سوآليف الغرآم ..!

طي
X
 
  • التوقيت
  • إظهار
مسح الكل
المشاركات الجديدة
  • شاعر زمانه
    عضو فعال
    • Apr 2008
    • 101

    #1

    سوآليف الغرآم ..!

    [align=center]السلآم عليكم ورحمة الله وبركآته

    صبحكم الله بالخير

    أبيآت أتمنى أن تحوز على رضاكم ...
    [/align]

    [poem=font="simplified arabic,4,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    !.لا وا هنـيّ اللـي ليـا منـه بغـى يرقـد؛ ينـام=ما جا على باله ليـا غمّـض علـوم(ن) تزعجـه .!

    !. ماهوب مثلي مايهوجـس فـي سواليـف الغـرام=أحطّ راسـي والسوالـف فـي ضميـري محرجـه .!

    !. واسمع هواجيسه شخير(ن) يزعج الخلـق النيـام=وأنـا يغيبـن النجـوم أوْمـي براسـي وأدْرجـه .!

    !. حَكَم فؤادي مَـنْ حَكـم سـادات وملـوك وعـوام=يحكم برمش العيـن مـدري باالخيـول المسرجـه .!

    !. علـى قوانيـن الدلـع يجهـل قوانيـن النـظـام=أمشي على أمره لي ثلاث سنين ما اعرف منهجـه .!

    !. يا مالكـة قلبـي م فيـه معاهـده لجـل السـلام=طالت بي الغربه وانـا همـي عسـى الله يفرجـه .!

    !. ماني بشيخ أفتـي وأقـول اللـي تسوينـه حـرام=مير الحـرام انـك ذبحتينـي علـى حيـد درجـه .!

    !. يا.. حقوق الانسان افزعوا لا جاكم انسان(ن) مضام=يشكي عزيز(ن)؛ جا عزيز(ن) عند ربعه وأخرجـه .!

    !. تسري رياح الشوق باالرجّـال فـي جنـح الظـلام=ويلـد يبغـى مخرجـه ماعـاد يلقـى مخـرجـه .!

    !. وآخر مطاف الْياس عوّدنـا علـى عـضّ الْبهـام=لكـنّ مازلنـا علـى الخـط القديـم ونسهـجـه .!

    !. يارحمـة المولـى قبـل يحكـم علينـا بالْـعـدام=يانور عينـي ويـن تبغانـا علـى أمـرك نتّجـه .!

    !. تبغى فيافي نجـد تاقـف لـك خزاماهـا احتـرام=وتميل لك خضر الغصـون وكـل خاطـر تبهجـه .!

    !. تصبح على صدر الصحاري زاهي(ن) مثل الوسـام=يلوح لك برق(ن) علـى غـرّ المـزون المُحرَجـه .!

    !. تبغى الكواكب والقمر قلنـا علـى الارض السـلام=ليه القمر؟؟ وأنت القمر وأنت الشموس المسرجـه .!

    !. وأنته جمال الكون كلـه وأعظـم أسبـاب الهيـام=خيّرتك لخاطـر حـلاك اللـي يحـوس البرمجـه .!

    !. وان كان لا هاذي ولا هـاذي بقـى عنـدي كـلام=ماني بتايب؛ مانـي بتايـب! هـذا البـاب ازلجـه .![/poem][align=center]

    من الأرشيف ,,,[/align]
    تم التعديل الأخير بواسطة شاعر زمانه؛ 02-Feb-2011, 05:14 AM.
  • ابو فايح
    مشـرف عام
    • Jul 2006
    • 5343

    #2
    !. يا.. حقوق الانسان افزعوا لا جاكم انسان(ن) مضام**يشكي عزيز(ن)؛ جا عزيز(ن) عند ربعه وأخرجـه .!


    ابدااااااااااااااع



    صح لسااااااانك مدد بلا عدد
    عالم تويتر



    abofayeh@

    تعليق

    • شاعر زمانه
      عضو فعال
      • Apr 2008
      • 101

      #3
      صح بدنك يا ابو فايح

      ومرورك تشريف للقصيدة

      تعليق

      العمل...