أثر المحبه بكى .. وقلوب مسلوبه ..!!

طي
X
 
  • التوقيت
  • إظهار
مسح الكل
المشاركات الجديدة
  • عايض بن زوير
    شـــاعــر
    • Jul 2007
    • 407

    #1

    أثر المحبه بكى .. وقلوب مسلوبه ..!!


    مسااكم / صبحكم شعر ..



    /




    للتواصل مع الهيلا





    //





    \




    //







    [poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

    الدّمعه اللي ( على الجالين ) مسكوبه =بذت خفايه / ولا أدري وش سبايبهاا !
    نوبٍ تحدر / وأجي من دونهاا نوبه=مار أحرجتني وأنا ما آمن عواقبها !
    وآآ حظه اللي سترها في " طرف ثوبه "=محدٍ درابه لو إن الموق جايبها !
    أضحك وأجامل رياا .. والنار مشبوبه= واليا طرقهاا الهوى ولع مشاهبها !
    كن الحنايا وطن و ( شعوب منكوبه !! )=وهم المفارق ( حكوماتٍ ) تجاذبها !
    عز الله إنه بكى الرجال لـ / ذنوبه= أهون / ولا تبكي دموعه ذهايبها !
    الذنب تغسل حماده " مزنة التوبه "=ولا الليالي ياا كيف يعود غايبها !
    يالعين هلي رضا // وإن كان مغصوبه=دام المدامع تبلل كبد صااحبها !
    الشااعر اللي قفى هجينيه مسحوبه=دق النقايد .. ولا قبل مناكبها !
    وش حيلة اللي فقد فالوقت رعبوبه ..؟! =غير الركايب ورا لاماه يتعبها !
    واما كتب له : ( لقاا المحبوب محبوبه )=ولا يعود مخاسيره يحسبها !
    وآآ كبدي اللي من الأياام مشذوبه= ( لا هي سليمه ) ( ولا بانت مشاذبها ) !
    سبة غريرٍ يتل الروح باسلوبه=وإلياا منعته يقول إنه : يلاعبها !
    روح الهواوي غدت في ايديه لعبوبه=اما يشرق بهاا .. ولا يغربها !
    غروٍ مزجهاا ( وصايف زين ) ( واعذوبه )=كن الحناياا على كيفه يرتبها !
    لو هو يسولف بنات الرفع منصوبه=كل المسامع على ما راد يجذبها !
    غاب وتركني سجين الوقت وكروبه=" طبع الليالي غريباتٍ مذاهبها " !
    أثر المحبه بكى // وقلوب مسلوبه .!1=والرابح اللي تلوى به نشايبها !
    يالعين هيدي عن المذراف / ياا دوبه=حس الذيابه تعلاّ في مراقبها !
    ولياا تعاوت ذياب الدار / محسوبه !! =بسج رجلي على المرقب وأجاوبها !
    وكانه وصلني مع النسناس مكتوبه=لأهل المناصب تركّي ياا مناصبها !
    وإن قيل : ( ناقة زمان البين ) مجلوبه=ياا خيرة الله من الناقه وجالبها ![/poem]
    تم التعديل الأخير بواسطة عايض بن زوير؛ 05-Oct-2010, 01:38 AM.
  • مرزوق حمدان العتيبي
    مشـرف عام
    • Nov 2003
    • 20403

    #2
    ..

    ولـيــاا تـعــاوت ذيـــاب الـــدار / مـحـسـوبـه !!
    بــســج رجــلــي عــلـــى الـمــرقــب وأجـاوبــهــا !
    وكــانـــه وصـلــنــي مـــــع الـنـسـنــاس مـكـتـوبــه
    لأهــــل الـمـنـاصـب تــركّـــي يـــــاا مـنـاصـبـهـا !
    وإن قـيـل : ( نـاقـة زمـــان الـبـيـن ) مجـلـوبـه
    يــــــاا خـــيـــرة الله مــــــن الــنــاقــه وجـالــبــهــا


    هلا والله وغلا ياعايض
    جزاله غير مستغربه سعداء بعودتكــ
    [align=center]
    [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
    حط حبه في كياني ماتغيّره السنيني = وانثني من دون عرضه بالذراع وباللساني[/poem]







    @Marzouq_MHD
    [/align]

    تعليق

    • نوآف الغنامي
      خيال الصفرا

      • Mar 2009
      • 1954

      #3
      يا سلآم عليييك يا عاااايض


      صح والله لساااانكــــ مليوووون ولآ يسدوووون


      مبدع والله لآ يضركــــ




      تقبل اعجااابي
      و تقبل تواجدي الدائم في صفحاتك ..
      [poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
      تدرون ويش اكبر فخر بعد الاسلآم !! = ان النبي (طه) خواله عتيبه[/poem]




      خــــيال الصفـــــرا سابقاً

      تعليق

      • سـعـد الـعـازمـي
        عضو فعال
        • Aug 2010
        • 131

        #4
        صح لسانك وتقبل مروري

        تعليق

        • حفيد الصحابه
          عضو فعال
          • Oct 2010
          • 114

          #5

          صح لسانك يا عايض على ها الجزله

          وأبيض و جه ..

