الروقـيه والنشمـيه والحوريه مثلث الابدآع.!

طي
X
 
  • التوقيت
  • إظهار
مسح الكل
المشاركات الجديدة
  • عناد الشيباني
    شــــاعــر
    • Nov 2009
    • 1356

    #1

    الروقـيه والنشمـيه والحوريه مثلث الابدآع.!

    السلام عليكم ورحمة الله وبركاته


    هذه مجاراه بين كل من..

    الشاعر : مشعل المرشدي
    والشاعر:ماجد الروقي
    والشاعر:عناد الشيباني


    البدآيه

    الرروقـيه للشاعر/مشعل المرشدي






    [poem=font="traditional arabic,6,black,bold,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
    الشامـي الـلـي حــب لــه شامـيـه=وغـنـالـهــا يـابــنــت يـامـرعـيــه
    ماهـو لـك الله مثـل حـب الروقـي=للـي عـشـق لــه مـهـرتً روقـيـه
    وقامت تهـزع لجـل سـود عيونـه=وحـذف شماغـه والحـق الطاقيـه
    وغـنـالـهـا يـابـنــت ياالـمـزيـونـه=ياللـي علـيـك مــن المـهـا مـاريـه
    يابـنـت قـــومً يـرفـعـون الـبـيـرق=وافعالـهـم تشـهـد لـهــا العـبـريـه
    يــوم الفـعـول الـلـي تـعـد وتـذكـر=أيخـضـبـون الـسـيـف والشـبـريـه
    ووجيهـم تحمـا الدخيـل ان جاهـم=ويـكـرمــون الــجــار والـطـرقـيـه
    فلـي شـعـرك وحـولـي فاالسـاحـه=وهــزي ردوف ًهــزت الأرضـيــه
    انتي منى روحي وطـب جروحـي=وانـتـي هـنـاي وشيـخـة الحـنـيـه
    يضـيـق صــدري لافقـدتـك لـيـلـه=ولا اصبحت قمت اجاوب القمريه
    يالعـنـبـو بـعــدك وحـــر افـراقــك=حـبــك طـعـنـي طـعـنـة الجـنـبـيـه
    والله يـلــولا حشـمـتـي لـربـوعـك=انــــي لــقــول افــلانــه المـعـنـيـه
    لاكـــن اقــــدر لابــتــك وغـلـيـهـا=واغلـيـك يــأم النـظـره السحـريـه
    انـا فــدى رمـشـك ومحجرعيـنـك=وفــدى حـمـار الجـمـره السفلـيـه
    الـلـي وراهــا مـثـل حــب الـولــو=تسطـع سـوات الشمـعـه الغـازيـه
    لاتعلـنـيـن الـبـعـد عـنــي سـاعــه=والشـكـر والعـرفـان لـــك مثـنـيـه[/poem]


    مشعل المرشدي^^





    النشميه للشاعر:ماجد الروقي



    [poem=font="traditional arabic,6,seagreen,bold,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]
    المرشدي بأبياته الشعبيه=هيّض علي جروحي المخفيه

    وجاوبته بصوتٍ يشد السامع=بأبيات شعرٍ كلها منقيه

    مشعل شكى من حبّ خله وأسهب=في مدح بنت اللي لهم جاهيّه

    من روق عزوتها ونجد المربى=من لام مشعل لاعشق نجديه

    وانا عشقت الجادل الغندوره=الفاتن الدلوعه النشميه

    فيها دلع طفل ورجاحة شايب=فيها طناخة راس وسنافيّه

    فيها الجمال اليوسفيّ الباهر=اللي ماشفت مع الخلايق زيّه

    عيونها تذبحني وتحييني=لبيه يانظراتها العفويه

    لاسلهمت بالرمش كنها تنعس=ماعندها رحمه ولا ماويّه

    حوراً هدبها جرح اللي تحته=في خدها من رمشها ماريه

    وباقي الوصايف ما اقدّر اوصفها=خليتها في خاطري مكنيه

    جرّيت لأجل عيونها موالي= وأردفت للموال بهجينيه

    وعنّيت رجلي لإجلها كم مره=اروح والمرواح عكس الجيه

    اروح وأنا مسفهّل حجاجي=كني وزيرٍ ماسك الماليه

    وأرجع وانا ضايق صدر متكدّر=كني فقير مطالبٍ في ديّه

    خلوه ربعه يوم كبر مصابه=وفقد جميع الراحه النفسيه

    هذي مجاراتي وهذا حالي=وسلامي مني مقتفيه إتحيّه

    للشاعر اللي هاضني ببيوته=وكتبت نفس الوزن والقافيه [/poem]




    ماجد الروقي





    الحوريه للشاعر:عناد الشيباني

    [poem=font="traditional arabic,6,darkblue,bold,normal" bkcolor="transparent" bkimage="" border="none,4,white" type=0 line=0 align=center use=ex num="0,black"]


    ثارت هواجيس الشعر جبريه=بالوصف مثل الثوره السوريه.!

    من بعد ماغنو عيال الروقه=ابيوت شعرٍ بالجزل مطلـــيه

    مشعل وجاراه ابن عمه ماجد=ومع طرشهم بسوق لي منقيــه

    كل(ن) تمثل في وصايف خله=ومن الغـرام اقلــوبهم مبليـه.!

    طرو علي اللي خذت تفكيري=الجـادل المملوحـه الحـوريه

    اللي وصايفها تحد الشاعر=لو يعتـزي بجنونه الشعـريه.!

