الجفا والشوق

طي
X
 
  • التوقيت
  • إظهار
مسح الكل
المشاركات الجديدة
  • عايض التوم
    عضو
    • Aug 2007
    • 24

    #1

    الجفا والشوق

    [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    النوم للعين جافي والدهر جافي=والنفس اشوف الفرح عيا يوالفها
    القلب بين الضلوع العوج ياكافي=تقول سرب(ن) من الميراج يقصفها
    من يوم هب الهوا وسرف بي اسرافي=مراوح الشوق من يقدر يوقفها
    غير انت ياصاحبي يازين الاوصافي=يابو جدايل على المتنين تنسفها
    ياعين حرن تعلا فوق مشرافي=وادلا على صيدة(ن) فالقاع شايفها
    وياعود موز(ن) على الانهارغريافي=وياعنق ريم(ن) مذيرها ملاقفها
    دلك وزينك على الخفرات نوافي=وصايف الحسن طاغية(ن) وصايفها
    مقبول منك التغلي والتعجرافي=مشاعر(ن) صادقه ماني مزيفها
    شربت كاس الغلا من ودك الصافي=وروايع الصدر لجت لك غطارفها
    انا مريض المحبه والله الشافي=الحق على الروح يالمملوح واسعفها
    اكذب ليا قلت لك طيَب ومتعافي=وهواك فكري وخفاقي يلاوفها
    واكذب ليا قلت لك ماعندي خلافي=وبنات الايام تعصف بي عواصفها
    وش لون تقسى علي وتنكر الوافي=تنسى الاحاسيس وتعطل وظايفها
    وش لون ماتترك الولهان يستافي=وانته لحون الطرب عندك معازفها
    جفاك بعد المحبه شري الخافي=عذبتني بالحروف اللي تحرفها
    اقول شي(ن) هذا تاليه ينعافي=لكن ربي بتصريفه يصرفها
    ماني بقانط ولو ان الدهر جافي=عسى الفرح نفسي الحرفه يوالفها[/poem]
  • ابن صنهوت

    رابطة محبي الهيلا

    • May 2008
    • 1734

    #2
    الله اكبر يا عايض صح لسااااااااااانك ابدعت

    تعليق

    • عايض جزاء العصيمي

      رابطة محبي الهيلا

      • Oct 2011
      • 1914

      #3
      صح لسانك يالتوم

      اعجبتني القصيده كثيرا وقراتها اكثر من مره لروعتها

      تحياتي وتقديري لك

      تعليق

      • عايض التوم
        عضو
        • Aug 2007
        • 24

        #4
        الأخوه بن صنهوت
        عايض العصيمي اشكركم على الاطراء
        تحياتي لكم

        تعليق

        • صارم عتيبه
          عضو ماسي
          • Feb 2011
          • 641

          #5
          صح لسانك يالتوم

          مبدع لا تحرمنا جديدك

          ودي واحترامي

          تعليق

          العمل...