البارحة والقلب كنه وظيفة.. تنتظر النقد

طي
X
 
  • التوقيت
  • إظهار
مسح الكل
المشاركات الجديدة
  • رائد العصيمي
    عضو نشيط
    • Jun 2010
    • 67

    #1

    البارحة والقلب كنه وظيفة.. تنتظر النقد

    السسلام عليكم..


    شخباركم؟

    احب اقدم لكم قصيده جديدة لي يارب تعجبكم..

    عنوانها(هموم قلبي)

    البارحه والقلب كنه وظيفه
    وهموم قلبي كنها سيد تقديم
    قدام باب القلب زحمه كثيفه
    تسببت لجدار قلبي بتحطيم
    كلن يبى يسلم ملفه بكيفه
    ضاعت حقوق القلب تصدير تسليم
    لا امسى بليله كلن يسل سيفه
    حتى غدت اسوار صبره محاطيم
    يصرخ من جروح السيوف الرهيفه
    وتمد له كف الردا لكن يشيم
    يمسي على امال ن كبيره منيفه
    ويصبح يشوف امال قلبه مهاديم
    ياوجد حالي وجد من جاه ضيفه
    ولا معه مايوجبه للمعازيم
    صكت به صدوف الليال العنيفه
    وادمت حياته يردف الضيم بالضيم
    ياوجد حالي وجد من جا وليفه
    شافه بيد الغير حب وترانيم
    شاف الوليف الي حلف مايعيفه
    من ديرته في ديرة اعدائه مقيم
    دموع عينه دم و حاله ضعيفه
    مستقبله دونه ضباب وتعاتيم
    هذا مثال ن للي همه حليفه
    الي بدنياهم قضوها مظاليم
    وانا اتقاسم حالهم بالنصيفة
    وهموم قلبي كنها سيد تقديم
    والله يعين الي بقلبه وظيفه
    والي خطاه الهم حظ وتقاسيم



    وسلامتكم

    ارائكم وتقييمكم

    رائد
  • ذخر برقا
    عضو فعال
    • Sep 2011
    • 109

    #2
    صح لسانك يا رائد والقصيدة رائده

    تعليق

    • فيصل مطر
      شــــاعــر
      • Oct 2010
      • 1500

      #3
      [align=center]صح لسانك يارايد[/align]
      [poem=font="Simplified Arabic,5,white,bold,normal" bkcolor="white" bkimage="backgrounds/38.gif" border="double,3,black" type=0 line=0 align=center use=ex num="0,black"]
      صاحبي عوده ليان أليا ثنيته=مودمين كنه الداب يتلوى
      مودمين طول عمري ما لقيته=مالقيته في عيال آدم وحوى
      والجديل الي عليه الياء رميته=قام يسترسل طويله ويتطوى[/poem]
      [align=center](فيصل مطر)[/align]

      تعليق

      • محمد الذيابـــي

        مشرف منتدى قصائد الاعضاء

        • Mar 2011
        • 12133

        #4
        صح لسانكــ

        لا هنت,,,,
        التوقيع

        محمد الذيابـــي

        تعليق

        • محمد@الجعيد
          عضو ماسي
          • Jun 2011
          • 649

          #5
          صح لسانك قصيده جزله

          تعليق

          • عايض جزاء العصيمي

            رابطة محبي الهيلا

            • Oct 2011
            • 1914

            #6
            صح لسانك يارائد
            رااااااائع
            تحياتي لك

            تعليق

            • عايض جزاء العصيمي

              رابطة محبي الهيلا

              • Oct 2011
              • 1914

              #7
              مرة اخرى صح لسانك يارائد
              رائع
              تحياتي

              تعليق

              العمل...