طيب القبايل مار هالوا عتيبه

طي
X
 
  • التوقيت
  • إظهار
مسح الكل
المشاركات الجديدة
  • عزارم

    رابطة محبي الهيلا

    • Dec 2010
    • 2691

    #1

    طيب القبايل مار هالوا عتيبه

    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

    نبدأ بذكر الله قبل بدع الالحان=الواحد اللي عالم بالمغيبه
    اللي رفع سبع بلا نصب عمدان=اتقن و نسجد له شكر و مهيبه
    ومن عقبها يشوقني صخر قيفان = ترقا معانيها عن اللي يعيبه
    من عقب شعم النار من سمرٍ متان= وولاعها دقاق رمث و حطيبه
    يجذب سناها كل طرقي بالأعيان=وجيرانها الاقصين قبل القريبه
    ومن عقب فنجال مشري بالاثمان =راعيه من خولان دومٍ يجيبه
    سواه قرمٍ ماتوانا ولا هان =يمناه بيضاء ماتمد السريبه
    إلى مد فنجاله على كل ضرمان =راح الضرم عيفان حيثه طبيبه
    ولا دار فنجاله على كل ديقان=جات الغضارا طافحات حليبه
    ودارت سوالفهم بحلوات الالبان =هي عوص الانضاء في الوقوت العصيبه
    نرخص غلاة الروح لو الزمن شان=ويبقى غلاها في القلوب اللبيبه
    حامينها قدامنا ذخر جدان=بارواحهم و مصقلات القشيبه
    ووشلون في مشهاتها يابو سلطان=مانبيع غالي الروح لا وامعيبه
    هذي طروق اللي يسوقون الاضعان =ماحثلوها باالطروق الشحيبه
    والى نشد ناشد على الرد عطشان=يبغى حميض العلم مما يريبه
    وين المشاهي و المداهيل ثم وان =اللي يرد العلم صافي ياتيبه
    ونصت جميع اللي حضر نشدة فلان =ماهيب يم عبيد ولا صحيبه
    مامنهم اللي يلقط الحكي عجلان=يخج العلوم الوفايات الرغيبه
    يشفيه بالرد المدون بديوان=حامي جنبها ماطردها جليبه
    يامنادي يالنشاد يفدوك الادران=كبار العلابي نافخين الذريبه
    البل عطايا الله قرا كل جيعان = عز لهلها في العصور التعيبه
    مذكورة في كتاب نزل للاعيان=فيها الحكم و الموعضات العجيبه
    تضرب بها الامثال من عصر غيلان=من قبل جيل العولمة وام رقيبه
    مالله خلقها للمهانه و سلوان =للي شبكوها واتركوها مسيبه
    حم الشعاف و شفها ياكحيلان =شوف العبال المخضرات العشيبه
    في ديرة صارت بها حروب واكوان=سنين مضت بين القبايل رهيبه
    وصفوا جوانبها من القوم فرسان=ولاهي غريبه من رجال عريبه
    لطامة العايل لها الطيب عنوان =ذباحة الحايل بنفس رطيبه
    حكام نجد منزحة كل من كان=يشهد لهم شريف مكه وطيبه
    ياما خذوا بسيوفهم روس شيخان =راحوا عشى للطير من عقب هيبه
    من الجنوب يحدها عرق سبعان =و الهضب من شرق العروق تحديبه
    ويحدها من يمة العرض قحطان =طيب القبايل مار هالوا عتيبه
    وتمشي شمال الى حراوي خريمان =شرق وغرب مع ديار رحيبه
    الله خلق فيها هضاب وشعبان =وهضابها تزهى العبال الحبيبه
    ماكفها العارض حدور بتبيان =وسند الى حد الحرار الصليبه
    هذا وانا عندي على القول برهان =مانيب من يرضى عليه الغليبه
    يالله يامنشي مزابير الامزان=يا آمر الأرياح تبعد مغيبه
    تبعد مغيبه عن عوابيد الاوثان=قداسة الاصنام ويا صليبه
    وترخي قنوفه يم هذيك الاوطان =اللي هدفها دايم ترتقيبه
    شعارها كلمة وترجح بميزان=ودستورها القرآن بليا مريبه
    دار السعود منزحة كل خوان=دار ولوها بالرضاء و الغصيبه
    دار ملكها واخضعت له بشامان =عبد العزيز اللي يهد الصعيبه
    لعله منجى ولا هوب منهان=بيوم يتقاضا طالب من طليبه
    لعل جسمه في رغيدات الاجنان=برحمة رحيم كلنا نلتجي به
    حيثه نشر بالدار أمن وإيمان=من عقب جهل كاد يلهب لهيبه
    حيثه عدل مابين حضر و بدوان =ماولع الفتنه بين العصيبه
    وحيث انه أخّر عقبه ملوك حزمان =ساروا ولا مالوا عما وصيبه
    لعل ميتهم تحت عفو رحمن=والحي منهم ماتجيه الهزيبه
    واختامها على النبي نسل عدنان =صلوا معي ياهل القلوب اللبيبه

