مبروك ياشيخٍ يمثل شبابه

طي
X
 
  • التوقيت
  • إظهار
مسح الكل
المشاركات الجديدة
  • محمد مذكر المغيبي
    شــــاعــر
    • Oct 2009
    • 154

    #1

    مبروك ياشيخٍ يمثل شبابه

    [align=center]مناسبة هذة القصيدة دعاني الشاعر الكبير لافي حمود الغيداني
    لحفل الشيخ عليان ابن راشد الطهيمي بمناسة
    فوز مغيضات منقية الشيخ عليان بالنخبه في ام رقيبة في يوم الخميس
    [/align]

    [align=center]24-1-1432ه [/align]

    [poem=font="simplified arabic,6,black,normal,normal" bkcolor="transparent" bkimage="" border="none,7,gray" type=0 line=0 align=center use=ex num="0,black"]
    سلام ياشيخٍ عزيزٍ جنابه=ياعز ربعة ياسند كل من جاه
    الفوز طبعك والوفاء والرحابه=والطيب لك عنوان ياطيب الجاه
    فعلك ياابو فواز وش ينجزابه =مافيه شيٍ ياابيض الوجه يجزاه
    رقيت فاالعيطاء مراق الذيابه= وحققة مجدٍ يرفع الراس طرياه
    وحطمة كل ارقام رمز الكتابه=وطرزت ديوانٍ هل الصنف تقراه
    وسهلة مفهومه على اللي قرابه=وبحكمة اللي جرب الوقت مبداه
    من لاطمح للعز فاول شبابه=لايمكن يحقق طموحه ومبداه
    وما جابه الوقت المشقى غدابه= وحضة على درب المخاليق عناه
    واللي رسم له درب يحسب حسابه=لو طال به وقت الشقا لاتباطاه
    يجيك فاالحروه وتسبق ركابه=ويرفع مقامه للشرف لا مراواه
    مبروك ياشيخٍ يمثل شبابه=تقدم اهل الوضح والوضح تزهاه
    وحقق بها النخبه ولامن غرابه= المركز اللي نستحقة خذيناه
    بنقوة مغاتيرٍ سهافٍ تشابه= تسمع منافسها الياقال عزاه
    ويفضل الخصم العنيد انسحابه=ويبطي وهو ماحقق اللي تمناه
    وضحٍ لها وسط الجزيرة مهابه= بناة هرشٍ ماتوصف حلاياه
    من السطر لن جاء نهار المجابه=وكلٍ دفع يم المزاين رعاياه
    تتعب منافسها ويكثر صوابه= ويفهق لو انه باالملايين مشراه
    نوادرٍ موت الفقير و عذابه=وراع النظر لن شافها جاء من اقصاه
    فيها من كحيلان رق وصلابه=والكنق فيها كلها من تهاياه
    هاذي مغيضات ان بغيت الاجابه=وضحٍ على حصد الجوايز مضراه
    ميرادها هداج عذبٍ شرابه= في ضف شيخٍ بيرق العز يبراه
    شيخٍ قضب سيف الوفاء من نصابه=ومن حبه الله سارو الناس برضاه
    الطيب وهبه والطهيمي نشابه=والمرجلة ضلعٍ صعيبٍ وعداه
    من روس قومٍ فعلهم ينحكى به=يوم ان عز الرجل سيفة وشلفاه
    حرب السعد يوم المراجل نهابه=حرب المروه والوفاء والمثاراه
    حرب الرجال اللي تعز القرابه=حرب الصخاء حرب السلوم المنقاه
    فكاكة التالي نهار الحرابه=لن جو على قحص المهار المغذاه
    ودخيلهم فاالوجه مااحدٍهقابه=ورجالهم في ساعة الضيق تلقاه
    ودك الليا كثرت عليك الطلابه=والليا معك من حرب رجلٍ وتنخاه
    حق الخوي كان الردي ماشقابه=لاوالله الا حرب ماتسهج حماه
    وتمشي معة في كل دربٍ مشابه=ومن دونه الارواح ترخص ومهداه
    هذا وانا عن عزوتي باالنيابه=عتيبة الهيلا هل الطيب والجاه
    حضرت اشارك حفلة اعز لابه=وفرحة عليان الطهيمي بما جاه
    وختامها على النبي والصحابه=صلات ربي عد من سارت اخطاه[/poem]
    تم التعديل الأخير بواسطة محمد مذكر المغيبي؛ 02-Jan-2011, 05:19 AM.
  • ولد الضيغمي
    عضو فعال
    • Jul 2010
    • 182

    #2
    حق الخوي كـان الـردي ماشقابـه لاوالله الا حـرب ماتسهـج حمـاه
    وتمشي معة في كـل دربٍ مشابـه ومن دونه الارواح ترخص ومهـداه
    هذا وانـا عـن عزوتـي باالنيابـه عتيبة الهيلا هـل الطيـب والجـاه
    حضرت اشارك حفلـة اعـز لابـه وفرحة عليان الطهيمـي بمـا جـاه



    وصــح لـــســانــك يا أبن مــذكـــر قـــصـــيــده رائــعــه
    ويـــســتــاهــل الــشـــيــخ عـــلــيـــان ومــبــروكـ فــوزه


    أخـــــوكـ،،’’الـــضــيـــغــــمــــي،،’’
    تم التعديل الأخير بواسطة ولد الضيغمي؛ 02-Jan-2011, 06:14 AM.

