||<->|| الحاكم العادل .. وخادم بيتك // عون الضعوف اللي يظلّ ظلاله ||<->||

طي
X
 
  • التوقيت
  • إظهار
مسح الكل
المشاركات الجديدة
  • حسن إبراهيم الدجيماء

    شـــــاعــر

    • Jun 2009
    • 1983

    #1

    ||<->|| الحاكم العادل .. وخادم بيتك // عون الضعوف اللي يظلّ ظلاله ||<->||

    [align=center]تواصلاً في هذا القسم
    ..
    وآسف على الغياب الإجباري
    ..
    [/align]


    [poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    بسم الله اللي كلنا نلجا له = ربٍّ كريمٍ ماكسح من جاله !!
    المعطي الوهّاب .. مجري كونه = بمَعْرِفتْه .. وعالمٍ بأحواله !!
    اللي لو العالم تمدّ وتعطي = ماعادلت مدّه .. ولامكياله!!
    أرجيه من عفوه .. ومن غفرانه = وأرجيه يصلح نفسي المحتاله !!
    اللي تزيّن لي متاع الدنيا = وتسوق قلبي يمّها .. عزّاله !!
    وتجرّني يمّ الهوى واللذّة = وتصوّر المعروف بأبشع حاله !!
    البارح الذكرى عليّه سرّت = والجفن عيّا النّوم لايهنا له !!
    والهاجس الملعون ماخلاّني = سرّا عليّه رجلي .. وخيّاله !!
    عيّا يفاختني .. ويكفي شرّه = وعيّا يطاوعني .. يريّح باله !!
    أعلّمه .. وأقول ماهو وقته = مار البلا إني حافظٍ مواله !!
    ( لاقلت حلو النوم يجذب جفني !! = قال : المعاني ماهي ببطّاله ) !!
    طرا عليّ اللي فشهر ذي الحجّة = غادر من بلاده .. وشدّ رحاله !!
    على ديار الغرب حثّ ركابه = غصبا .. وخلاّ من وراه عياله !!
    اللّي تولّتهم هموم الدنيا = من يوم روّح .. والسعد يبراله !!
    أحدٍ فقد وعيه .. وأحد ماصدّق = قطّع أزاريره .. وشقّ بداله !!
    وأحدٍ غدا نومه وصحوه واحد = والحال من بعده وهو يرثاله !!
    وأنا لك الله من هذيك اللحظه = والدمع مغرق غترتي همّاله !!
    لكن رضيت بحكم ربّي .. وأدري = إن القدر كثر السخط ماحاله !!
    والعبد لامنّه رضا بأمر الله = علاّ على كل البشر منزاله !!
    لكن ياربّي طلبتك ردّه = لعياله اللي يحترون إقباله !!
    الكنق أبومتعب حبيب العالم = من جاله الأقصى ليا أقصى جاله !!
    الحاكم العادل .. وخادم بيتك = عون الضعوف اللي يظلّ ظلاله !!
    القرم إبن عبدالعزيز الصارم = نسل الرجال أهل الظفر والطاله !!
    اللي ليا شبّت وثارت هيّه = ماهاب ندّ .. ولاشِرِب فنجاله !!
    إهتمّ بالإسلام وأعلى شانه = في خدمته كافح .. وساق أمواله !!
    دستوره آياتك .. وهدي محمد = ماحطّ دستور البشر مبدا له !!
    كلّه لوجهك يالعليم العالم = والنّاس تشهد له بطيب أفعاله !!
    متى نشوفه بيننا متواجد = والعافية تكسي جسَدْه .. وفاله !!
    الله يطوّل عمره إلْنا حزّه = ويجيره امن الوقت .. وامن أهواله !!
    وثالث عياد المملكة والأمّه = يارب عجّل به .. وهلّ هلاله !!
    ويارب تقبل طلبتي ودعاتي = يالمعطي اللي ماكسح من جاله !!
    وأختم بصلى الله على أشرف خلقه = محمّد الهادي .. وصحبه .. وآله !![/poem]

    [align=center]..