    [/poem]



    وسلامة الجميع
    تم التعديل الأخير بواسطة عزارم؛ 05-Jun-2012, 02:35 PM.
  • راشد النفيعي

    رابطة محبي الهيلا

    • May 2012
    • 2339

    #2
    ونت سالم وغانم ياعزارم دائما تفاجئنا بابداعاتك

    وكل قصيده اروع مما قبلها نتمنى استمرارك على هذا المنوال

    تقبل مروري واعجابي

    تعليق

    • بيت القصيدة
      عضو فعال
      • May 2012
      • 160

      #3
      اللهم صلي وسلم على نبينا محمد وآله وصحبه اجمعين .


      صح لسانك ويعطيك العافيه

      تعليق

      • متعب الند
        عضو ماسي
        • May 2011
        • 643

        #4
        صح السانك ........................وقصيده جزله ومعناها يخاطب القلوب المحبه للعروبه والتاريخ والبل


        وبيض الله وجهك.........................وتقبل مروري

        تعليق

        • عايض جزاء العصيمي

          رابطة محبي الهيلا

          • Oct 2011
          • 1914

          #5
          وانت سالم وغانم,,صح لسانك ياعزارم قصيده رائعه
          تقبل مروري

          تعليق

          • عزارم

            رابطة محبي الهيلا

            • Dec 2010
            • 2691

            #6
            تم النشر في الأصل بواسطة راشد النفيعي عرض المشاركة
            ونت سالم وغانم ياعزارم دائما تفاجئنا بابداعاتك

            وكل قصيده اروع مما قبلها نتمنى استمرارك على هذا المنوال

            تقبل مروري واعجابي



            شاكر لك مرورك الطيب ياطيب





            تعليق

            • عبدالرحمن العقيلي
              عضو فعال
              • Feb 2010
              • 141

              #7
              وانت سالم وغانم,,صح لسانك ياعزارم قصيده رائعه
              تقبل مروري

              تعليق

              • سعيد مرزوق العبد
                موقوف لمخالفة الأنظمة
                • May 2012
                • 2072

                #8
                ونعم بربعي عتيبه كان كملتها ومدحت عبيدهم

                صح السانك

                تعليق

                • سعد بن مطلق المقاطي
                  شـــاعــر
                  • Feb 2006
                  • 2908

                  #9
                  صح لسااااااااانك
                  [align=center]ديــــــــــــــــواني



                  [/align]

                  تعليق

                  • صقرالعتيبي
                    عضو ذهبي
                    • May 2012
                    • 308

                    #10
                    صح لسااااانك

                    ياعزارم

                    قصيده جزله

                    تعليق

                    • عزارم

                      رابطة محبي الهيلا

                      • Dec 2010
                      • 2691

                      #11
                      تم النشر في الأصل بواسطة بيت القصيدة عرض المشاركة
                      اللهم صلي وسلم على نبينا محمد وآله وصحبه اجمعين .


                      صح لسانك ويعطيك العافيه



                      صح بدنك ياطيب

                      تعليق

                      • فهيد الايدا المورقي

                        مشرف منتدى الصحافة

                        • Oct 2006
                        • 14585

                        #12
                        عزارم صح لسانك


                        تحيتي
                        حسابي في تويتر


                        faheed_1234

                        تعليق

                        • عزارم

                          رابطة محبي الهيلا

                          • Dec 2010
                          • 2691

                          #13
                          تم النشر في الأصل بواسطة متعب الند عرض المشاركة
                          صح السانك ........................وقصيده جزله ومعناها يخاطب القلوب المحبه للعروبه والتاريخ والبل


                          وبيض الله وجهك.........................وتقبل مروري



                          ووجهك أبيض يامتعب الند وصح بدنك ياطيب

                          تعليق

                          • ثامر القثامي
                            شــــــاعــــر
                            • Apr 2012
                            • 577

                            #14
                            يا سلام يا سلام


                            اللهم صل على محمد


                            صح لساااااااااااااااانك على هذا النص الفاخر
                            abu-faisal--1111@hotmail.com

                            تعليق

                            • عزارم

                              رابطة محبي الهيلا

                              • Dec 2010
                              • 2691

                              #15
                              تم النشر في الأصل بواسطة عايض جزاء العصيمي عرض المشاركة
                              وانت سالم وغانم,,صح لسانك ياعزارم قصيده رائعه
                              تقبل مروري


                              صـــــح بدنك يا طيب

                              تعليق

                              العمل...