مساجله شعريه بين : سعد المسعودي وسلطان السبيعي ..

طي
X
 
  • التوقيت
  • إظهار
مسح الكل
المشاركات الجديدة
  • سعد المسـعودي
    شــــاعــر
    • Sep 2011
    • 296

    #1

    مساجله شعريه بين : سعد المسعودي وسلطان السبيعي ..

    [align=center]

    مساجله شعريه ... بيني والشاعر المعروف : سلطان مقعد الحضبي السبيعي (سلطان الشعر)


    ..


    .




    الصوت :


    ..

    .



    [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

    أبدأ بإسم رب ٍ كفل لقمة العيش = الواحد المعطي كفيل المعاشي

    منشي حقوق المزن لقح ٍمراهيش=وبأمره مقاديم المزون المناشي

    أزهم على مرو الكبود المعاطيش =مرو الكبود اللي لحقها عطاشي

    اللي على المغزاء بعيد المطاريش=مطفي لهيب النار في وسط جاشي

    سلطان يارأس ٍ كسبت النغاميش = رأس ٍ على النوماس والعز عاشي

    من ساس قوم ٍ ماتحسب المحاويش = ماحسبت لرباح جل المواشي

    من ساس غلباء والرجال المداغيش = تصخي كرم للضيف حايل وحاشي

    حيث الشعر مايكتبه للمعاويش=بإسمه يعيش وعزته ماتناشي

    الشعر يشكي من زمان الشواكيش = أما اللحقوا مبناه ولابلاشي

    ناس ٍ على عرشه تدق المهابيش = ويجيك قوله لاحكاه متلاشي

    شكواه منها شوش الفكر تشويش = والرأس من شكواه فالوقت شاشي

    الشعر وهبه مايجي بالبخاشيش = وإسم شهربه فالشعركف راشي

    ناس ٍ تهمش واقع الحق تهميش= بالصوت والصوره وطبعة فلاشي

    وفي ساحته ضوى علينا المكاديش = نسج الخيال مجمعين القشاشي

    شكواه من شاعر وشعره على ويش؟=من السهل حّول على أرض العكاشي

    والناصح اللي ينصحه قال له ليش= أنت سعيت بقولها وأنت واشي

    يصغي سموعه للقلوب المغاشيش = من سودها بيض النوايا غشاشي

    الحر يفرق فالطيور المرابيش = اللي ترام القاع ولاّ العشاشي

    الحر طيرلاكفخ بأشقرالريش = يحط في قلب الخريشه خراشي

    سلطان لوحطوا على الخط تفتيش = ماقلت جاك وزبدة الهرج كاشي

    لاشك من بلواه يشك الدراويش = بنيه عزاز وبنيهم له هشاشي

    بنيت بيت ٍ شطرقافه على إيش = وأختم شطر بنيان بنيته على آشي

    ويالله تجنبني عن النقد والطيش = وأحفظ مقالي عن طويل النقاشي[/poem]


    ..

    .


    ... أخوكم : سعد المسعودي ..
    ( الحرالأشقر )




    ()()()
    ()()
    ()
    ()
    ()()
    ()()




    الصدى :


    ..

    .




