حده بوحده يازبون المحاريف

طي
X
 
  • التوقيت
  • إظهار
مسح الكل
المشاركات الجديدة
  • متعب الند
    عضو ماسي
    • May 2011
    • 643

    #1

    حده بوحده يازبون المحاريف

    [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
    ........ القصيده ........

    بديت باسم مصرف الكون تصريف = الواحد القهار رب البريه

    يالله يامنش السحاب المراديف = يامسقين روض الفياض الشفيه

    عقب القساء ومخيمات الملاهيف = ينور نباته بالزهور العذيه

    سبحانك انته ياعزيز التواصيف = ياعالماً غيب البحور المديه

    ياناصر المظلوم عقب التخاليف = ياميسراً عيص الدعاوى القويه

    فرجتها ياملحق الوسم بالصيف = لقلباً درس ماض السنين الخليه

    ومن بعدها بكيف القاف تكيف =بمعنى جديداً مابعد قيل زيه

    في صاحبنٍ يفرح الياشافله ضيف = وينطح مواقف للحمايا حميه

    جيته ولاكنه عليه رضا ء الحيف = وانا احمد الله جات منه الرديه

    الاوله يوم العداء تشرع السيف = للماقف الغصاب ماشال نيه

    والثانيه وقت السجن راح ماشيف= ورسل تحيات الجفاء لي هديه

    والله لواني حاضرله مواقيف = ياماقفي لحماه ولا المنيه

    يوم المواقف للرجال العواريف = فرضن على الرجال في كل هيه

    وفي اول زمانه حاصللي تكاليف= ندمان من فعلي وأخذت الجزيه

    زلييت زله ماتفيد المحاليف= ولقوبها العذال دور النقريه

    عشرة السنين يكسرون المجاديف = أهل النوايا السود ورين خفيه

    من حقدهم في خاطري شفت ماعيف= وصديت مابغاء الناس تشره عليه

    وقفيت عن محرف الهرج تحريف = راع النميمه والحلوف الجريه

    ودنت نفسي بالدموع المذاريف= فرقاء ولد عمي عليه بليه

    وانته نسيت ان العداء تشرب الكيف = في ماجرى تلقاء علومن هنيه

    ماراح راح ولاعليها تحاسيف = داويت جرح القلب وجوت كيه

    وسلم على اللي يكثف المدح تكثيف= كثير قول ولاجنينا حليه

    فالمجلس الضافي يقول السواليف = والفعل ماشفناه غير اخرطيه

    خلى شتات الربع بمن المعاريف = وبعد التحري أكتشفنا كذبيه

    هذى جوابي جاك وسط المزاريف = اليابغيت الرجل كسر الحيه

    ترى الحقد لملاعبات الغطاريف =والي يجريها عليه الحظيه

    وانا غني ومرهين بالمصاريف = ومن فضل ربي ماعليه قضيه

    ودياري من الطايف الى ايمن عفيف = وربعي اعزاز وساكنين اعبليه

    واليوم مستانس على شاطي السيف = مالي عليك اليوم ولاالك عليه

    وحده بوحده يازبون المحاريف = سفهت مرسالي وسفهك حذيه[/poem]
  • وصل الشهيب
    شاعر محاوره معروف
    • Oct 2010
    • 959

    #2
    صح لسانك يامتعب

    سرد جميل يتضمن عتاب محب بعيد عن التجريح

    صح لسانك والله

    تحياتي
    [poem=font="Simplified Arabic,4,burlywood,normal,italic" bkcolor="transparent" bkimage="backgrounds/22.gif" border="groove,10,burlywood" type=0 line=0 align=center use=ex num="0,black"]
    ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد
    حراً يموت وحر بالجنحان ينهض بالمطير=حمل الأمانه لو ثقيله قدها يابو فهد[/poem]وصل بن وصل الله الثبيتي

    تعليق

    • عزارم

      رابطة محبي الهيلا

      • Dec 2010
      • 2691

      #3
      صح لسانك يا طيب

      تعليق

      • مرزوق حمدان العتيبي
        مشـرف عام
        • Nov 2003
        • 20403

        #4
        ..

        .

        صح لسانك يامتعب ..
        .
        [align=center]
        [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
        فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
        حط حبه في كياني ماتغيّره السنيني = وانثني من دون عرضه بالذراع وباللساني[/poem]







        @Marzouq_MHD
        [/align]

        تعليق

        • متعب الند
          عضو ماسي
          • May 2011
          • 643

          #5
          تم النشر في الأصل بواسطة مرزوق حمدان العتيبي عرض المشاركة
          ..

