شيهانة عمان

طي
X
 
  • التوقيت
  • إظهار
مسح الكل
المشاركات الجديدة
  • AL HOMAYANY
    عضو
    • Apr 2005
    • 23

    #1

    شيهانة عمان

    [poem=font="Simplified Arabic,6,black,normal,normal" bkcolor="transparent" bkimage="backgrounds/19.gif" border="none,4,gray" type=0 line=0 align=center use=ex num="0,black"]
    شيهانة عمان=
    يا بنت عينك ولعت نار قلبي=
    نظرتك شبت داخل القلب نيران=
    يا ليت ما شفتك ولا جيت دربي=
    ولا جيت للأردن ولا شفت عمان=
    لا تبعدي يا بنت لالا تخبي=
    لا ينفجر من داخل القلب شريان=
    و الله لو لا العيب لا أخذك غصبي=
    وأصيح بأعلى الصوت مغرم وولهان=
    واطفي بريقك ناري اللي تشبي=
    لحظه تكفيني عن سنين حرمان=
    سبحان من صورك سبحان ربي=
    والله ما يرسمك فالكون فنان=
    رعبوب عايش في حنان المربي=
    أن هبت النسمة تثنى به ألبان=
    هذا الذي ظاهر وش اللي مخبي=
    يا ما حلى المبسم وتصفيف الأسنان=
    أليا ابتسم كنه بضحكه يجبي=
    الفم خاتم فيه لؤلؤ ومرجان=
    وألا الشفايف مثل نار المشبي=
    ما زانه المكياج وكفوف زيان=
    والنهد فوق الصدر دوبه منبي=
    ما كنه الا ليم في روض بستان=
    والكف ناعم كن دوبه يحبي=
    المن والسلوى كفوفه والابنان=
    وخصره نحيل وكن ردفه مطبي=
    خصره نحيل وباقي الجسم ريان=
    والساق مثل الثلج مصبوب صبي=
    والله يعلم كيف غيره اذا بان=
    ليت الهواء ساعة عليها يهبي=
    في وقت ما في دربها غيري انسان=
    يلعب بشعرً فوق عنقه مكبي=
    عنق المها يا عبيد وعيون شيهان=
    شفت القمر يا عبيد يمشي بجنبي=
    امس العصر يا عبيد في حي عبدان=
    وسال العرق على جبيني يصبي=
    وحسيت في جسمي زلازل وبركان=
    واليوم أنا يا عبيد ما في طبي=
    قلبي صويب وصوبه سهم الأعيان=
    لو اعرف اسمه كان باسمه انبي=
    دواي عند اللي خذا القلب ما بان=
    طالبك بسم اللي بذكره نلبي=
    تبحث عنه يا عبيد في كل الأركان=
    وتقول أبويه يا اريش العين مسبي=
    قلبه معك واللي بقي منه جثمان=
    وان مت أنا يا عبيد بأسباب حبي=
    اكتب على قبري قتيل الهواء هان=[/poem]
  • ((الدلبحي))

    رابطة محبي الهيلا

    • Mar 2003
    • 6010

    #2
    وان مت أنا يا عبيد بأسباب حبـي
    اكتب على قبري قتيل الهواء هـان


    ماتهون ياغلي صح السانك وقصيده جزله

    تحيااااااااااااااااتي

    تعليق

    • @المورقي@
      عضو ماسي
      • Jun 2005
      • 552

      #3
      صح السانك على هالجزلة

      تحياتي

      تعليق

      • ناصر بن محمد العتيبي
        شـــاعــر
        • Mar 2005
        • 278

        #4
        [align=center]صح للسانك

        يابوعبيد

        لاهنت[/align]

        تعليق

        • فيصل المسعودي
          مشرف عام
          • May 2005
          • 8296

          #5
          صح لسانك يالغالي قصيده رائعه يارائع تحياتي لك.

          تعليق

          • AL HOMAYANY
            عضو
            • Apr 2005
            • 23

            #6
            الاخوان
            الدلبحي
            المورقي
            ناصر
            المسعودي
            اسعدني مروركم واطلاعكم واعجابكم واشكركم على المشاركه

            تعليق

            العمل...