ياللي دفنتوا جثتـه.. ليـه تبكـون؟

طي
X
 
  • التوقيت
  • إظهار
مسح الكل
المشاركات الجديدة
  • جمال الشمري
    عضو
    • Jun 2010
    • 6

    #1

    ياللي دفنتوا جثتـه.. ليـه تبكـون؟

    ياللي دفنتوا جثتـه.. ليـه تبكـون؟
    لولا الحيا..لأقـول : معكـم خذونـي

    منه انحرمت وكنت أنا عنه مسجـون
    ما أذكر لمحته .. غير مـره بعيونـي

    شفته ..وكانت فرحتـي مالهـا لـون
    عجــزت لأوصف .. من لمحته شجوني

    ياليتني ..كنت الكفـن يـوم تمشـون
    أبقـى معـه بالقبـــر ثـم تدفنـونـي


    أو
    ليتني .. من خلفكم كنت (مجنـون)
    أتبع خطاكم والعـذر هـو : جنونـي

    أبكي وراكم .. وأدعــي ان كان تدعـون
    ما يكفي انه عاش عمـره بدونـي؟؟

    تكفون < هاكم عمري اليـوم تكفـون
    برخـص حياتـي دام خابـت ظنونـي

    ما فادني صبري !! ولا فادنـي عـون
    ولا فادني دمع(ن) .. حرق لي جفوني

    يا ما بكيته والبكـي يحـرق عيـون
    ميت أو انه حي .. دمعـي بعيونـي!!

    العام كان بفرحتـه.. يعـزف لحـون
    واليوم ؛ تحت الأرض .. ماهو بكونـي

    لكن أنا في فرحتـه.. كنـت مدفـون
    فوق الثرى .. واليوم موتـه سجونـي

    (سميت قلبي عقـب فرقـاه ملعـون)
    هو و الليالي .. عن هنـاه امنعونـي

    ياليتني.. ماعشـت لحظـه بهالكـون
    و ياليت ربعي .. في سكات اذبحونـي

    وياليتكم .. عن همّي اليـوم تـدرون
    منه انحرمت > ومن عزاه .. احرموني

    حتى بوفاته !! يوم أنا طحت مطعـون
    أخفيت طعناتي .. قبـل لا يفضحونـي

    بكيت!! لكن .. ماتظاهـرت بالهـون
    أبكي وأقول : الموت هو سبة طعونـي

    و إن كان في حبّي أنا ..ماتحسّون ..؟![/size][/font]
  • ¨‾ تراتيل هاجس‾¨
    عضو نشيط
    • May 2010
    • 61

    #2
    ياليتني ..كنت الكفـن يـوم تمشـون
    أبقـى معـه بالقبـــر ثـم تدفنـونـي



    راقت لي تلك المشاعر الحزينة ,,



    يعطيك العافيه وصح لسانـ ـ كـ

    تعليق

    • جمال الشمري
      عضو
      • Jun 2010
      • 6

      #3
      هلا بحبيب قلبي الهاجس

      الله يسعد ايامك اسعدني مرورك

      ربي يحفظك

      تعليق

      • زيادي سنافي
        عضو نشيط
        • Jun 2010
        • 31

        #4
        يعطيك العافية وصح لسانك قصيدة جدا مؤثرة وقوية
        الله يجمعك بمن أحببت في الفردوس الأعلى

        تعليق

        العمل...