لكزس ونيسان

طي
X
 
  • التوقيت
  • إظهار
مسح الكل
المشاركات الجديدة
  • حمود العازمي
    عضو نشيط
    • Sep 2010
    • 91

    #1

    لكزس ونيسان

    لكزس ونيسان


    أركب على اللي كنه مزون ربان
    شاشه وتحريك المراتب وحساس
    جيوب لكزس كلها ذوق وجنان
    تشهد لها عشاقها أصناف وأجناس
    من لامني في حب لكزس ونيسان
    سوت تحدي حكمها كلمة الناس
    عبه وتله لين طخفه ودفنان
    ورده على عفيف زاير وعساس
    يرشدك بالتوجيه تصميم وأتقان
    وأن قرب أصفار الخطر دق الأجراس
    أخذ الطريق اللي يمربك طينان
    والمجمعه وأم الجماجم وهباس
    أنص الرجال اللي بها قوم شجعان
    وعده على مجلس موقت بقرناس
    أهل الشبب في كل حله وميدان
    أنشد عن اللي فعلهم دوم نوماس
    لاقلت ويش أنتم يقولون عتبان
    ذباحة الحايل على طبعهم ساس
    كل القبايل قدهم دون حقران
    والطيب وأهل الطيب في يسر وأتعاس
    أسرح صلاة الصبح من غير نسيان
    رايق ومرتاح الخواطر ونبراس
    عقب هذيك الديره اللي لها شان
    في جوها ريح النفل جاك نسناس
    أرتح ليا جاك التعب كان طفشان
    رتب أمورك لا تجي وأنت محتاس
    الهيل دقه وأعبره جوف رسلان
    الدله اللي بنها فوق محماس
    أليا مشيت الليل والوضع بك زان
    أخذ الحذر من كل حمران الأكداس
    لاتصبح إلا وأنت في وسط عمان
    وش يحفظ العذال من بطش الأنجاس
    سلم على ذاك العرب دون نقصان
    وضح لهم ذيك الأمانه من الراس
    أخذ الخبر وأنته مجهز وعجلان
    لو تكتبه زين العذاري بكراس
    عطنيه في درج الملكزس بليهان
    ماعاد لك في وسط الأجناب مجلاس
    ودي أشوفه لو بصوره ولو كان
    أن قال وسط الظرف سري فلاباس
    معك السلامه دايمه ياكحيلان
    في رجعتك رديت بالروح الأنفاس


    الشاعر حمود عبيد العازمي
  • ذعير العالي

    رابطة محبي الهيلا

    • Sep 2011
    • 1015

    #2
    صح السااااااااااااااااااانك

    تعليق

    • جمال منير
      شـــاعــر
      • Dec 2010
      • 315

      #3
      صح لسانك حمود

      تعليق

      • محمد الذيابـــي

        مشرف منتدى قصائد الاعضاء

        • Mar 2011
        • 12133

        #4
        ,,


        صح لساانكـ مليون ولا تهون,,
        التوقيع

        محمد الذيابـــي

        تعليق

        • حمود العازمي
          عضو نشيط
          • Sep 2010
          • 91

          #5
          صح ابدانكم واحد واحد عساني لاعدمتكم يشرفني تواجدكم لانكم اصحاب الخبره ومن غيركم ماكأن شي قد كان

          تعليق

          • عايض جزاء العصيمي

            رابطة محبي الهيلا

            • Oct 2011
            • 1914

            #6
            صح لسااااااااااااااااااااااانك

            تحياتي لك

            تعليق

            • ابو حسام الغنامي
              عضو نشيط
              • Nov 2011
              • 80

              #7
              صح لساااااااااااااااااانك مليون

              وماذكرتهم في القصيده يستاهلون

              تعليق

              العمل...