لمطلق بن نايف المرشدي

طي
X
 
  • التوقيت
  • إظهار
مسح الكل
المشاركات الجديدة
  • سمي ابن وسام
    عضو نشيط
    • Jul 2010
    • 41

    #1

    لمطلق بن نايف المرشدي

    [poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    هذه القصيده مرسله للشيخ/مطلق بن نايف المرشدي

    بعد ما ربي بلاني وابتليت=احمد الله والثناء له والشكر
    خذت لي دوره على الارض ومشيت=وابتداء مشوار تشغيل الفكر
    وشرّد الافكار جتني كمبليت=قالت اختار الجزيل امن الشعر
    قلت هاتي ماتهيّا بيت بيت=واسكبيها بالجواهر والدرر
    والله اني بالهزيله ماضريت=ارسم الابيات وانحت في صخر
    اه ياليل(ن) على نوره سريت=ساري(ن) ليلي على نور القمر
    واشتكي للي لغيره ماشكيت=الله اللي في يده حلَ الامر
    ماشكيته من فراق اللي بكيت=وماشكيته من عناء والا فقر
    اشتكي لاقالوا ان سلطان ميت=وادخلوني في مغاوير القبر
    وانتهيت امن الاماني وابتديت=فالسؤال وفالحساب وفالنشر
    وبعد شكّوايه على ربي نويت=اتنشّد عن بعيدين النظر
    الرجال اللي لهم سمعه وصيت=الرجال اهل المواقف والظفر
    وقمت اعدّدّ فالطحاطيح ولقيت=شيخ قوم(ن) لاعتزاء داس الخطر
    يالعتيبي من عفيف اليا الكويت=سمعتك مثل السحاب المستمر
    في لزومي والله اني مانصيت=مانصيت الا انت ياحزام الظهر
    بعت غيرك بالرخيصه واشتريت=معرفتك وخوتك تاج وفخر
    اعتليت بقمة الطيب ورقيت=ماوصل طيبك لازيد ولاعمر
    الطناخه تنّتمي لك وانتميت=للكرامه والشجاعه والسطّر
    مدّتك تغني وتشّبع من عطيت=فزعة المضيوم فاليوم الغبر
    اصغر المدّأت مفتاح الونيت=واكبر المدّات مفتاح القصر
    مثل جنسك يعلم الله مارأيت=في وطاء والا فضاء والا بحر
    اسمك المطلق على الاسم استميت=مطلق(ن) بين المشايخ والجبر
    مرشدي(ن) عند ظني لاهقيت=لاكسر عظم المعادي ماجبر
    اخذ علمي بالموبايل كيت كيت=ثم خط بتحته الخط الحمر
    وان فهمت العلم كله وانتهيت=حل وضعي بالكلام المختصر
    والنهايه لن سرحت ولن ضويت=ياصلاة الله على خير البشر[/poem]
    تم التعديل الأخير بواسطة سمي ابن وسام؛ 24-Apr-2012, 03:08 AM.
  • علي الدعجاني
    عضو ماسي
    • Oct 2010
    • 556

    #2
    صح لساانك

    ونعم بالممدوح واكيد انه يستاهل دامه من الاد مرشد

    تعليق

    • سمي ابن وسام
      عضو نشيط
      • Jul 2010
      • 41

      #3
      علي الدعجاااني صح بدنك ولاهنت ع مروورك العطر ياغالي

      تعليق

      العمل...