قالوا تدلل

طي
X
 
  • التوقيت
  • إظهار
مسح الكل
المشاركات الجديدة
  • أبو زيد
    عضو فضي
    • May 2005
    • 248

    #1

    قالوا تدلل

    قالوا تدلل

    قالوا تدلل قلت بأي التعابير ### قالوا تمنى قلت بنت ابدويه
    ياليت لي يا ناس جنحان وأطير ### وأشوفها يا ناس صبح وعشيـّه
    هي منظري هي منطقي وفالحشا غير ### هي حبي اللي يا عـرب ذاب فـيـّه
    ياونتي في بعدها حيل أنا اصغير ### ما عاد لي قيمه ولا لي حميـة
    يا ناشدي عنها تراها على خير ### هي طايـفي هي بلدتي اليعربيـه
    بنت الحجاز معطّره بالتعاطير ### تغازل النجدي وجاها سـعـيّه
    وكثروا خطاطيب الحجاز المسافير ### من نجد ربعي وفي عسيله حميّـه
    الصيف يشهد في قدوم المزاوير ### كل الشمال ونجـد وسـط الحويـّه
    يا ديرتي وإن غيبتني المقادير ### والله ما أنسى فضلك اللي عليّـه
    جيرانّا كانوا شروق(ن) مناعير ### والـيوم ذا لحجي وذا دنفـسيّـه
    ناس(ن) أجاويد(ن) كرام(ن) تباشير ### راحـوا وخـلـونا عـليهـم بكـيّـه
    آلاد مـانع والغـشـيان واخضير### وبيت الفهد سطام صاحب أبـيـّه
    وبيت السريّع والسميري بهم خير ### والشيخ زامـل والضويحي يابـيـّه
    وألاّ الخليوي والعبيكان يا طير ### وألاّ الحـروب أخـلاقهم عنبريّـه
    وبيت الخراشي والحميدين يا مرير ### وبن جـوهر اللي جيرته جت هديّـه
    وعيال ابن داود حزات العصير ### الكـل يـعـزم والمجالس سـويّـه
    والباز والجماز والزيد لا ضير ### إن خان ذكري للوجيه النقـيّـه
    محد(ن) حجب خيره عن الجار والغير ### مـشـرّعـين الـبـاب والنار حـيّـه
    وآ وجد حالي وجد ذيك العصافير ### اللي غدت يا بـوي مرمى الرميّـه
    وجدّي يتوجّـد لا طرى نجد يا عمير ### يـسـتـذكر الجيران وصحـبه قويّـه
    من حقي أفخر في مخاواتهم مير ### طشتني الدنيا على أرض(ن) عميّـه
    لاني مسكت أرضي ولا بد ما يصير ### ولا لي على نجـد العـزيـزه مطيّـه
    ما عشت فيها غير عام(ن) وهو غير ### لكنّ حـبـه منغـرس حـيـل فـيّـه
    في نجد يم الوشم ربعي كما الطير ### وأعـدادهم يا ناس ماهي شـويّـه
    حنّا عتيبه وارجعوا للتفاسير ### الأرض للواهب عظيم العطيـه
    ربي عطانا وانتظمنا طوابير ### وحكامنا آل سعـود لاواهنيّـه


    وسلامتكم
    أبو زيد
  • ((الدلبحي))

    رابطة محبي الهيلا

    • Mar 2003
    • 6010

    #2
    ابوزيد

    صح السانك وتسلم على الابداع المتجدد

    تحيااااااااااااااااتي

    تعليق

    • ماجد الهذلي
      شـــاعــر
      • Apr 2005
      • 1444

      #3
      قصيده معبره

      صح لسانك وسلمت يا أبو زيد

      تحياااتي

      تعليق

      • أبو زيد
        عضو فضي
        • May 2005
        • 248

        #4
        أخوي الدلبحي... صح بدنك طال عمرك ... مع كامل الشكر والتقدير لمرورك ... فقرائتك للقصيدة في حد ذاته فخر.. وتسلم...

        تعليق

        • أبو زيد
          عضو فضي
          • May 2005
          • 248

          #5
          ألأخ @ماجد@ ... صح بدنك... وتسلم يالغالي ... ومشكور من الأعماق على المرور والقراءة...
          تحياتي.....

          تعليق

          • @المورقي@
            عضو ماسي
            • Jun 2005
            • 552

            #6
            صح السانك يا أبو زيد

            تحياتي

            تعليق

            العمل...