الرفيق وزلاته

طي
X
 
  • التوقيت
  • إظهار
مسح الكل
المشاركات الجديدة
  • راع العبيه
    عضو ماسي
    • Oct 2007
    • 444

    #1

    الرفيق وزلاته

    لا جـتـك زلــة مــن رفـيـق تـــوده
    رفيـقـك الـلـي مــا تـعــدد مـزايــاه
    رفيقـك اللـي تقصـده وقــت شــده
    وتنحـل لا مـن شفـت طلـة محيـاه
    بـيـنـك وبـيـنـه خـــوّة مـسـتـجـده
    متجـول فـي قلبـك أدنـاه وأقـصـاه
    حبـل الوصـل بينـك وبيـنـه يـمـده
    يمـك يسوقـه قلـب وتشيلـه خطـاه
    نفـسـه يطّمنـهـا ولــو فـيـه حـــده
    لأجـل الرفـيـق يـكـب شــي تمـنـاه
    مـا يتـركـك فــي سهـلـة مجـرهـده
    طيّب وهـذا طيـب ساسـه ومجنـاه
    صقر ينومس بالقنـص مـن يهـده
    وافــي شـبـور وطـيّـبـات نـوايــاه
    احذر خطاه لغـيـر نفـسك تـعـدّه
    واحذر يجي غيره ويجلس بمركاه
    ادمــح لــه الـزلـة وحــذرا تـضـده
    ودور علـى عــذر يـعـذره وتلـقـاه
    لا تشيـل نفسـك والجبـل لا تـهـده
    واحذر تكـون اللـي نقـل داه بـرداه
    بـاب الجـفـا لا فــك عـجـل بـسـده
    وإبليس لا ابلس بالقطاعـه تحـداه
    أوصـل رفيقـك عاتبـه فــي مــوده
    وبيّن له اللي حس بك من خطاياه
    واحـذر مجالـس راكبـيـن الاشــده
    أشــدة الغـيـبـة رجـــال المـحـابـاه
    أهل النكـد وأهـل الوجيـه المصـده
    قـوم علـى نقـل السوالـف مضـرّاه
    رجـالـهـم دايــــم مـعـشّــي بــبــده
    عـزاه ياللـي غـيّـر الــدرب عــزاه
    مــا ينفـعـه طـيـب مسـويـه جـــده
    لا صار خايب مـا يسـوي سوايـاه
    والـقـاف الأول يــا رفيـقـي نـــرده
    رفيقك الطيب مـن الصعـب تجفـاه
    لا جـتـك زلــه مــن رفـيـق تـــوده
    احـذر تنـكـر لــه وبالـشـر تـجـزاه
    وصــلاة ربــي عــد منـهـو يــوده
    على النبي اللي على الديـن نقفاه
  • سعيد مرزوق العبد
    موقوف لمخالفة الأنظمة
    • May 2012
    • 2072

    #2
    ياسلام

    صح السانك يالقرم

    تعليق

    • العتيبي السعدي الهوازني
      عضو ذهبي
      • Mar 2012
      • 374

      #3
      صح لسانك

      ولاهنت

      تعليق

      • عزارم

        رابطة محبي الهيلا

        • Dec 2010
        • 2691

        #4
        صح لسانك ياطيب

        تعليق

        • راع العبيه
          عضو ماسي
          • Oct 2007
          • 444

          #5
          الله يسلمكم وشكرا على المرور الطيب

          تعليق

          • راعي القوافي
            عضو ذهبي
            • Feb 2011
            • 336

            #6
            صح لسانك على ما اوردت هنا ياراعي العبيه

            تعليق

            العمل...