الشعر الجزيل

طي
X
 
  • التوقيت
  • إظهار
مسح الكل
المشاركات الجديدة
  • سـعـد الـعـازمـي
    عضو فعال
    • Aug 2010
    • 131

    #1

    الشعر الجزيل

    [align=center][frame="2"]مساكم الله بالخير جميعا


    هذي مشاركة لي فتره وانا احاول انزلها لكم
    وكل مره اقول بعدين



    واليوم ناوي اعطر جوكم ابها




    الشعر الجزيل



    لاهنت يالشعر الجزيل الي على بحر المديد
    ولاهنت ياكل البحور انواعها واشكالها

    لاهنت يالعقد الثمين الي من النوع الفريد
    لاهنت ياروح الحياه الي طويل ً بالها

    اليوم انا خيل علي خيال من جزل القصيد
    جات الهجوس الي تزيد افضالها بافعالها

    مدت علي من الشعر وتقول لي هل من مزيد
    واقول انا فالبال حاجه هايله ما اقوى لها

    الفكره اوحت للخيال وليه اطولها وازيد
    فكره على بالي وبالي شافها واوما لها

    اب اربط الي في خيالي زين بالربط الجويد
    ولا الهجوس الها فضل دايم تجيب حبالها

    الشعر شفته في خيالي شخص فالدنيا زهيد
    زاهد ويشكي علت ً في داخله مازالها

    الشعر خاويته وهو عضيد من ماله عضيد
    لقيته الهامه وهامت شعر من يرقى لها

    خاويته ولقيت له نضره وهالنضره بعيد
    شوفه على وكر الحرار الي فروس جبالها

    لقيت شعر المدح عله في لسانه والوريد
    يشكي عليه مدحته لامن لفوه وقالها

    قال المدح في غير من هو يستحقه مايفيد
    واهل الشعر قامت تسوقه يم من يرثى لها

    ما اكذبك ياشعر المدح لاجيت في خبل ً بليد
    هرجت بليد ً في بليد ً مع بليد ً شالها

    واكثر كلام المدح من قاله اكيد انه يريد
    حاجه من الي يمدحه محتاجها يسعا لها

    ولاهوب كل المدح كذب . المدح لها شي ً اكيد
    لاصار فاصحاب المراجل كلها وامثالها

    وكشفت عن قلبه لقيت اللين والعطف الشديد
    في داخله رحمه وقال اسمع هنا منزالها

    بين الضلوع العوج تسكن داخل القصر وتشيد
    بالي نصاها بالرثا في قصرها واضلالها

    وأصدق كلام الشعر لامن صار فالرجل السنيد
    من عقب ماقفت حياته وانتهت باعمالها

    قرم ً على الدنيا شديد ورايه الراي السديد
    من موتّه تبكي له الدنيا ويضعف حالها

    لامن رثوه الناس قدره عقب ماودع يزيد
    ودموع خلق الله على موته يهل هلالها

    الشعر في هذي صحيح وصدق والشي الوكيد
    ان الرثا حيله وصدق العاطفه محتالها

    ولقيت فيه من الغضب شي ً على غيضه يعيد
    يثور ضغطه مثل الارض اليا بدا زلزالها

    أثر الهجا غيضه ونار ً داخله دايم تزيد
    الجاهليه جت بها والناس جت تشتالها

    وعقب هذا كله عرفت ان الشعر كنز ورصيد
    وانه مثل دهم المزون اليا انهمل همالها

    وانه مثل سيف ً سطي يشبه لسيف ابن الوليد
    وانه مثل روس الجبال الي نشيت ارقا لها

    وانه ذهب صافي مصفا ما خلط معه الحديد
    وانه مسافه طايله محد ً يقيس اميالها

    مسافة ً قشرى طويله كلها رمال وجليد
    وكم واحد ً مايتعبه جليدها ورمالها

    وانه بحر موجه رفيع ومن نزل وسطه شهيد
    والي نزل في قاعته يستهاهل الي جالها

    اما يجيب الدره الي لن ملكها يستفيد
    ولا يروح والدرر ماكل شخص ً نالها

    والي جنيته من خيال الشعر هالشي الوحيد
    ارضي ضميري والبشر والله مانيب اسعا لها

    ان مانحت اسمي على صخر الفريد من القصيد
    نذر ً لخلي هالقصايد ماشيه في فالها

    وسلامتكم[/frame][/align]
  • أبو مرحبا
    مشرف عــام
    • Jan 2005
    • 8037

    #2
    صح السانك ياولد عاصي

    قصيدة رائعه

    تقبل مروري
    [align=center]



