..... هــند ...

طي
X
 
  • التوقيت
  • إظهار
مسح الكل
المشاركات الجديدة
  • عبدالمحسن العنزي
    موقوف لمخالفة الأنظمة
    • Jan 2011
    • 108

    #1

    ..... هــند ...

    [poem=font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    ما باقي الا الشوق خلوني اشتاق = لأيام حلوه ولمشاعر حميمة
    وقتا به اجمل عشق وهيام وعناق = لقلوب ما فيها نوايا اثيمه
    تزورني ويفارق النوم الاحداق = واسهر على ارث الغرام ونعيمه
    على البيوت اللي لها الطرف رماق = وصارت عقب هاك الليالي عديمه
    اللي عليها سجت الروح والساق = روحي تسابق خطوتي بالهميمة
    ذكرت هند اللي لها القلب تواق = بنتا بقت بين الحنايا مقيمة
    مرت سنين وهي نزيلة بالاعماق = عيا البطا يقشع لها طنب خيمه
    مع خدها اللي لا كشف ضو براق = يلمع حدر سودا وساعا مظيمة
    مفرق شعرها وسطه المسك عباق = ايو الله اني همت به واستهيمه
    لها بدرب الحب شرهات واخلاق = ولاهي على مبدا العقول السقيمة
    من بيت حصنا به مشاهير وعتاق = اللي بهم عز ومعزة وشيمة
    من خيل تغلب معنقيات ودقاق = لو قيضن بالبشر وارض الحميمة
    بنت اجوديا للخطاطير سباق = من كثر ضيفانه تشامت حريمه
    يبن لهن فله وخادم وسواق = وهو يقول الخير ربي يديمه
    المال ياحاشه سريعا بالانفاق = للضيف والا للعيال اليتيمه
    ويوم الزمن قصر عليهم بالارزاق = تعففوا والعز بالنفس سيمه
    ماهوولد عفنا على المال طباق = يفرح ليا شاف القرا والعزيمه
    ويوم الليالي ماسعت لي بالاوفاق = وصار الفراق وكل نفسا كظيمه
    راحت كما نجمة تعلت بالافاق = راحت مراح الماجدة والكريمة
    كم لك بقلبي من عبارات الاشواق = وكم لك بقلبي من محبة عظيمة
    سقى وطنها من مناشيه صداق = يسوقه الرحمن من نوا غيمه
    راح الهوى والحب راعيه ما فاق = يعيش في سكرة مفارق نديمه
    حافظ لها ذكرى قصاصات واوراق = وعطرا تلاشى من قزازة قديمه[/poem]
  • عبدالمجيد النفيعي
    مشرف القسم الإسلامي والاقسام العامة
    • Jul 2007
    • 2048

    #2
    [poem=font="simplified arabic,4,firebrick,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    مرت سنين وهي نزيلة بالاعمـاق=عيا البطا يقشع لها طنـب خيمـه[/poem]

    ماشالله عليك الناس صارت في قلوبها فنادق وأنت متمسك بالأصالة

    صح الله لسانك وحياك الله بين أخوانكـ

    تم التعديل الأخير بواسطة عبدالمجيد النفيعي؛ 23-Jan-2011, 06:59 AM.
    تذكر

    قول الرسول صلى الله عليه وسلم :-"المسلم من سلم المسلمون من لسانه ويده"





    أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

    تعليق

    • عبدالمحسن العنزي
      موقوف لمخالفة الأنظمة
      • Jan 2011
      • 108

      #3
      هلا فيك اخي العزيز عبدالمجيد النفيعي صح بدنك .... وش رايك ماني وفي



      الله يبقيك وشكرا لك على المرور ..... وانا بين اخواني واتشرف .... تحياتي ....

      تعليق

      العمل...