هاضت هجوسي اول مشاركة لي بمنتدى قبيلة الهيلا

طي
X
 
  • التوقيت
  • إظهار
مسح الكل
المشاركات الجديدة
  • ابو عبدالله الصواط
    عضو
    • Aug 2010
    • 5

    #1

    هاضت هجوسي اول مشاركة لي بمنتدى قبيلة الهيلا

    [poem=font="simplified arabic,5,royalblue,normal,normal" bkcolor="transparent" bkimage="" border="none,4,gray" type=1 line=0 align=right use=ex num="0,black"]
    [poem=font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    هاضت هجوسي وانتخيت الشعر ياعذب القصيد
    =وسلام مني للعيون اللي تغشاها السهر
    ابحر ببحر الشعر واعرف غبة البحر العنيد
    =واسلي الخاطر عسى ينسى همومه والقهر
    واعيش همي بالليالي المقبلة كني وحيد
    =والماضيات من السنين اشوفها مثل الشهر
    والعمر ماهو دايمٍ بافراح والايام عيد
    لابد يوم يشيعوني في جنازة للقبر
    =وين انت ياللي تتعظ وين انت يالعقل الرشيد
    وين انت ياللي تتصف بالحلم وطبوعك صبر
    =لاخير في رجلٍ ليا جار الزمان اصبح يزيد
    نار الفتن بين الرجال يزيد ويزيد الكدر
    =ولا خير في ربعٍ يذمون القريب والبعيد
    وان جاء بمجلسهم يحطونه لمقعدهم صدر
    =والصاحب اللي صحبتة وقت الرخاءدرٍٍ فريد
    ووقت الشدايد ينقلب طبعه تقول انه صخر
    =مالي بكل اللي سبق مصلوح والا بأستفيد
    البعد عنهم خير ياراع البصيرة والبصر
    =ياللي تبي تحيا حياة العز خذ رايٍ سديد
    عليك بأهل الدين جزلين العطايا واستشر
    =وعليك برجالٍ يفكون النشب من كل حيد
    مايعرفون الوجهنه والحقد ودروب الغدر
    =وعليك باللي لا حداك الوقت والعلم الشديد
    تلقى تهافتهم على الفزعة مثل وقع المطر
    =وعليك باللي يحسنون الظن في (زيد ويزيد)
    مايلحقونك بالقفيا في صباحك والعصر
    =والسالفة لن طولت صارت مثل كير الحديد
    وهاذي هجوسي واقبلوها والسموحة والعذر
    =وسلام ياربعٍ غلاكم بالحشا دايم جديد
    ماغيرت لونه سيول الوقت وشموس الظهر
    ياجعلكم دايم على القوة وفي عمرٍٍ مديد
    =يعجز لساني من فعايلكم يوفيكم شكر
    انا اشهد اني بينكم عايش بها الدنيا سعيد
    =الله يجمعني بكم في رحمته يوم الحشر[/poem][/poem]
    تم التعديل الأخير بواسطة ابو عبدالله الصواط؛ 27-Aug-2010, 03:19 AM.
العمل...