعناد "
    اللي ليا منه وقف للعلم حيك من ولد "
    كن المراجل تعشقه وتجيه طوعٍ وانقياد "
    من لابة بفعولها حتى معاديها شهد "
    يوم الرحاه الدايره والجيش وظهور الجياد"
    ذوي مفرج كسرة الحراب لامنه زبد "
    قومٍ لهم في قمة العليا مكانه وارتياد "
    واليوم بندر عن دروب الطيب ماغاب ورقد"
    حرٍ تنومس هدته لاجات حزات الهداد "
    انا اشهد انه شبل اسد والشبل من ذاك الاسد
    نسل الرجال اللي على الطاله تربى واستفاد "
    مبروك يابندر عسى الافراح فالك والسعد "
    اكملت نصف الدين والدنيا كفاحٍ واجتهاد "
    قلته وانا من لابةٍ مثل المخيل اليا رعد "
    وارسى على البيداء من جبالٍ لحاليحٍ شداد"
    ذوي سنان معدلين الميل لا ضاع الجهد "
    لا ولعت روس الفتايل بالمقبس والزناد "
    من غير قاصر فالقبايل كلها طيب وسند "
    الهم تواريخٍ تنومسهم وذالعلم الوكاد "
    واليوم كل الشعب في خير ورخا مابه نكد "
    الامن وافر والنعيم بفضل ربي فازدياد "
    في ظل رب العرش ثم في ظل حكام البلد "
    حكامنا اللي خيرهم غطى على كل البلاد "
    وختامها صلوا على المختار سيدنا عدد "
    مالاح برقٍ في مخيل وعد ماهب البراد "
  • ابن سلوم الهيلوم
    عضو ذهبي
    • Dec 2011
    • 302

    #2
    [align=center]والله وسبعة انعام بالمادح والممدوح

    صح لسان الشاعر حامد ويستاهل

    الشاعر بادي وابنه بندروشكرا لبو فارس[/align]

    تعليق

    • ابو فارس النفيعي
      عضو
      • Dec 2009
      • 19

      #3
      نعم يستاهلون ولاشكر ع واجب

      ومرورك اضاف للقصيدة جمالا ابو سلوم

      تعليق

      • راعي القوافي
        عضو ذهبي
        • Feb 2011
        • 336

        #4
        مشكور يابو فارس وصح لسانك

        تعليق

        العمل...