    [/align]
    [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
    [align=center][/align]

    تعليق

    • مارق القحطاني
      عضو
      • Sep 2010
      • 6

      #3
      صح السانك


      العازمي

      تعليق

      • سـعـد الـعـازمـي
        عضو فعال
        • Aug 2010
        • 131

        #4
        تم النشر في الأصل بواسطة أبو مرحبا عرض المشاركة
        صح السانك ياولد عاصي

        قصيدة رائعه

        تقبل مروري
        صح بدنك

        ونورة الصفحه


        والرائع مرورك

        تعليق

        • سـعـد الـعـازمـي
          عضو فعال
          • Aug 2010
          • 131

          #5
          تم النشر في الأصل بواسطة مارق القحطاني عرض المشاركة
          صح السانك


          العازمي
          صح بدنك يالقحطاني

          تعليق

          • مشاري
            مشرف شؤون الأعضاء والتفعيل
            إدارة قسم الشكاوي والاقتراحات
            • Oct 2002
            • 1831

            #6
            صح لسااااانك ياسعد


            تحيتي لشخصك الكريم.

            تعليق

            • أسير القوافي
              سعد السميري
              • Nov 2009
              • 590

              #7
              [align=center]صح لسااانك يالعازمي ،،




              شاعر فذَ ،، وقصيدة شامخه شامخه بشموخك يالنشمي !!





              توجَب علي المرور لهذه الدرَه!!
              [/align]

              تعليق

              • فايز بن سرحان الثبيتي

                مشرف منتدى قصائد الاعضاء

                • Nov 2008
                • 5247

                #8
                سعد العازمي "



                صح لسانك وفالك الجزاله والعلم الغانم "


                متابعين لك "
                [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

                إذا شئت أن تحيا سليما من الأذى=وحظك موفور وعرضك صين
                لسانك لا تذكر به عورة امرىء=فكلك عورات وللناس السن
                وعينك إن أبدت إليك معايبا = فصنهاوقل يا عين للناس أعين
                وعاشر بمعروف وسامح من اعتدى=وفارق ولكن بالتى هى أحسن

                [/poem]

                تعليق

                • سـعـد الـعـازمـي
                  عضو فعال
                  • Aug 2010
                  • 131

                  #9
                  تم النشر في الأصل بواسطة مشاري عرض المشاركة
                  صح لسااااانك ياسعد


                  تحيتي لشخصك الكريم.
                  صح بدنك

                  تحياتي لك

                  تعليق

                  • سـعـد الـعـازمـي
                    عضو فعال
                    • Aug 2010
                    • 131

                    #10
                    تم النشر في الأصل بواسطة أسير القوافي عرض المشاركة
                    [align=center]صح لسااانك يالعازمي ،،




                    شاعر فذَ ،، وقصيدة شامخه شامخه بشموخك يالنشمي !!





                    توجَب علي المرور لهذه الدرَه!!
                    [/align]
                    صح بدنك

                    اشكرك على هالمرور العطر


                    مدحك للقصيده من طيب ساسك

                    ووسام على صدري افتخر به



                    ماجيت لدره الا انك تعرف الدرر




                    تحياتي لك

                    تعليق

                    • سـعـد الـعـازمـي
                      عضو فعال
                      • Aug 2010
                      • 131

                      #11
                      تم النشر في الأصل بواسطة ابن سرحان الثبيتي عرض المشاركة
                      سعد العازمي "



                      صح لسانك وفالك الجزاله والعلم الغانم "


                      متابعين لك "
                      صح بدنك

                      اسعدني مرورك


                      اعدك بالشي الطيب


                      والارقى من هذا

                      تعليق

                      العمل...