    ام النسب وام الجمال الهايل=ومن افخم اثياب الشرف مكسيه

    اليا مشت جرت وراها العالم=حتى بـ مشيتها مهي عاديـه

    كن البسيطه لا أونست ماطاها=تخفي لها علاقـةٍ طــرديه

    وجديلها مثل الظلام الدامس=يدفي عن ارياح المساء الشتويه

    والخصر يعزل جسمها من نحله=يمكن شبر.! والّا يزود شويه

    فـ/أعيونها نظرة غرور وهيبه=اتخدر اللي يحتمــون الهئيه

    اعن البني متميزه بالشامه=اللي يميـن الشفـه الـورديه

    افراقها شمس الظهر فالكنه=ووصالها عندي سوات الفيـه

    اخذت قدمي عيني خفوقي واقفت=ماهو عطا ولاهو (أ) بجبريه

    وفوحت لاجل عيونها قيفاني= في دلـة الابداع من مافيه

    عبرت عن مايجتول في صدري =والعذر ناره للعوارف حيه[/poem]







    الشاعر/ عناد الشيباني ((وزير الشعر))
    تم التعديل الأخير بواسطة عناد الشيباني؛ 02-Mar-2012, 01:30 AM.
  • عناد الشيباني
    شــــاعــر
    • Nov 2009
    • 1356

    #2
    اتمنى التنسيق عجز يضبط

    معي

    تعليق

    • فهد العازمي العتيبي

      مشرف ديار واخبار القبيله

      • Mar 2003
      • 5407

      #3



      صحت آلسنتكم جميع

      مجاراه رائعه وأبدعتوا فيها .
      للتواصل على تويتر

      https://twitter.com/falotaibi5115


      ،،

      تعليق

      • عثمان الثبيتي
        شــــــاعــــر
        • Jun 2011
        • 1664

        #4
        صحت السنكم جميعً ياعتيبه شعار مافيكم حيله


        انكان طاب الوقت وانكان ماطاب=مايختلف نهج الشجيع وطموحه

        اما اقبلوني هكذا سلب وايجاب = والا ودعاً والعذر والسموحه

        اذا انقفل باب انفتح غيره ابواب = وكلً على ما قالوا ادرى بروحه

        تعليق

        • محمد الذيابـــي

          مشرف منتدى قصائد الاعضاء

          • Mar 2011
          • 12133

          #5
          صحة الالسن جميع


          كما يوجد خلل بالنظام جار العمل على اصلاحه قريباً..
          التوقيع

          محمد الذيابـــي

          تعليق

          • عناد الشيباني
            شــــاعــر
            • Nov 2009
            • 1356

            #6
            تم النشر في الأصل بواسطة فهد العازمي العتيبي عرض المشاركة



            صحت آلسنتكم جميع

            مجاراه رائعه وأبدعتوا فيها .
            صح بدنك وتتواجدك


            الاااروووع

            //

            تعليق

            • عناد الشيباني
              شــــاعــر
              • Nov 2009
              • 1356

              #7
              تم النشر في الأصل بواسطة عثمان الثبيتي عرض المشاركة
              صحت السنكم جميعً ياعتيبه شعار مافيكم حيله
              صح بدنك ياعثمان


              ولاهنت

              //

              تعليق

              • علي الثبيتي
                النشمي
                • Oct 2005
                • 6033

                #8
                العود طلاب حسب ونسب وحده من الثلاث تكفون ياعتابه هههههههههههههههههه


                صحت السنتكم ابدعتو ياعتابه
                [poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
                ماني بلا روقي ولا برقاوي = انا ثبيتي جد روق وبرقا [/poem]

                تعليق

                • عناد الشيباني
                  شــــاعــر
                  • Nov 2009
                  • 1356

                  #9
                  تم النشر في الأصل بواسطة محمد الذيابـــي عرض المشاركة
                  صحة الالسن جميع


                  كما يوجد خلل بالنظام جار العمل على اصلاحه قريباً..
                  صح بدنك


                  ولاهنت يالذيابي

                  //

                  تعليق

                  • عايض جزاء العصيمي

                    رابطة محبي الهيلا

                    • Oct 2011
                    • 1914

                    #10
                    صحت السنكم جميعا

                    تعليق

                    • قيس العازمي
                      عضو ماسي
                      • Oct 2011
                      • 903

                      #11
                      صح لسانك



                      واللسنة شعراء الروقه





                      ولاهنت

                      تعليق

                      • خليل هليل الشيباني
                        شـــاعــر
                        • Oct 2011
                        • 609

                        #12
                        صحة الالسن والقلوب

                        شعراء مبدعين ومجاراة في قمة الابداع

                        لاهنتوا

                        تعليق

                        • سلمان المرشدي
                          عضو ماسي
                          • Jun 2011
                          • 520

                          #13
                          صح لسان شاعرنا الكبير العملاق مشعل المرشدي
                          وصح لسان المبدع والمميز ماجد الروقي
                          وصح لسان وزير الشعر عناد الشيباني

                          مجاريات راااااااائعه وفي قمة الابدااع

                          تعليق

                          • فهيد الايدا المورقي

                            مشرف منتدى الصحافة

                            • Oct 2006
                            • 14585

                            #14
                            يالبا قلبك يالروقيه


                            صحة الالسن والقلوب

                            شعراء مبدعين ومجاراة في قمة الابداع


                            تحيتي
                            حسابي في تويتر


                            faheed_1234

                            تعليق

                            • فهيد مقعد الرويس
                              شـــاعــر
                              • Sep 2005
                              • 2284

                              #15
                              ابداع من الجميع

                              صحت السنتكم

                              ولاهنت ياعناد

                              تحيتي وتقديري

                              تعليق

                              العمل...