          .

          صح لسانك يامتعب ..
          .
          صح بددنك .................وتقبل تحياتي

          تعليق

          • متعب الند
            عضو ماسي
            • May 2011
            • 643

            #6
            تم النشر في الأصل بواسطة عزارم عرض المشاركة
            صح لسانك يا طيب
            صح بدنك ..............ويشرفني متابعتك ......تقبل تحياتي

            تعليق

            • متعب الند
              عضو ماسي
              • May 2011
              • 643

              #7
              تم النشر في الأصل بواسطة وصل الشهيب عرض المشاركة
              صح لسانك يامتعب

              سرد جميل يتضمن عتاب محب بعيد عن التجريح

              صح لسانك والله

              تحياتي
              صح بدنك.... وصل الشهيب ...احيانن الرجال يزل زله على اعز الصحابه ويكبرها اطراف محايده وتصبح قضيه ..ويتفرقون ..خصوصاٍ اذى طلبته يسمح ورفض ..وصد عنك وهو عزيز....تحس بذنب ..ولاكن اذى جاء منه خطاء او جازاك بمثل ماجاء منك ترتاح ويبراء الجرح........ولاسالمن من الزلات غير المصطفى عليه الصلاة والسلام .....وتقبل خالص التحيه

              تعليق

              • عايض جزاء العصيمي

                رابطة محبي الهيلا

                • Oct 2011
                • 1914

                #8
                صح لسااااااااااااااااااااااااااااااااانك

                تعليق

                • متعب الند
                  عضو ماسي
                  • May 2011
                  • 643

                  #9
                  تم النشر في الأصل بواسطة عايض جزاء العصيمي عرض المشاركة
                  صح لسااااااااااااااااااااااااااااااااانك
                  صح بدنك ...................وشكراً على المرور

                  تعليق

                  • متعب الند
                    عضو ماسي
                    • May 2011
                    • 643

                    #10
                    القصيده ....................تحكي عن معاناه ...............وهي اذى زل الرجال على عزيزن من الصاحبه ولقوا المنافقين دربهم .....وعطاهم مجال وانت جلسة في خاطرك خصوصا اذى صد عنك ..لاطلب حق ولا سمح ..ولاجازاك بمثلها .... يعذبك ضميرك اذى كنت قليل تجارب ....


                    لاكن اذى جاء منه شين من الردى بسيط كنه محذيك هديه .... يطيح الفي خاطرك....


                    وشكراً ...تقبلوا خالص تحياتي..متعبب الند

                    تعليق

                    • متعب الند
                      عضو ماسي
                      • May 2011
                      • 643

                      #11
                      تستاهلون ...............القصيد واجل الاحترام ..............يااعضاء ومشرفين وادره...منتدنا العزيز

                      تعليق

                      • متعب الند
                        عضو ماسي
                        • May 2011
                        • 643

                        #12
                        ياربع ... جاني رسايل ...من الشخاص. يهزبون بعض القوافي ...


                        ... وش بحر القصيده ....

                        تعليق

                        • ابوتركي العنزي
                          عضو نشيط
                          • Jun 2012
                          • 45

                          #13
                          انا اشهد انك كفيت ووفيت وقصيده جزله وبهالزمن ذا خذ وخل وانا اخوك

                          تعليق

                          • ابوتركي العنزي
                            عضو نشيط
                            • Jun 2012
                            • 45

                            #14
                            تم النشر في الأصل بواسطة متعب الند عرض المشاركة
                            ياربع ... جاني رسايل ...من الشخاص. يهزبون بعض القوافي ...


                            ... وش بحر القصيده ....
                            ماهو ذنبك وانا اخوك اذا مالهم خبره في بعض الكلمات ومعانيها لاوالله جزل وقوافيك جزله

                            تعليق

                            • متعب الند
                              عضو ماسي
                              • May 2011
                              • 643

                              #15
                              تم النشر في الأصل بواسطة ابوتركي العنزي عرض المشاركة
                              ماهو ذنبك وانا اخوك اذا مالهم خبره في بعض الكلمات ومعانيها لاوالله جزل وقوافيك جزله
                              بيض الله وجهك ...يابوتركي ...... صدقت ...من لايعرف الصقر يشويه

                              تعليق

                              العمل...