          تعليق

          • علي خيران العتيبي
            عضو ماسي
            • Jul 2007
            • 514

            #6
            صح الله لسانك يا عايض

            و لكن اباعاتبك على قلة تواجدك

            نتمنى انك تمدنا بالجزاله بشكل دايم و انت ما تجيب الا الجزل

            و هذا طلب يا مبدع انك تعطينا قصايدك اول باول

            و صح لسانك للمره الثانيه و للمره المليون يا مبدع

            و لا هنت

            تعليق

            • فهد الشهيب الثبيتي
              شــــاعــر
              • Jun 2008
              • 1356

              #7
              [align=center]مبدع ياعايض لله درك

              صح لسانك مدد بلا عدد
              [/align]
              [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
              برقا وروق أبنا ثبيت الاصيلين=ومن ثبت اصله شرفه واعتزابه[/poem]

              تعليق

              • راع العبيه
                عضو ماسي
                • Oct 2007
                • 444

                #8
                ياعايض بيض الله وجهك على القصيدة عزالله انها اطربتني الله يعطيك الف عافية

                تعليق

                • محمد النخيش
                  شـاعـــر محـاوره معــروف
                  • Dec 2007
                  • 1605

                  #9
                  عايض بن زوير

                  اسلوب فريد من نوعه

                  وقصيده شامخه الله لايلجم لك لسان

                  عزالله انك تكتب الابداع وبس

                  خالص الود والتقدير

                  اطلـق سـراح الفكـر وابـعـد مجـالـه
                  حتى تصيد الشرد وتطـوع الشـرد

                  واتعب على الكلمه وشعر الجزاله
                  واللـي يجمـل للعـرب تسـرده سـرد

                  فالشعر يبقـى شعـر راع الاصالـه
                  اللـي بشعـره منـفـرد بالـجـزل فــرد


                  تويتر:
                  alnkhish@

                  تعليق

                  • محمد العتيبي

                    مشرف منتدى شعراء قبيلة عتيبه

                    • Mar 2005
                    • 10789

                    #10
                    يامرحبا ياعايض ..



                    ابداااع وتميز



                    صح الله لساااانك يالغالي ..



                    تحيتي لك
                    ..
                    [align=center][/align]








                    [align=center]للتواصل عبر twitter تويتر


                    al_bargawy@
                    [/align]

                    تعليق

                    • فايز بن سرحان الثبيتي

                      مشرف منتدى قصائد الاعضاء

                      • Nov 2008
                      • 5247

                      #11
                      لو هو يسولـف بنـات الرفـع منصوبـه
                      كـل المسامـع علـى مـا راد يجذبهـا !


                      كن الحنايا وطن و ( شعوب منكوبـه !! )
                      وهـم المفـارق ( حكومـاتٍ ) تجاذبهـا



                      الله الله الله"

                      ياسلااااام على الشعر الاصيل "


                      ابن زوير صح لسانك يالقرم "

                      لازلنا متابعين بشغف واهتمام لكل ما تقدم يابحر "




                      خمس نجووووم "
                      [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

                      إذا شئت أن تحيا سليما من الأذى=وحظك موفور وعرضك صين
                      لسانك لا تذكر به عورة امرىء=فكلك عورات وللناس السن
                      وعينك إن أبدت إليك معايبا = فصنهاوقل يا عين للناس أعين
                      وعاشر بمعروف وسامح من اعتدى=وفارق ولكن بالتى هى أحسن

                      [/poem]

                      تعليق

                      • عايض بن زوير
                        شـــاعــر
                        • Jul 2007
                        • 407

                        #12
                        .,


                        مشرفنا العزيز مرزوق / صح بدنك

                        ولا هنت

                        .,

                        تعليق

                        • عايض بن زوير
                          شـــاعــر
                          • Jul 2007
                          • 407

                          #13
                          .,


                          ياا مرحباا / حيااك الله يا نواف
                          ولا خلا ولا عدم

                          .,

                          تعليق

                          • ابو شوق الازوري
                            عضو ماسي
                            • Aug 2010
                            • 501

                            #14
                            صح لسانك يا عايض على ها الجزله

                            وأبيض و جه ..

                            تعليق

                            • عايض بن زوير
                              شـــاعــر
                              • Jul 2007
                              • 407

                              #15
                              ,.,


                              سعد العازمي / صح بدنكـ ..
                              والله لا يهينك .. ولا يهين تواجدك

                              .,


                              تقديري

                              تعليق

                              العمل...