صدم فالعرب صـدام و أصبـح لهـم غـدار × جنـوده حقـوق الجـار قامـت تناهبـهـا

طي
X
 
  • التوقيت
  • إظهار
مسح الكل
المشاركات الجديدة
  • جزاء مزعل السمي
    عضو
    • May 2012
    • 11

    #1

    صدم فالعرب صـدام و أصبـح لهـم غـدار × جنـوده حقـوق الجـار قامـت تناهبـهـا

    بسم الله الرحمن الرحيم

    هذه قصيدتي في غزو العراق المشؤم للكويت و قد نشرت في جريدة اليوم في حينها عسى إن تحوز على رضاءكم.

    ألا يـا الله إنـي طالبـك طلـبـة الأبـــــــرار × تعـز الشعـوب الـلـي تـكـرم قرايبـهـا
    و تعدم شعـوب الكفـر و الغـدر و الإنكـــار × علـى نكرهـا المعـروف يـا رب حاسبهـا
    صدم فالعرب صـدام و أصبـح لهـم غــــدار × جنـوده حقـوق الجـار قامـت تناهبـهـا
    ذكر لي صديقـي صيغـة الحـرب و الدمـار × حكا لي عن اللي وسط نفسـه يجـول إبهـا
    و لاحظت فيـه العـز و الفخـر و الإصـــــرار × علـى مسكـة الحربـه و تمكيـن مضربهـا
    على جبهـة الغـادر تثبـت كمـا المسمــــار × على شأن يصحي من حلوم(ن) يهيـم إبهـا
    يقول الصديق الغدر شي(ن) خبيـث و عـار × إذا صــار فالدنـيـا العـزيـزة يخربـهـا
    بعد ما حصل للجـار مـن عصبـة الأشـــرار × ضعـوف النفـوس اللـي نسبهـا مقربهـا
    بذل نفسه الصاحب لحـق الوطـن و الـدار × و تطهيـر دار اللـي زبنـهـا و لاذ إبـهـا
    و قـال الحقيقـة لـو تفكـرت بالأقـطـــــــــار × شمال و شمال و غرب و أيضا(ن) جنوب إبها
    تعجب لك الله يا صديقـي مـن اللـي صــار × رضيـع(ن) بعـد مـا روي لمـه يحاربهـا
    كـلاب(ن) تجوعهـا تتبـع هــل الأثــــــــــــار × و تعرف سلـوم النـاس و تعـرف واجبهـا
    و في حالة الشبعه يجيهـا هـوس و طيــار × تشيـل الـردى حتـى تحـمـل غواربـهـا
    تعرف إنها فـي حالـة الهضـم و الإعســـار × إذا راح عنهـا الجـوع نسيـت حبايبـهـا
    شعوب(ن) بعضها فيه غل(ن) قديـم و ثـار × تعادي هـل التوحيـد مـن شيـن مذهبهـا
    و بعضها حمير(ن) فوقهـا تحمـل الأسفــار × تناهـق علـى العـدوان و اللـي يصاحبهـا
    تفاخـر بأساميهـا و تعمـل عمـل كـفــــــــار × تنـاقـض مباديـهـا و يكـثـر تقلبـهـا
    تعرف إنهـا تشعـر بحامـي لهيـب النـــــــار × تحـس إنهـا بالصـدر شـبـت لهايبـهـا
    تخبط من أثـر المـس و الدهـر فيهــــــا دار × عسفها بليـس اللـي علـى طـول راكبهـا
    تسمع لهـا تعجـب و فـي قولهـا تحتــــــــار × نهـار(ن) تصدقـهـا و الأخــر تكذبـهـا
    تغيـر عزايمهـا قبـل ينتهـي المـشـــــــــوار × تنـازل عـن الصافـي و تشـرب سرايبهـا
    عسى قربها يبعـد بعيـد(ن) عـن الأنظـــــار × تـلاشـى بقايـاهـا و تكـبـر مصايبـهـا
    و عسى النصر فال اللي على واجبـه صبـار × عيـال الحـرار اللـي ثنـت دون واجبـهـا
    يدافع عن الشيبـان و اللـي تحتـه صغـــــار × و عن كل عذرا(ن) مـن أمـور(ن) تعذربهـا
    تقـدم بـدون إفلـوس بالليـل و النـهــــــــــار × تطـوع كريـم(ن) مـا يحسـب لراتبـهـا
    و ربـك يعـز اللـي علـى طـارة القطـــــــــار × رجال الصخاء و الدين و الحلـم بـأن إبهـا
    عيـال البطـل و القائـد الملهـم الجـبـــــــــار × ليـوث العريـن اللـي تصفـي مشاربـهـا
    ملكنـا فهـد يعجبـك لا ذكـرت الأذكـــــــــــار × زعيـم السياسـه و التـجـارب مجربـهـا
    و مني ختام القـول صلـوا علـى المختـــــار × عدد ما كتـب مـن كتـب و إعـداد كاتبهـا

    لكم تحيه
    تم التعديل الأخير بواسطة جزاء مزعل السمي؛ 03-Jun-2012, 10:23 AM.
  • راشد النفيعي

    رابطة محبي الهيلا

    • May 2012
    • 2339

    #2
    الله يرحم صدام ويغفرله

    تعليق

    • عايض جزاء العصيمي

      رابطة محبي الهيلا

      • Oct 2011
      • 1914

      #3
      صح لساااااااااااااااااااااااااااااااااانك ياجزاء
      قصيده جميله لاهنت
      تقبل مروري

      تعليق

      • مرزوق حمدان العتيبي
        مشـرف عام
        • Nov 2003
        • 20403

        #4
        ..

        .

        صح لسانك وبيض الله وجهكــ ..
        [align=center]
        [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
        فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
        حط حبه في كياني ماتغيّره السنيني = وانثني من دون عرضه بالذراع وباللساني[/poem]







        @Marzouq_MHD
        [/align]

        تعليق

        • جزاء مزعل السمي
          عضو
          • May 2012
          • 11

          #5
          راشد النفيعي

          لا هنت على الرد و الله يقبل منك يالغالي

          لكم تحيه

          تعليق

          • جزاء مزعل السمي
            عضو
            • May 2012
            • 11

            #6
            عايض جزاء العصيمي

            صح بدنك و بيض الله وجهك على الرد و التشجيع و الأجمل من القصيدة و قايلها مرورك يالغالي

            لكم تحيه

            تعليق

            • جزاء مزعل السمي
              عضو
              • May 2012
              • 11

              #7
              مرزوق حمدان العتيبي

              صح بدنك و بيض الله وجهك على الرد و التشجيع يالغالي

              لكم تحيه

              تعليق

              العمل...