مرثيه في والدي الشيخ فياح رحمه الله

طي
X
 
  • التوقيت
  • إظهار
مسح الكل
المشاركات الجديدة
  • عضياني 22
    عضو
    • Mar 2007
    • 1

    #1

    مرثيه في والدي الشيخ فياح رحمه الله

    [align=center]بسم الله الرحمن الرحيم

    هذه الابيات مرثية في فقيد الجميع والدنا الشيخ / " فياح بن هاجد بن حمدي العضياني "

    الذي توفي يوم الخميس 14/10/1431 رحمه الله عليه
    [/align]



    [poem=font="arial,6,black,bold,italic" bkcolor="transparent" bkimage="" border="none,4,black" type=0 line=0 align=center use=ex num="0,black"]
    عصر الخميس اربع عشر شهر شوال = فقدت عمٍ من خيار الرياجيل

    ركنٍ مقره للمناعير مدهال = ديوان قصره مجمع للمشاكيل

    راعي صيانن فوقها حيل وجمال = مبركات وسطها ثقال فالشيل

    والعود الازرق واحسن البن بدلال = والزعفران الزين ومخالطه هيل

    تنفق يدينه كل مداته جزال = ينفق سخاء ماهوب منان وبخيل

    شيخٍٍٍ برز فالدين مع طيب الافعال = امضى حياته في صلاه وتهاليل

    ياقل جنسه في كثيرين الأزوال = ثابت وشامخ كنه الجدي وسهيل

    في مجلسه ماتسمع القيل والقال = منزه عن النمه وسقط الاقاويل

    ياما سعى بالصلح بانهاي الاشكال = بماله وجاهه مايشح بمحاصيل

    أفعال عمي تتعب رجال ورجال = سيرة فخر تبقى لجيلٍ بعد جيل

    على فراقه ازعج الدمع همال = حرق جفون العين يسكب هماليل

    فقيدة العضيان فالقبر نزال = صفوا علاه اللبن من عقب ماشيل

    عسى السحاب اللي مقاديمه ثقال = يسقي ثراء قبره ويرويه ويسيل

    يالله يامنزل تبارك والانفال = يامدبر الارزاق فالصبح والليل

    اغفر ذنوبه كلها دق وجلال = واكتب له الجنه وفكه من الويل

    بصحبة نبيٍ وضح الحق ما مال = دربه ومنهاجه بعيدٍ عن الميل

    وأجمع ابويه معه واعمام والآل = ندر حرارٍ صارمه توفي الكيل

    اقفوا وغابوا اخوه زحول وجبال = ركونن من الهيلا دهاةٍ حلاحيل

    عيال عودٍ ينطح القوم خيال = هاجد ولد حمدي لاعدو هل الخيل

    يومي لهشان الخلاء فاشهب اللال = ينصون بيته فالوقوت المقاليل

    بندر يابو تركي ترى حمولنا ثقال = نطلب من الخالق حياه بتساهيل

    وأبيات شعري كلها صدق الاقوال = بشاية الله ماعليها مداخيل

    نعيش في الدنيا عن الموت غفال = والموت يطوينا وحنا مغافيل

    وصلاة ربي عد ماهل هطال = على نبيٍ كمل الدين تكميل [/poem]



    [align=center]والسلام عليكم

    قائلها الشاعر / عبدالله فيحان هاجد العضياني ,,,

    يوم الثلاثاء 19/ 10/1431 هـ
    [/align]
  • عبدالله الجـــذع
    مشرف منتدى قصه وقصيده
    • Sep 2007
    • 8093

    #2
    نسال الله ان يتغمد الشيخ فياح بواسع رحمته

    وان يسكنه فسيح جناته


    صح لسان الشاعر

    على هذه الرثائيه المؤثره

    مشكور يالغالي


    محبك
    قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


    .
    قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
    فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

    .

    موقع يضم جميع القراء


    هنا

    تعليق

    • أبو فيصل الدلبحي
      عضو ماسي
      • Feb 2008
      • 420

      #3
      شيـخٍٍٍ بـرز فالديـن مـع طيـب الافـعـال
      مـضـى حيـاتـه فــي صــلاه وتهالـيـل



      جبر الله مصيبتكم وعظم اجركم


      الله يدخله في رحمته ويسكنه الفردوس


      صح لسانك يالعضياني قصيده لها وقعها في النفس

      تعليق

      • فهيد الايدا المورقي

        مشرف منتدى الصحافة

        • Oct 2006
        • 14585

        #4
        نسال الله ان يتغمد الشيخ فياح بواسع رحمته

        وان يسكنه فسيح جناته


        عبدالله فيحان العضياني صح لسانك وعظم الله اجركم وجبر مصابكم


        تحيتي
        حسابي في تويتر


        faheed_1234

        تعليق

        • زبن القاضي
          شـاعــر محاوره معروف
          • Apr 2007
          • 337

          #5
          الله يرحمه ويسكنه فسيح جناته

          وصح الساااااااااااانك وعظم الله اجركم

          تعليق

          • مغلي الوضح
            عضو
            • Sep 2010
            • 3

            #6
            صح السانك يابو سلطان

            والله يرحمه ويرحم موتى المسلمين


            والعوض فيك انت وعياله


            وتقبل تحياتي

            تعليق

            العمل...