الرجـــل مـــاكل الـــدعاوي تجيبه

طي
X
 
  • التوقيت
  • إظهار
مسح الكل
المشاركات الجديدة
  • أبونايف الروقي
    عضو ماسي
    • Feb 2010
    • 494

    #1

    الرجـــل مـــاكل الـــدعاوي تجيبه

    [align=center]السلام عليكم ورحمة الله وبركاته
    أسعد الله جميع أوقاتكم بالخير والمسرات
    [/align]


    [poem=font="simplified arabic,6,black,bold,normal" bkcolor="transparent" bkimage="backgrounds/2.gif" border="double,5,gray" type=2 line=0 align=center use=ex num="0,black"]
    يالله ياللي كلنا نلتجي به = عند المحن عند المصايب والأهوال

    ما غيرك أحد يالولي نتقي به =أنت الولي اللي عليك أشكي الحال

    هاضت هوجسي بالبيوت العجيبة=وشديت مبدأ القاف والشد مامال

    باسباب وقت(ن) ماعرف ويش غيبه=في كل يوم يبدل أحوال باحوال

    فيه القريب يكب جية قريبه= لتفه سبب يرضى فراقه ولو طال

    ورفع شعار الحقد واظهر حضيبه= وبالكبر والبهتان حطاط شيال

    وفلان متغطرس ووازيه ريبه= بالعنجهيه في غروره ولازال

    ينسج له أبليس اللعين وصحيبه= بنسج الخيال ابليس للحبل فتال

    عليهم الشيطان وزع كتيبه= وزع جنوده بين راجل وخيال

    ولو تبحث الأسباب وش يدعي به =ما به سبب ماضاع له قرش وريال

    ياوقت أنا أدري ما غدا ما تجيبه= وسدد وقارب بس لاتبحث الحال

    وهاذي نصيحه يالعقول اللبيبه= ياللي لها في مرقا الأشراف منزال

    ياللي تعرف المخطيه والمصيبه=لاتجهلون الجهل عاله وغربال

    الرجل ما كل الدعاوي تجيبه=خص(ن) لياجت من ملقف وجهال

    لوكان مايرضى لنفسه غليبه=لكن محسوبه له إكبار واجلال

    مبدأ التسامح يعطي الرجل هيبه=والله يبيض وجه ماضين الأفعال

    وان جات من عاقل تراها معيبه=لكن مبدأ العرف يبغى سعة بال

    عرف الرجال اللي تصيب الضريبه=لياجا رعدها معه عجه وزلزال

    وبعض الرجال يعم الأقصين طيبه =زود عن الأخ ولد عم وولد خال

    اللي كما نبت الديار الخصيبه =من جالها مايطر الأنكاف رحال

    واللا بعضم ياملا يندعي به =الطبع طبع إبليس والزول رجال

    صبخاء ولاتزرع ولايرعي به=مافيه لاقامه ولاهو بمدهال

    تبذر ولايثمر ووش ينبغي به=ملح أٌٌجاج وبالخفا سم سلال

    واللي تسمع في الحليله وصيب=على وعلى ولد عمه يحب التولوال

    نذل حقير هكعته في قريبه=يارجال ما والله هذا فعل رجال

    ومثله خبول(ن) فعلها تحتفي به=ويرون مواله هو أخير موال

    ضايع وضايع كل شيء يجيبه=يامزينه ساكت وسيئه لياقال

    أسد أله نصحك يالعله يعي به= وإن ما اقتنع حذرك تلقي له البال

    مقدارهم تسعين خيبه وخيبه= تقسم عليه قسمة اعيال رجال

    درب(ن) يمره جنبه لاتجي به = أنزح عنه وابعد مسافات الأميال

    مالك وماله يارجل وش تبي به =فرقاه خير أن كان صح(ن) الأقوال

    وقربه وقرب اترابه اللي وطي به =أخير منها عيشة بأشهب اللال

    أقولها لوما غدالي اذهيبه =أيضاً ولا اغتريت في كثر الأزوال

    ويرتاح بالي يوم اعد الرقيبه=يوم أتعلى فوق هاذيك الأطلال

    وهاجوس بالي ليل ما ينسري به =وبحر(ن) بلاساحل وليل العنى طال

    هوجاس بعاع وهاجس(ن) يشتري به=وتارد على قلبي مواريد الأبطال

    وينلاف قلبي لوف عشب(ن) ثعي به=وكنه يتله بين الأضلاع تلال

    تل الدلي اللي طويل(ن) قليبه=أصرم وذمها وطقها حايف الجال

    وراعيه واق واطامع إنه يجي به=وراحت زريق الجم من دونها حال

    والذود مظمي والخرايم مهيبه=برض(ن) فلا ماشاف به زايل(ن) زال

    وقصب رشاه وشال فوق النجيبه=مع طلعة الجوزاء ولاطاب له فال

    جداي أدله خاطري واعتني به=وأسج واخذ لي من الكيف فنجال

    وصحبة رجال العرف شب(ن) وشيبه= معهم على الشيمه وزين التعلال

    أهل التقى والدين نوره مشيبه=وأهل الكرم والعرف ذربين الأفعال

    ومن رافق الأخيار ما حد(ن) يعيبه=وعزي لمن رافق خبيثين الأعمال

