صباح الخير .. نصيه وصوتيه

طي
X
 
  • التوقيت
  • إظهار
مسح الكل
المشاركات الجديدة
  • نايف عبدالله العتيبي
    شــــاعر نظــم
    • Oct 2007
    • 118

    #1

    صباح الخير .. نصيه وصوتيه

    ،

    السلام عليكم ورحمة الله وبركاته
    اسعد الله جميع اوقاتكم ابناء العمومه
    وزوار منتدى العتبان جميعً
    مشاعر متواضعه تقبلوها

    ،

    صباح الخير يا العين الحزينه
    ويا قلبً عسى ربي يعينه

    وش اللي مسهرك والناس ناموا
    يا عيني نامي الأشواق شينه

    مادام الزين أبو رمشً ذبوحي
    غفت عينه من اللي تحترينه

    ينام وكن هذا الكون كله
    خلا من عالمه ومن أكسجينه

    تعالوا يابشر يله تعالوا
    وكل واحد معه ورده بـ أيدينه

    نبي نجلس على شارع حبيبي
    الين يقوم لي وأشوف عينه

    وأبيكم بالورود اللي بيديكم
    تغطوا كل دربً فالمدينه

    نعلمه بمقامه في عيوني
    وكيف أشواق من هم فاقدينه

    لقيته لو لقانا كان صدفه
    لكن والله هو جاني فحينه

    وصل وأنا على خط النهايه
    وكان اليأس مابيني وبينه

    وأخذني للحياه اللي من أول
    عسا سنيني تساوى مع سنينه

    اذا العشاق من بعض استغاضوا
    وكلً صد وأخفى كل زينه

    فسحقاً للغرام اللي كهذا
    وسحقاً الف للي عايشينه

    اذا ماكان في حبك تفاني
    وشوقٌ طعم موتك في حنينه

    أجل أجعل فؤادكَ في سباته
    وخل الحب للي عارفينه

    أنا ما أسخر ولكنها حقيقه
    بـ أن الحب قد ذاق الغبينه

    غبنه اللي بنى الحب بمصالح
    وثاني حب ثم غير ضنينه

    يقول الحب مسلاةً لروحي
    عسى روحه تفارق من وتينه

    وثالثهم يشوف الناس هاموا
    وجاء هايم يقول العشق وينه

    وطب وحاس ام الحب حوسه
    يقول أحب وأفعاله مهينه

    أنا أسف ياعشاق وحبايب
    كفايه حبً أهدافه لعينه

    ومن وده يعيش الحب حقاً
    فله حل وكثير مجربينه

    يدور شخصاً يكمل لنصفه
    على دين الولي ياعابدينه

    يحبه ويتفنن في غرامه
    ويجعل روحه بـ روحه دفينه

    وداعاً وأن صحيت أنزل حبيبي
    ترى شارعك ما أكثر زايرينه

    وكلً في يده ورده لعينك
    وأنا عيني من غيابك حزينه

    وليا منك رجعت تنام ثاني
    بنجي بكره بورداً قاطفينه


    هنا صوتيه

  • عناد الشيباني
    شــــاعــر
    • Nov 2009
    • 1356

    #2
    وعليكم السلام

    وصبااح الابدااع

    صح الساااانك

    يابو عبدالله

    تعليق

    • بن رفااع
      عضو فعال
      • Aug 2010
      • 152

      #3
      [align=center]صـــح لسانكـ[/align]

      تعليق

      • محمد الذيابـــي

        مشرف منتدى قصائد الاعضاء

        • Mar 2011
        • 12133

        #4
        ,,,

        صح لسان شاعرنا القدير

        نايف عبد الله العتيبي

        بيض الله وجهك وننتظر جديدك يالغالي

        ,,,,,
        التوقيع

        محمد الذيابـــي

        تعليق

        العمل...