زين العباره

طي
X
 
  • التوقيت
  • إظهار
مسح الكل
المشاركات الجديدة
  • عبداللطيف الفضلي
    شــــاعــر
    • Sep 2010
    • 199

    #1

    زين العباره

    قصيدة ترحيبية بمناسبة حفل العيد لمجلس أسرة آل علي الفضلي

    [poem=font="simplified arabic,5,black,bold,normal" bkcolor="skyblue" bkimage="backgrounds/7.gif" border="none,4,gray" type=0 line=1 align=center use=ex num="0,black"]
    أذكــر الله مبتـــدايا وانتقي زيــن العباره = أنـظم القيفان طربن في مسا حـفل العشـيره

    الف مبروك الفطر وصيامنا نجني ثماره = عيد مــن رب الخــلايق جايـزه والله كبـيره

    ياهــلا باللي لفـــونا بالحـفل جونا زياره = مــن بعيــد الدار وعيــال البــلد ربعٍ وجيـره

    فرقة السامر لفـونا نجـمهم زاد اشتـهاره = لعبــنا لعـب الحــرايــب واللعـب حـنا نديـره

    مجلس الفضلي شموخه معتلي مليون قاره= يحتــفـل بـالعيــد دايـــم ماتــوانا في مسـيـره

    بس مانكد علينا كــود مـن زاد استــعـاره = من كلاب الفرس نذلٍ كافـرٍ معـمي البصيـره

    الجـحش يذبـح بشعـبه ياخسارة ياخـساره = خلى ســوريه حزينه والحـزن في كـل ديـره

    يـهتـوي قصف المساجد بالبلد زايد دماره = يفــني السـنة مـراده ياعــسى حــاله كسـيره

    الله اكـبر هي نــدانا لي تعـلـيــنا المـنــاره = دايــمٍ في ذكــر ربي ذي عــقيــدتـنا المنيره

    خــادم البــيتــين وفّا والعدل قمة شـعاره= خيّـر الــظالم بحكمه والا بالفوضى المريره

    كــلنا لك يابــومتــعب نـنتظر منكم اشاره = نــشعل الدنــيا عــليهم حــربنا نــارٍ سـعيـره

    ميــزةٍ فـيـنا الشجاعة والتفاني والجـساره = ولا عبــدنا الله عبــدنا في جهرنا والسريــره [/poem]
  • محمد الذيابـــي

    مشرف منتدى قصائد الاعضاء

    • Mar 2011
    • 12133

    #2
    مـيـزةٍ فـيـنـا الشـجـاعـة والتـفـانـي والـجـسـاره *** ولا عبدنـا الله عبدنـا فـي جهرنـا والسـريـره



    كفــــــــــــــــــو يابن الفضلي



    صور جماليه في القصيدة تدل على ذكاء شاعرها


    كما عهدناك مبدع ياعبداللطيف


    شكري لك بلا حدود
    التوقيع

    محمد الذيابـــي

    تعليق

    • عبداللطيف الفضلي
      شــــاعــر
      • Sep 2010
      • 199

      #3
      الاخ العزيز محمد الذيابي


      صح بدنك يالغالي

      أسعدني مرورك

      وما عليك زود يالذيب


      لك مني أجمل تحية وكل عام وانت بخير

      تعليق

      • مرزوق حمدان العتيبي
        مشـرف عام
        • Nov 2003
        • 20403

        #4
        ..

        .

        صح لسانك
        قصيده مليئه بالجزاله ....
        [align=center]
        [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
        فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
        حط حبه في كياني ماتغيّره السنيني = وانثني من دون عرضه بالذراع وباللساني[/poem]







        @Marzouq_MHD
        [/align]

        تعليق

        • عبداللطيف الفضلي
          شــــاعــر
          • Sep 2010
          • 199

          #5
          [مرزوق العتيبي صح بدنك

          كل عام وانت بخير


          لك مني اجمل تحية
          تم التعديل الأخير بواسطة عبداللطيف الفضلي؛ 14-Sep-2011, 11:41 AM.

          تعليق

          العمل...