وهي تنضو ثيابها!

طي
X
 
  • التوقيت
  • إظهار
مسح الكل
المشاركات الجديدة
  • د . حمد العصيمي
    الداهيـــه
    • May 2009
    • 98

    #1

    وهي تنضو ثيابها!

    [poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    على عرشها بلقيس كل ٍ يهابها=ويخشى غضبها ويتمنى اقترابها!

    تقربت منها زادي الخوف والرجا=وهي في ظلام الليل تنضو ثيابها!

    يا كم شاعرٍ ٍهوجس بها طمعة ٍبها=وانا هاجسي قبل الهواجس سرى بها!

    مع الليل كن الموت خلفي وامامها= ترى الموت في عيني واراه بخضابها!

    جفول وذعور وكل حاجة تريبها= لو يهب نسناس الهباهيب ارابها!

    ركضنا على غر المعاني وناحرت=وساع الفجاج اللي تعاوى ذيابها

    فلا نوها يرجى ولا ظلها ذرى=ليا شحت بماها تجود بسرابها!

    فجاج يهم الذيب فيها من العطش=يشمشم حصى الحره ويلحس ترابها!

    هي الفكرة المستعصية كيف اجيبها= وانااللي عصته المستحيله وجابها

    على محبرة من نور والحبر ضوءها= بسيطة ولكن مستحيل انسكابها !

    كذا يا طلال الشعر واديه اضاعني= بمكة وانا ادرى من اهلها بشعابها!

    فكم من غريب ٍعن بلادٍ احاطها= وكم من مقيم ٍفي بلد مادرى بها

    عدلت رقبة عوج المعاني وطاوعت=فهل يا ترى الايام تعدل رقابها؟!

    ارى حاجتي تعطى لغيري وانا الذي=عطوه العوض فيها وهو ما رضى بها !

    ليا اخطا الزمن كبد الحقيقه وصابني= فانا اللي رمى كبد الحقيقه وصابها

    تعلمت قبل الشيب يغزي عوارضي=وجربت قبل النفس يذوي شبابها!

    ومن يامن الدنيا واهلها ليا اهتنى=ستبدي له الايام مافي جرابها![/poem]
  • محمد ابن رووق
    عضو مميــز
    • Jan 2009
    • 2632

    #2
    كالعادة درر ماشاء الله




    والله إنك الشاعر الأول عندي




    الشعر محتاج لك

    تعليق

    • بندر المرشدي
      إدارة الأقسام الأدبية
      • Nov 2006
      • 4292

      #3
      يـا كـم شاعـرٍ ٍهـوجـس بـهـا طمـعـة ٍبـهـا
      وانــا هاجـسـي قـبـل الهـواجـس ســـرى بـهــا!




      الله الله



      هـــــي الـفــكــرة المسـتـعـصـيـة كــيـــف اجـيـبـهــا
      وانـــاالـــلـــي عـــصـــتـــه الـمـسـتـحـيــلــه وجـــابـــهـــا





      ومــــــن يـــامـــن الــدنــيـــا واهــلــهـــا لـــيــــا اهــتــنـــى
      ســـتـــبــــدي لــــــــــه الايـــــــــــام مـــــافــــــي جـــرابــــهــــا!




      عز الله قلت واجزلت بما قلت وانت اهلاً لذلك



      د. حمد العصيمي صح لسااااااااانك



      وحياك الله
      [poem=font="Simplified Arabic,3,tomato,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
      يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان
      لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان
      الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان
      اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان
      مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان
      [/poem]

      ::

      ديواني من إعداد الزميل/ عمر الدغيلبي ... بيض الله وجهه

      تعليق

      • عبدالله الجـــذع
        مشرف منتدى قصه وقصيده
        • Sep 2007
        • 8093

        #4
        الله الله

        صح لسانك يادكتور حمد

        هي الفكره المستعصيه كيف اجيبها
        وانا اللي عصته المستحيله وجابها

        كفو والله

        يشهد لك ماتكتبه يادكتور

        ننتظر منك المزيد وحياك الله

        محبك
        قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


        .
        قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
        فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

        .

        موقع يضم جميع القراء


        هنا

        تعليق

        • د . حمد العصيمي
          الداهيـــه
          • May 2009
          • 98

          #5
          الغالي محمد ابن روق هذا من طيبك يا الامير ولي الشرف والله
          شهادتك وسام على صدري لا خلا ولا عدم

          تعليق

          • مرزوق حمدان العتيبي
            مشـرف عام
            • Nov 2003
            • 20403

            #6
            ..

