||<->|| ياأحمد تولاّني الهاجوس وأجهدني .. لاطرّف الليل سرّا وأحتمى نبله ||<->||

طي
X
 
  • التوقيت
  • إظهار
مسح الكل
المشاركات الجديدة
  • حسن إبراهيم الدجيماء

    شـــــاعــر

    • Jun 2009
    • 1983

    #1

    ||<->|| ياأحمد تولاّني الهاجوس وأجهدني .. لاطرّف الليل سرّا وأحتمى نبله ||<->||

    [align=center]السلام عليكم
    ..
    [/align]



    [poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    ياأحمد تولاّني الهاجوس وأجهدني = لاطرّف الليل سرّا وأحتمى نبله !!
    حلو الكرا منه ثقل الهم يقعدني = وإليا حِرِمت الكرا قمت أترقّب له !!
    ( أحيان يرجع قبل وقت السّحَر يدني = وأحيان ماألقاه لابعده ولاقبله ) !!
    اللي كسبته صلاتي يوم يهجدني = لامرّ ثلثين والوجهة على القبله !!
    رفعت يدّي لمن يفرج ويسعدني = ألحّ بدعاي خاشع وأتقرّب له !!
    اللي لياضقت من دنياي زوّدني = ماشحّ في مدّته .. ولاقِطِع حبله !!
    والبارحه زمرة أوجاعي تراودني = والكبد من بعض خلق الله مندبله !!
    سبّة هذاك الضعيف اللي يتهددني = مايدري إني طويل ذراع ماأحسب له !!
    ببيوته العجف .. يهجاني ويقصدني = وأنا أترفّع عنه .. ماودّي أكتب له !!
    مسوّيٍ عنتره يوم يتوعدني = وأنا أعرفه لاهو بعنتر ولاعبله !!
    ردّي عليها لك الله مايعقّدني = لاكنّ شعري منزّه مايناسب له !!
    خوفي .. مع أهل السّطر بكرة ينقّدني = يحسب خطاي بعشر والردّ يحسب له !!!
    مالي عذر منهم ولاهو بفايدني = لاسِجِّل إسمي فـ ( list ) العالم الخبله !!!
    والشعر ورثٍ لي وجدّي مزنّدني = ورثه .. قبل صبّة القبّار تنصب له !!
    معاهده بالشرف .. وهوه معاهدني = في جلّ الأحوال ينسب لي وأنا أنسب له !!
    لاكن تكفى يابوصالح تساعدني = هاك الزم بيوتي وحثّ الركايب له !!
    وقلّه يرّيح بليسه لايعاندني = تراه لن عادها ماهوب بأطيب له !! [/poem]

    [align=center]..

    إحترام الخاص لـ / كم !!
    [/align]
  • فهد الشيباني
    شــــاعــر
    • May 2008
    • 1529

    #2
    الله الله

    صح الساانك ياحسن



    خوفي .. مع أهل السّطر بكـرة ينقّدنـي
    يحسب خطاي بعشر والردّ يحسب لـه
    مالـي عـذر منهـم ولاهـو بفايـدنـي
    لاسِجِّل إسمي فـ( list ) العالم الخبله



    الله واكبر


    كبير يالدجيماء ( والكبير الله )


    سبق وقلت الك اني متابع لكل ما تكتب وانا متابع


    بانتظار جديدك ....
    ..



    ارسم لنفسك حدود الخطوه المنظومه
    واحذر احذر لاتزل اقدامك وتاكلها

    الحياه الفانيه في ناظري معدومه
    كان ماحددت قمه للهدف تاصلها

    تعليق

    • محمد عويض الثبيتي
      عضو فضي
      • Jan 2010
      • 226

      #3
      صح لسانك ولا هنت

      تقبل مروري

      تعليق

      • أسير القوافي
        سعد السميري
        • Nov 2009
        • 590

        #4
        [align=center]



        الله الله الله






        عزً الله ما ربح اللي تولجًته يالدجيما






        وأنت في list ،، العالم الصالحه والفايزه إن شاءالله ،، ومحشوم عن العالم اللي ذكرت









        صح لسانك اعداد ذعاذيع النود ،،






        إستمتعت بقرائتها ،، ونترًقب المزيد المزيد المزيد ،، فلا تبخل علينـــا






        مروري الذي يليق بصفحتك
        [/align]
        تم التعديل الأخير بواسطة أسير القوافي؛ 25-Jan-2011, 11:43 PM.

        تعليق

        • حسن إبراهيم الدجيماء

          شـــــاعــر

          • Jun 2009
          • 1983

          #5
          ..

          فهــد الشيبآآني
          ..
          صح بدنك يالغآآآلي
          ..
          والله يبيّض وجهك ع المرور الجزل والفخم
          ..
          متابعتك شرف الله لايحرمنيك يالذيب
          ..
          شرّفت أخوك بالمرور ولاتحرمه طلّتك دايم .. لاهنت
          ..
          إحترآآمي

          ..

          تعليق

          • حسن إبراهيم الدجيماء

            شـــــاعــر

            • Jun 2009
            • 1983

            #6
            [align=center]..

            محمد الثبيتي

            ..

            صح بدنك ياذيبان
            ..
            لاهنت ع المرور الجزل
            ..

            إحتراامي

            ..
            [/align]

            تعليق

            العمل...