تكفون يالعضيان فكاكة النوق ... هل سربةٍ تآخذ على القوم دقله

طي
X
 
  • التوقيت
  • إظهار
مسح الكل
المشاركات الجديدة
  • نايف عناد
    عضو
    • Dec 2005
    • 25

    #1

    تكفون يالعضيان فكاكة النوق ... هل سربةٍ تآخذ على القوم دقله

    السلام عليكم ورحمة الله وبركاته وبعد
    حبيت اشارككم بهذه القصيدة والتي اسندها شاعر قبيلة السهول الكبير الشيخ / شايع بن فراج بن شايع المحلفي السهلي امير مركز العيساوية بمنطقة سكاكا الجوف على الشاعر نايف بن عناد بن شفاي ابن بشير والرد عليها ,,,, والتي آمل ان تحوز على رضاكم واستحسانكم ،،،،


    [poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يامل قلـب صايبـه ياولـد روق = هـمٍ بقلبـي يالعتيـبـي لبقـلـه
    همٍ بقلبي ينتل القلب مـن فـوق = بْيد بحيلي وأتعـب القلـب ثقلـه
    واللي ذبحني يابن الاجواد مخلوق = ادعج غنج من شاف زوله بدقلـه
    أدعج غنج ومجدل الراس مفروق = عين أشقرٍ راعيه يطـرب لنقلـه
    الصاحب اللي صار للقلب صافوق = حبه صفق قلبي وقلبـي صفقلـه
    أنشهد انه صار لي بالهوى عوق = لخبط بعقلـي لخبـط الله بعقلـه
    عليه قلبي ينقل الضلـع ويتـوق = توق أشقرٍ صوت المنادي صعقله
    تكفون يالعضيان فكاكـة النـوق = هل سربةٍ تآخذ على القوم دقلـه
    وأخص منهو يفهم الشعر والذوق = نايف فـوادي بالمـوده صدقلـه[/poem]



    رد الشاعر نايف بن عناد




    [poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ياهاجسي جالك من الجـزل طـاروق = واللي يتـوق مـن الطواريـق تقلـه
    بهر دلال الشعر مـن غالـي السـوق = البـال رايـق مثـل مـاراق رقـلـه
    نبي نجاوب من كـوى قلبـه الشـوق = ولص الهـوى بيـن الحنايـا درقلـه
    وأصبح بقلبٍ من هوى الغيد مسـروق = وأسند يبـي فزعـة علـى مانسرقلـه
    شاعر جزل والقاف ماهوب مطـروق = معهـد نبـط يمتـاز مـن يلتحقـلـه
    ون حـط للشعـار معـدال وحقـوق = شعـر النبـط بـأول شهـادة نطقلـه
    ترفع له البيضاء علـى كـل شاهـوق = متفـوقٍ قــدره وقــدره وفقـلـه
    يابن السهول اللي لهم مجـد مرمـوق = وكتابهـم بالعـز شـاب الـورق لـه
    نخيتتنـي وابليـس كافـر ومرشـوق = فـأمـر تعديـتـه وقلـبـك فهقـلـه
    جذبك ياشايـع مـن المزنـه بـروق = وعزي لمن مـزن العـذراى برقلـه
    يغيـب فـي غيبوبـة الهـم ويفـوق = ون فـاق نعـاق الـعـواذل نعقـلـه
    عنْـاه قلـبٍ كـن ماهـوب معلـوق = وغره بحـر نجـل العيـون وغرقلـه
    دل ! وليانة عـود ! والجيـد منتـوق = وأهيف حشى كن الحشى ماخِلـق لـه
    ون سلهم برمـشٍ تقـل حـد مذلـوق = خضـب بتعذيـب المعاشيـق صقلـه
    عايشت حبٍ راح ! عاشق ومعشـوق = حب الشرف واللي يـدل الطـرق لـه
    ماشفت حب اليوم في ثوبـه شقـوق ! = والـحـب الاول روح الله يعـقـلـه
    وانته خبيرٍ فالهـوى منـت مطفـوق = اليا طفق له فالعرب مـن طفـق لـه
    وقد قيل قبلي كـل مطـرود ملحـوق = الطيـر فالمطـلاع هـد السبـق لـه
    وحنا معـك بوجيهنـا ندفـع السـوق = وبـإذن الولـي يهنـأ خفـوقٍ خفقلـه
    وكان البخت عن وصل الاحباب معيوق = ركبـي مقفيـن العـرب مـن يعقلـه
    هذا وانا فـي ود الاصحـاب موثـوق = وأنت الرفيق اللي ضميري وثـق لـه [/poem]



    وسلامتكم ...