    [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

    بديت بإسم اللي بعث صفوة أقريش=سبحان من يرجع بالارض النشاشي

    مجر الهبايب مخرج التمر من حيش=سامع دبيب الذر فوق الحشاشي

    اجاوب اللي حوش الطيب تحويش= سعد ولد نايف نزيه المماشي

    ربعه عتيبه تتعب الخيل والجيش= مامنهم اللي فالمواجيب لاشي

    افعالهم ماهيب دس وتخاشيش=على النقا في سلم والا هواشي

    قلت الصحيح ومن زعل منه حتى أيش=من غير رب الكون ماني بخاشي

    لاهنت يارع المواجيب وتعيش=وانا معك ضد الليال العفاشي

    اللي غثاها ينبش القلب تنبيش=من واقعٍ فيه العوارف اطفاشي

    يحش أملهم حش زرع الحواشيش=ولافيه عن غيب الليال انخشاشي

    دنياً سعادتها لمثلي قناطيش=تحدنا يم الوعر والعتاشي

    أرفق علي ياجاير الوقت بشويش=قدام تلزمني صدوفك افراشي

    والشوكه اللي ماتجيها المناقيش=عليك ناتجها يصير امتواشي

    أما زمان العولمه والخفافيش=يصيب عقال العرب بندواشي

    لو قالوا أن الشعر باقي ولانيش=وانه بنهظه شامله وانتعاشي

    الشعر:والآ:مابقى الاعراميش=وان ماحفظ باقيه جاه انقراشي

    بلوه شعار القصيد الخرافيش=عن شوف مضمونه يردك غباشي

    قد قيل شعار الحداثه طرافيش=وجمهورهم بالضبط مثل الخياشي

    افكارهم جتهم من أعداء وحابيش=ترويج نذل ومرتشي ومتراشي

    قل للمكدش لابسين الطرابيش=ماينبت الصبخا صدوق الرشاشي

    ياكثر مانسمع من أهل الوشاويش=ونصد عنهم مانبى الابتلاشي

    جيل الخنا والمرذله والفرافيش=الكل منهم صار فيه ارتعاشي

    ماعم:اخص الفارغين المنافيش=اللي وضح فيهم خلل وارتباشي

    والسبه أصحاب القلوب المعاشيش=بالغل حيثه فالضعوف امتحاشي

    وأزكى تحياتي بقافٍ على أيش=الصدر والاعجز نظمه على أشي




    [/poem]

    ..

    .



    ... الشاعر : سلطان السبيعي ..
    ( سلطان الشعر )
    [/align]
    [align=center]


    [/align]
  • علي الدعجاني
    عضو ماسي
    • Oct 2010
    • 556

    #2
    الله الله

    صوت وصدى ولا اروع

    صح الله السنتكم

    تعليق

    • فهد العازمي العتيبي

      مشرف ديار واخبار القبيله

      • Mar 2003
      • 5407

      #3
      ...

      صحت السنتكم يالحر الاشقر وابن الغلباء

      ولاهنتم جميعاً ،،،
      للتواصل على تويتر

      https://twitter.com/falotaibi5115


      ،،

      تعليق

      • متعب الند
        عضو ماسي
        • May 2011
        • 643

        #4
        بيض الله وجهك............غنيت ... ووفيت ................وسلطان رد وبدع



        وتقبل خالص التحيه

        تعليق

        • أبن حشيان
          شــــاعــر
          • Aug 2010
          • 926

          #5
          صح لسانك


          ياسلام على القافيه وياسلام على جزالة الكلمه


          تستحق بروفيسور في الشعر ياسعد المسعودي بدون مجامله



          الله درك تحياتي واعجابي بك

          تعليق

          • أبن حشيان
            شــــاعــر
            • Aug 2010
            • 926

            #6
            صح لسانك ولسانه


            ياسلام على القافيه وياسلام على جزالة الكلمه


            تستحق بروفيسور في الشعر ياسعد المسعودي بدون مجامله



            الله درك تحياتي واعجابي بك

            تعليق

            • سعد المسـعودي
              شــــاعــر
              • Sep 2011
              • 296

              #7
              [align=center]
              تم النشر في الأصل بواسطة علي الدعجاني عرض المشاركة
              الله الله

              صوت وصدى ولا اروع

              صح الله السنتكم


              الغالي : علي الدعجاني

              الأروع مرورك وتشريفي بحضور
              صح بدنك ولاهان رأسك

              أحترامي
              [/align]
              [align=center]


              [/align]

              تعليق

              • قـنـاص الـقـوافي
                عضو ذهبي
                • Feb 2010
                • 333

                #8
                صدى وصووت رائعين يالغالي
                صح لسانك ولسان صاحبك
                تحيتي لكما

                تعليق

                • سعد المسـعودي
                  شــــاعــر
                  • Sep 2011
                  • 296

                  #9
                  [align=center]
                  تم النشر في الأصل بواسطة فهد العازمي العتيبي عرض المشاركة
                  ...

                  صحت السنتكم يالحر الاشقر وابن الغلباء

                  ولاهنتم جميعاً ،،،

                  الغالي : فهد العازمي
                  صج بدنك بالأصالة والنيابه ...

                  ولاهنت لطيب المرور الغير مستغرب


                  أحتراامي
                  [/align]
                  [align=center]


                  [/align]

                  تعليق

                  • ضاوي الشيباني
                    شـــاعــر
                    • Oct 2010
                    • 288

                    #10
                    الله الله

                    صح السانك والسان الحضبي وعزالله مبدعين وشعراء معروفين بالجزاله

                    تعليق

                    • محمد الذيابـــي

                      مشرف منتدى قصائد الاعضاء

                      • Mar 2011
                      • 12133

                      #11
                      صح لسانك يالحر الاشقر


                      وصح لسان سلطان الشعر



                      لاعدمناك
                      التوقيع

                      محمد الذيابـــي

                      تعليق

                      العمل...