طاااط بب بيب

طي
X
 
  • التوقيت
  • إظهار
مسح الكل
المشاركات الجديدة
  • جمال منير
    شـــاعــر
    • Dec 2010
    • 315

    #1

    طاااط بب بيب

    السلام عليكم ،،


    والله ركبّتي ياعذاري على الجيب
    وأنا حياتي كلّها فالتكاسي


    على الرصيف اتحدني طاط بب بيب
    وازعجني البوري بكثر الحساسي


    مغير امشّط لحيتي والأشانيب
    وأقول ليه الوقت بالحيل قاسي


    اسنافي وشاعر ومطنوخ وأديب
    ولافادني شعري ولا قو بأسي


    نركض وراء الدنيا نوديه ونجيب
    وانحاول انشيل الجبال الرواسي


    نطلع على القمّه وننزل مع شعيب
    وعن بعض ماسوّيت من شيء ناسي


    وعند النهايه ماوصلنا مطاليب
    لاوحسافه يالعزوم وحماسي

    الحظ يحضر مرّه ومرّه يغيب
    وبين الرجاء واقف ومابين يأسي


    ناسٍ ماتجلس غير فأعلى المناصيب
    وناسٍ ماتجلس غير جنب الكراسي


    والفقر والله ياعذاري ماهو عيب
    لو ذوّق الرجّال مرّ المأسي


    يعلّمه فن الصبر والتجاريب
    عشان لامن طاح طاح امتواسي


    لااخطا ميه فألف وثمان إميه يصيب
    ويأخذ شهاده دون فصلٍ دراسي


    ويصير فالشدّه وفي فزعته ذيب
    إذنه مايرخيها سوات البساسي


    دايم طويل اذراع وقت المواجيب
    ماهو طويل لسان ولاّ حساسي


    وعندي كلامٍ بين عوج المحاديب
    وهذا الكلام اللي بقوله أساسي


    لاطاح شالك يوم حام اللواهيب
    ماطاح لامن طوّح الشال راسي


    وسلامتكم ،،
  • ابن سلوم الهيلوم
    عضو ذهبي
    • Dec 2011
    • 302

    #2
    [align=center]وانت سالم صح لسااانك[/align]

    تعليق

    • همدان نت
      موقوف لمخالفة الأنظمة
      • Jul 2010
      • 192

      #3
      كتبت فأبدعت
      قصيده تحمل في طياتها الكثير من المعاناة
      بارك الله في اناملك الذهبية
      وتقبل مروري
      ولا تنسى ان بعد هذه القصيده
      يوجد لديك جمهور ينتظر ابداعك

      تعليق

      • عزارم

        رابطة محبي الهيلا

        • Dec 2010
        • 2691

        #4
        صح لسانك ياطيب

        تعليق

        • عايض جزاء العصيمي

          رابطة محبي الهيلا

          • Oct 2011
          • 1914

          #5
          صح لسااااااااااااااانك ياجمال


          تقبل مروري وتحياتي

          تعليق

          • عثمان الثبيتي
            شــــــاعــــر
            • Jun 2011
            • 1664

            #6
            ويصير فالشدّه وفي فزعته ذيب
            إذنه مايرخيها سوات البساسي


            دايم طويل اذراع وقت المواجيب
            ماهو طويل لسان ولاّ حساسي


            مبدع ياجمال لله درك وصح السانك


            انكان طاب الوقت وانكان ماطاب=مايختلف نهج الشجيع وطموحه

            اما اقبلوني هكذا سلب وايجاب = والا ودعاً والعذر والسموحه

            اذا انقفل باب انفتح غيره ابواب = وكلً على ما قالوا ادرى بروحه

            تعليق

            العمل...