مسيرن شمس النهار اتغوص في بحر الزوال

طي
X
 
  • التوقيت
  • إظهار
مسح الكل
المشاركات الجديدة
  • أبو فيصل الدلبحي
    عضو ماسي
    • Feb 2008
    • 420

    #1

    مسيرن شمس النهار اتغوص في بحر الزوال

    السلام عليكم ورحمة الله وبركاته


    الرجاء من اللي يمر على القصيده يقول امين





    [poem=font="simplified arabic,5,black,bold,normal" bkcolor="transparent" bkimage="" border="none,4,white" type=1 line=0 align=center use=ex num="0,black"]
    قم يامشاري عطني الغتره وابا معك العقال=والثوب هاته من هنود المغسله قبل الصلاه
    والطيب هاته ياولد معجب من الدرج الشمال=وانا بغسل الجسم من كل الذنوب اللي علاه
    الله جميل ايحب من ياتيه في ثوب الجمال=وانا بروح الـ واحدً يعطي ولا ينقص عطاه
    مانيب واصل لا ملك والا امير ولا خوال=برجي عظيمً تعتق الارقاب في فيت رجاه
    بروح له في بيته اللي ماسطر فيه الدلال=فيه الكلام اللي وسيع العرف بالخشيه تلاه
    فيه الامان اللي ترك للروح مفتاح الوصال=شيخً ضفا فضله على نفسه وربعه واقصراه
    فيه السكينه واقفه وتقول يامسلم تعال=واللي يجيها تحضنه بالشوق حي الله نباه
    فيه الرجال اللي مشو للنور من بد الرجال=متناصحين ونصحهم فالوقت ماتحجب سماه
    بجيك انا يا من كشفت بحال ظلمات الحوال=يا من تعرف الوقت وش يخفي ووش حكمت خفاه
    يا من تجلاء للجبل ثم دك من بين الجبال=ويقن رسولً مهلك الطاغي على جرت عصاه
    ويا جاعلً مزن السماء يبكي على وجه الرمال=من حكمتك نفرح بدمع الحزن وتفوح الحياه
    ومسيرً شمس النهار اتغوص في بحر الزوال=تسبح بعد صار القمر يسبح بعكس الاتجاه
    يالله انا عبدً ظلم نفسه على درب الدلال=بعد اكشفت له زينت الايام واستاثر هواه
    زلتبي الخطوه عن المنجاء على درب الظلال=وانا ضعيفً ماقدر يحسب كم ابعدته خطاه
    يالله انا عبدك ولد عبدك على ظهر الرحال=امشي لبيتً يحرم الانسان من شوفت نماه
    يالله ترحمني ليا نوديت في يوم السؤال=يوم الاوادم كلها تخشى من اكتابً حواه
    يالله تجعلني مع الابرار في صحبت بلال=حول الرسول اللي يفوع القلب للطاري طراه
    ويالله تسترنا ليا بين على الناس الخمال=ساعة يذوب الوجه ويصورعلى المسرف خزاه
    ويالله همي في صميم الروح يامعبود قال=هذا بصده كل مادارت على الفرحه رحاه
    يالله وره رحمتك فيني وحطه في مجال=باسً يبدد وحشته فالارض ويخيب عناه
    ويالله تقضي حاجتي دون البشر ياذو الجلال=يوم الحوايج حاكمه والناس فيها مبتلاه
    ويالله عطني حكمتً تنقض معاقيد الحبال=احكم بها زل القدم وارقابها راس السراه
    ويالله درع الصبر قبل اموت بطعون الصقال=اصد به سيف الظروف العوج واغيض الرماه
    ويالله سيف الدين يوم ابليس يغزي بالعيال=وره عجايب قدرتك بفعول عبدك لا نصاه
    ويالله ترحم والدي اللي لهم فالروح جال=واجعل لهم في جنة الفردوس يالمعبود جاه [/poem]
  • حاكم الغنامي

    مشرف منتدى المحاوره

    • Jun 2006
    • 5026

    #2
    آآآمين يااارب




    تقبل مروووري
    سبحــــان الله وبحمدهـ

    hakem81@live.com

    تعليق

    • علي الثبيتي
      النشمي
      • Oct 2005
      • 6033

      #3
      الله يرحمهم ويغفر لهم
      [poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
      ماني بلا روقي ولا برقاوي = انا ثبيتي جد روق وبرقا [/poem]

      تعليق

      العمل...