    إحترامي لـ / الجميع !!

    ..
    [/align]
  • فهيد مقعد الرويس
    شـــاعــر
    • Sep 2005
    • 2284

    #2
    صح لسانك

    ملااااااااااااايين

    والله يرد ملك الانسانيه سالم غانم

    اطيب تحيه

    تعليق

    • فهد الشيباني
      شــــاعــر
      • May 2008
      • 1529

      #3
      صح الساااانك


      حتى تررررضى


      اللي يرد ملك القلوووووب الى مملكته


      مبدع يالدجيمااء


      اعجابي بما تكتب
      ..



      ارسم لنفسك حدود الخطوه المنظومه
      واحذر احذر لاتزل اقدامك وتاكلها

      الحياه الفانيه في ناظري معدومه
      كان ماحددت قمه للهدف تاصلها

      تعليق

      • كعام
        عضو نشيط
        • Jun 2010
        • 77

        #4
        [align=center]شـــــــــــــــــــــــــــــــــــــــــــــــــ ــــــــــــاعر يالدجيماء

        صح لسانك والله يرد ابو متعب ملك القلوب [/align]

        تعليق

        • حسن إبراهيم الدجيماء

          شـــــاعــر

          • Jun 2009
          • 1983

          #5
          [align=center]..

          فهيد الرويس
          ..
          صح بدنك .. تيرليونااات
          ..
          والله يقبل دعاتك ويردّه
          ..

          إحترامي

          ..
          [/align]

          تعليق

          • حسن إبراهيم الدجيماء

            شـــــاعــر

            • Jun 2009
            • 1983

            #6
            [align=center]..

            فهد الشيباني
            ..
            صح بدنك يالغالي مدد بليّا عدد
            ..
            والإبداع يكمن في مرورك ياذيبان
            ..
            على فكرة : ( إعجابك يعني لي الشئ الكثير )
            ..
            والله يجمّلنا مع اهل الطيب
            ..

            إحترامي

            ..
            [/align]

            تعليق

            • حسن إبراهيم الدجيماء

              شـــــاعــر

              • Jun 2009
              • 1983

              #7
              [align=center]..

              كعاام
              ..
              شهادتك وسام
              ..
              صح بدنك .. وبيّض الله وجهك ع المرور الفخم
              ..

              إحترامي

              ..
              [/align]

              تعليق

              • عبد الكريم العازمي
                شــــاعــر
                • Sep 2010
                • 1095

                #8
                صح لسانك حتى ترضى وبعد الرضى وحين الرضى


                ::


                مبدع والله يردهـ سالم وغانم



                تقبلني.!

                تعليق

                • حسن إبراهيم الدجيماء

                  شـــــاعــر

                  • Jun 2009
                  • 1983

                  #9
                  [align=center]..

                  عبدالكريم العازمي
                  ..
                  صح بدنك من الحين إلى يوم يبعثون
                  ..
                  والإبداع يكمن في تشريفك وتشريف شرواك للنص
                  ..
                  إحترامي لـ / ك

                  ..
                  [/align]

                  تعليق

                  • معلا إبراهيم الأسعدي
                    شــــاعر نظــم
                    • Feb 2007
                    • 1405

                    #10
                    صح السااانك يا حسن بيض الله وجهك قصيده جزله وانت من بيت شعر ولاهو غريب عليك الابداع

                    تعليق

                    • حسن إبراهيم الدجيماء

                      شـــــاعــر

                      • Jun 2009
                      • 1983

                      #11
                      ..

                      الرآآئع دآئمًا / معلاّ الأسعدي
                      ..
                      صح بدنك .. ووجهك أبيض
                      ..
                      الله يطوّل عمرك ع المرور والإطرآآء
                      ..
                      إحترآآم خاص لـ / ك

                      ..

                      تعليق

                      العمل...