    ومن لامني يقضم حجر ويعدي به=ويلحس لسانه جمرت(ن) تشعل إشعال

    وتعبر الرؤيا وتصبح عريبه =وإن عبرت تاقع على بعض الأحوال

    وغصت البحر واخذت مالذلي به =وخرج منه ومكسبي بشت واعقال

    واللي كما السكر خلط مع حليبه=واللا كما در الأباكير الأهجال

    در البكار إن روح(ن) من شعيبه=جو(ن) وقد عله من المزن همال

    وشلف(ن) ملاميسه يروع دبيبه= تقول روس إرماح حماية الذال

    ولاكل سباح(ن) حصيله يجي به= ياكود من عنده محايل ويحتال

    وقت الشفق قدام حزة مغيب=معناي وضحته على روؤس الأقذال

    وسدي بعيد ولاحد يعلم بغيبه=ياكود من نزل تبارك والأنفال

    وكل(ن) على ماضيه حزة مشيبه=ذا قول سالفنا وماضين الأجيال

    وصلوا على اللي كلنا نقتدي به = اللي بهديه بدد الشرك وانزال[/poem]
  • محمد عويض الثبيتي
    عضو فضي
    • Jan 2010
    • 226

    #2
    سالم و غانم



    صح لسانك مدد


    شاعر متمكن لا هنت


    تقبل مروري

    تعليق

    • أبونايف الروقي
      عضو ماسي
      • Feb 2010
      • 494

      #3
      [align=center]صح بدنك يابو عويض
      نورت المتصفح بمرورك العطر . وذائقتك الشعرية ولاعليك زود [/align]

      تعليق

      • نايف المغيبي
        عضو ماسي
        • Oct 2010
        • 454

        #4
        ابو نايف

        اشكرك على هذه القصيده ولك تحيتي

        تعليق

        • أبونايف الروقي
          عضو ماسي
          • Feb 2010
          • 494

          #5
          [align=center]أرحب يانايف المغيبي .
          أنت بلا شك تعرف الشعر جيداً وهذا ليس مستغرب . وصح ابدنك مقدماً شاكراً مرورك [/align]

          تعليق

          • ابو عبد الإله
            شـــاعــر
            • May 2008
            • 139

            #6
            بسم الله الرحمن الرحيم

            ابونايف مساء الخير كيف حالك عساكم بخير صح لسانك

            تعليق

            • أبونايف الروقي
              عضو ماسي
              • Feb 2010
              • 494

              #7
              [frame="2 80"][align=center]مرحباً وسهلا بالشاعر القدير
              أبو عبدالإله .
              مساء النور والسرور
              أشكرلك مرورك . وتقبل ودي وتقديري [/align]
              [/frame]

              تعليق

              • أبونايف الروقي
                عضو ماسي
                • Feb 2010
                • 494

                #8
                تم النشر في الأصل بواسطة ابو عبد الإله عرض المشاركة
                بسم الله الرحمن الرحيم

                ابونايف مساء الخير كيف حالك عساكم بخير صح لسانك

                [frame="1 80"][align=center]وين الغيبة يابو عبدالإله . عسى المانع خير [/align][/frame]

                تعليق

                • مفرح ذيب العطاوي
                  عضو فعال
                  • Dec 2011
                  • 116

                  #9
                  صح السانك يابونايف
                  وفيت وكفيت

                  تعليق

                  • عايض جزاء العصيمي

                    رابطة محبي الهيلا

                    • Oct 2011
                    • 1914

                    #10
                    صح لسانك يابو نايف

                    ابدعت لاهنت

                    تحياتي لك

                    تعليق

                    • أبونايف الروقي
                      عضو ماسي
                      • Feb 2010
                      • 494

                      #11
                      [frame="5 80"][frame="3 80"][align=center]صحت السنتكم ودمتم[/align][/frame][/frame]

                      تعليق

                      العمل...