مشاركتي في حفل قبيلة الاساعده اهل الجوف بتاريخ 6- 5- 1433هـ

طي
X
 
  • التوقيت
  • إظهار
مسح الكل
المشاركات الجديدة
  • معلا إبراهيم الأسعدي
    شــــاعر نظــم
    • Feb 2007
    • 1405

    #1

    مشاركتي في حفل قبيلة الاساعده اهل الجوف بتاريخ 6- 5- 1433هـ

    السلام عليكم ورحمة الله وبركاته

    مشاركتي في حفل قبيلة الاساعده اهل الجوف بتاريخ 6- 5- 1433هـ
    [poem= font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    من هجوس الشاعراللي جاب جزل اقواله=جاب مـن جـزل البيوت الـنـادره منـقـيـه

    واقـف ٍ قـدم النشــــامــا وازن ٍ فنجالـه =والـقـصــيـــده مـعـتـبـرهــا دلــة ٍ بــريــه

    بسم ربعي فالحجــاز اهـل الوفاء والطاله =روس قــوم ٍ تحـتـمـيـهـا في نهـار الهـيـه

    ياســـلام الـلـه ســـــلام ٍ عـالين مـنـزالـه =عـد مـاهـلـت مـطـرهـا المـزنة الوسـمـيـه

    في ضيافــة ربعي اهل الجوف نعم القاله =بلسـم اجــروح العـلـيـل الوصـفــه الطبيه

    للتواصـــل بحـتـفـال ٍ يســعــد اللي جـالـه =عـنـد ربعـي مــاتـسـمــع غـيـر يا الله حيه

    في محــل ٍ للنشـامــا نـفـتـخـر بوصـاله =في نحــاهـم كـل قـرم ٍ يـتعـب الرجـلـيـه

    الكـرم فطره وربعي مـالكـيـن اخصــاله=فطـره مـن الله وهـبهـا فـالـرجـال الحـيـه

    روس قوم ٍ في المعارك تـتـعـب الخـيـاله=من شـيوخ ٍ في المعارك ينضجـون الكيه

    كل ماجـات الـعـــزاوي لـلحمـل جـمـاله=والفعـايـل في تـواريـخ العـرب مقـريـه

    صدق مال الماقف الغصاب غير إرجاله=والوفاء والطيب مالـه غـير حســن النيه

    قالها اللي كـل مايـاقـف يجـيـب رسـالـه =واضـحــه مـقــريـة ً مـسـمــوعـة ً مـرئيه

    الجـواب اليا كـتـبـتـه كـل قرم اصـغـاله = والنوادر مـن هـجوسـي قلتهـا مهـديـه

    للوطــن حــق ٍ عـلـيـنـا مـانسينـا افضاله= من تهـقـوانـا قــتـلـنـا احــلامـه الـورديـه

    انتعــزز فـي وطـنـا والـفـخـر لاجـيـالـه=مـاعـلـيـنـا مــن كلام الفرس والعــبـريـه

    والـزمــان اللي نعيـشـه كـاثـرات اهــواله=فيه نـار وفيه بــرد وفـيـه شــمــس وفـيـّه

    كل حـاكــم يـوم جــاه العـلـم شــد ارحـاله=صـارت صـروح الدول مـهـدومــة ً مبنيه

    شوف تونس وش حصل في حالها يرثاله=وانظــروا فـي ليبيا والـدولـه المـصــريـه

    واليمـن انشــوف شعـبه يـوم هـز اجبـاله=والـورم واصــل دمـشـق الدولـه السـوريه

    رغـم هـذا ياوطنا عـشـت باحسـن حـالـه =حافـظـك ربي وديـنـك سـنـة ً شــرعـيـه

    لايهـمـك يابـومـتـعـب يـازعـيـم الطـاله=والله ان الـفـرق واضح بـيـن ذيـك وذيـه

    الـشـعـوب الـلـي عـلى حكامهـا مـنهـالـه=وانت شعبك يلعـبـون الـعــرضـه النجـديه
    [/poem]


    معلا الاسعدي
  • أبو جميل العتيبي
    عضو فعال
    • Nov 2011
    • 132

    #2
    كفو يامعلا انت وربعك الاساعده
    صح لسانك قصيدة جزله
    واجتماع يشرف دامت افراحكم

    تعليق

    • معلا إبراهيم الأسعدي
      شــــاعر نظــم
      • Feb 2007
      • 1405

      #3
      أبو جميل العتيبي


      ماعليك زود بيض الله وجهك شكرا ً لك على المرور




      تقبل تحياااتي

      تعليق

      العمل...