    تعليق

    • فهيد مقعد الرويس
      شـــاعــر
      • Sep 2005
      • 2284

      #3
      ويفضل الخصـم العنيـد انسحابـه
      ويبطي وهو ماحقـق اللـي تمنـاه

      ههههه

      صح لسانك يابومذكر والشهاده فيك مجروحه

      ابداع لايستغرب ويستاهل الطهيمي النخبه

      تحيتي وتقديري

      تعليق

      • محمد موسى المقاطي
        عضو فعال
        • Jul 2009
        • 194

        #4
        [align=center]صح السان و حقيقه يابو مذكر

        ابداع و تسلسل يستحق الإشادة

        لاهنت و لاهان منطوقك

        وحرب يستاهلون

        و اغلا تحيه
        [/align]

        تعليق

        • نايف المغيبي
          عضو ماسي
          • Oct 2010
          • 454

          #5
          ابو خالد قصيده جزله كما عودتنا في ابداعك ويستحق الطهيمي ذلك

          تعليق

          • فايز بن سرحان الثبيتي

            مشرف منتدى قصائد الاعضاء

            • Nov 2008
            • 5247

            #6
            الله الله



            صح لسانك يامحمد شاااااعر جزل وكلنا ترقب لما تطرح

            ويستاهل الشيخ عليان ابن راشد الطهيمي الوفا ولاهو غريب عليه "
            [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

            إذا شئت أن تحيا سليما من الأذى=وحظك موفور وعرضك صين
            لسانك لا تذكر به عورة امرىء=فكلك عورات وللناس السن
            وعينك إن أبدت إليك معايبا = فصنهاوقل يا عين للناس أعين
            وعاشر بمعروف وسامح من اعتدى=وفارق ولكن بالتى هى أحسن

            [/poem]

            تعليق

            • محمد مذكر المغيبي
              شــــاعــر
              • Oct 2009
              • 154

              #7
              اخوي الظيغمي

              مرورك يسعدني الله لايهينك

              وصح لسانك ياالظيغمي

              تقبل تحياتي

              تعليق

              • عبدالمجيد النفيعي
                مشرف القسم الإسلامي والاقسام العامة
                • Jul 2007
                • 2048

                #8
                صح الله لسانكـ يالمغيبي ويستاهل الطهيمي مشهود له بالطيب

                لكن أسمح لي أن أعلق على بعض النقاط


                فعلـك ياابـو فـواز وش ينجزابـه ،،، مافيه شيٍ ياابيـض الوجـه يجـزاه

                جزاها جائزه بأسم المؤسس وهذا هو المطمع


                ويفضل الخصـم العنيـد انسحابـه ،،، ويبطي وهو ماحقـق اللـي تمنـاه

                المفروض كان المدح في غنى عن ذكره هذه النقطه

                حضرت اشارك حفلـة اعـز لابـه ,,, وفرحة عليان الطهيمـي بمـا جـاه

                إذا كان المقصد أعز لابه عندك أنت شخصياً هذا شيء راجع لك وهم يستاهلون بلاشك ولكن بتمثيل قبيلة عتيبة أو يكون مقصدك أعز لابه كقيمه بين القبائل لا والله كل قبيله مافيها قصوور ولاداعي للأفضليه وقبيلة عتيبه تعز كل طيّب من أي قبيله

                ،،

                تقبّل مروري بصدر رحب أخوك/ عبدالمجيد النفيعي
                تذكر

                قول الرسول صلى الله عليه وسلم :-"المسلم من سلم المسلمون من لسانه ويده"





                أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

                تعليق

                • الصويت الثبيتي العتيبي
                  عضو ماسي
                  • Nov 2010
                  • 749

                  #9
                  صح لسانك يابومذكر

                  تعليق

                  • محمد مذكر المغيبي
                    شــــاعــر
                    • Oct 2009
                    • 154

                    #10
                    فهيد الرويس

                    مرورك يسعدني الله لايهينك

                    وصح بدنك

                    تقبل تحياتي

                    تعليق

                    • محمد مذكر المغيبي
                      شــــاعــر
                      • Oct 2009
                      • 154

                      #11
                      محمد موسى المقاطي

                      مرورك يسعدني الله لايهينك

                      تقبل تحياتي

                      تعليق

                      العمل...