            نص فاخر يادكتور
            مليون صح لسانكــ

            واطلاله مانعدمهاااا ...
            والتقييم 5 ستار

            ...
            [align=center]
            [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
            فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
            حط حبه في كياني ماتغيّره السنيني = وانثني من دون عرضه بالذراع وباللساني[/poem]







            @Marzouq_MHD
            [/align]

            تعليق

            • د . حمد العصيمي
              الداهيـــه
              • May 2009
              • 98

              #7
              الغالي بندر المرشدي ما عليك زود يا الامير
              حضورك وسام فخر لي لا خلا ولا عدم

              تعليق

              • سـعـد الـعـصـيـمـي
                شـــاعــر
                • May 2009
                • 1418

                #8
                عدلت رقبة عوج المعانـي وطاوعـت
                فهل يا تـرى الايـام تعـدل رقابهـا؟!
                ارى حاجتي تعطى لغيري وانـا الـذي
                عطوه العوض فيها وهو ما رضى بها !
                ليا اخطا الزمن كبد الحقيقـه وصابنـي
                فانا اللي رمى كبـد الحقيقـه وصابهـا
                تعلمت قبل الشيب يغـزي عوارضـي
                وجربت قبل النفـس يـذوي شبابهـا!
                ومن يامن الدنيـا واهلهـا ليـا اهتنـى
                ستبـدي لـه الايـام مافـي جرابهـا!


                يامرحبا بالدكتور وقصيد الدكتور
                انتظرناك مدة طويلة وهالقصيدة كانت العوض
                لله درررررررررررك

                تعليق

                • @ـايل

                  مشرف المنتديات العامة

                  • Jan 2008
                  • 9251

                  #9
                  ياسلااااااااام ..

                  صح لسانك يادكتور الجزاله

                  سجّل اعجابي بما خطته يمينك

                  ..
                  تويتر : AlHooL@

                  تعليق

                  • سلطان الجـذع
                    الإسطــوره

                    • Jul 2006
                    • 5673

                    #10
                    ..

                    فـلا نوهـا يرجـى ولا ظلـهـا ذرى
                    ليـا شحـت بماهـا تجـود بسرابهـا!

                    الله الله .. تعرف الراي من مبطي يابو تركي
                    لله درك شعر وفكر وفلسفة لايجيدها الا انت ..

                    صح لسانك . ولاتحرمنا جديدكـ ..

                    تعليق

                    • سعود العصيمي
                      شــــاعــر
                      • Sep 2006
                      • 6539

                      #11
                      هي الفكره المستعصيه كيف اجيبها
                      وانا اللي عصته المستحيله وجابها


                      عدلت رقبة عوج المعانـي وطاوعـت
                      فهل يا تـرى الايـام تعـدل رقابهـا؟!

                      الله الله ..

                      يابو تركي لله درك
                      شعر وفكر وفلسفة ومعاني لايجيدها الا د. حمد العصيمي
                      صح لسانك مليااااار ولايكفي . ولاتحرمنا جديدكـ ..
                      وشاركنا في قسم المحاورااات له حق عليك.
                      [poem= font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.

                      ماني على قربه شفي والاّ على بعده شفوح = الله خلقني مااعترض من صد من كل الملا.[/poem]

                      تعليق

                      • د . حمد العصيمي
                        الداهيـــه
                        • May 2009
                        • 98

                        #12
                        الغالي عبد الله الجذع مرورك فخر يا الامير وشهادتك وسام فخر لاخيك
                        لا خلا ولا عدم

                        تعليق

                        • اصمعي عتيبه
                          عضو ماسي
                          • Jul 2010
                          • 408

                          #13
                          د. حمد العصيمي قصيدتك جدا اعجبتني

                          احييك واهنيك

                          فعلا شاعر

                          واصبت الهدف بالابيات الغير مباشره


                          شاعريه جزله

                          تقبل مروري

                          تعليق

                          • عيضه الثبيتي
                            شـاعــر محاوره معروف
                            • May 2005
                            • 877

                            #14
                            دكتور فعلاً



                            تثبت فالقلوب


                            قبل ان تثبت في الهيلا
                            [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                            البارحه كان اللقاء مابينا كله حلو=احلا من السكر وكلّك يابعد عمري حلا!!
                            من يوم ماقلتي ياروحي يابعد عمريالو)=وأنا بخير وعافيه قدام لا اقلّك هلا)[/poem]

                            للتواصـــ عيضه الثبيتي ــــل

                            ezah_6@hotmail.com

                            [align=center](ديواني)[/align]http://www.otaibah.net/m/showthread....131#post925131

                            تعليق

                            • ابن الاجواد
                              عضو فضي
                              • Jul 2006
                              • 241

                              #15
                              دكتور حمد العصيمي



                              ماذا عساني اقول في هذا النص الشامخ



                              او ماذا عساني اقول في صاحب النص الشامخ



                              لا استطيع غير قول (( ارجوك لنا حق عليك للتواصل مع الهيلا ))


                              لا تحرمنا مشاركاتك

                              تعليق

                              العمل...