    اخوكم : شفاي بن عناد
  • ولدعساف

    مشرف سابق

    • Sep 2008
    • 4749

    #2
    الله الله ..

    صح لسانك و لسان السهلي ..

    ونعم بعتيبه عامه و العضيان خاصه ..

    محبك ..

    ,,,
    [flash=http://assa97.jeeran.com/azzoz.swf]WIDTH=450 HEIGHT=350[/flash]




    قال أبوبكر الصديق - رضي الله عنه -
    ( الموت أهون مما بعده، و أشدّ مما قبله )



    حسبي الله ونعم الوكيل

    كتبت وقد أيقنت يوم كتابتي .. بأن يدي تفنى ويبقى كتابها
    فإن كتبت خيراً ستجزى بمثله .. وإن كتبت شرا عليها حسابها

    تعليق

    • علي فلاح العضياني

      مستشــار ادبي

      • Dec 2004
      • 5618

      #3
      الله الله


      قصيده رائعه


      و رد أروع



      صح لسانك يا نايف عناد شاعر كبير ما شاء الله عليك
      (( رأس الحكمه مخافة الله ))

      تعليق

      • نايف عناد
        عضو
        • Dec 2005
        • 25

        #4
        تم النشر في الأصل بواسطة ولدعساف عرض المشاركة
        الله الله ..

        صح لسانك و لسان السهلي ..

        ونعم بعتيبه عامه و العضيان خاصه ..

        محبك ..

        ,,,



        صح بدنك اخوي ولد عساف

        ولاعليك زود

        تشرف بمرورك

        تعليق

        • نايف عناد
          عضو
          • Dec 2005
          • 25

          #5
          تم النشر في الأصل بواسطة علي فلاح العضياني عرض المشاركة
          الله الله


          قصيده رائعه


          و رد أروع



          صح لسانك يا نايف عناد شاعر كبير ما شاء الله عليك




          شهادة نعتز فيها اخوي علي فلاح العضياني

          وشرفني مرورك العطر ،، دمتم بود

          تعليق

          • محمد العتيبي

            مشرف منتدى شعراء قبيلة عتيبه

            • Mar 2005
            • 10789

            #6
            بيض الله وجهك .. وصح لسااانك .. رد جزل من شاعر جزل .

            وصح لسان الشاعر / شايع المحلفي

            تحيتي لك
            [align=center][/align]








            [align=center]للتواصل عبر twitter تويتر


            al_bargawy@
            [/align]

            تعليق

            • أخو جوزا
              إدارة أقسام القبيلة
              • Jul 2003
              • 4189

              #7
              ونعم بالاد عاضي



              جذبك ياشايـع مـن المزنـه بـروق=وعزي لمـن مـزن العـذراى برقلـه
              يغيـب فـي غيبوبـة الهـم ويفـوق=ون فـاق نعـاق الـعـواذل نعقـلـه
              عنْـاه قلـبٍ كـن ماهـوب معلـوق=وغره بحـر نجـل العيـون وغرقلـه



              دكتور يانايف صح لسانك ولسانه
              قال الله تعالى:

              ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

              تعليق

              • نايف عناد
                عضو
                • Dec 2005
                • 25

                #8
                تم النشر في الأصل بواسطة محمد العتيبي عرض المشاركة
                بيض الله وجهك .. وصح لسااانك .. رد جزل من شاعر جزل .

                وصح لسان الشاعر / شايع المحلفي

                تحيتي لك


                صح بدنك اخوي محمد العتيبي ووجهك ابيض


                وشهادتك فخر



                لك كل ودي وتقديري

                تعليق

                • نايف عناد
                  عضو
                  • Dec 2005
                  • 25

                  #9
                  تم النشر في الأصل بواسطة أخو جوزا عرض المشاركة
                  ونعم بالاد عاضي



                  جذبك ياشايـع مـن المزنـه بـروق=وعزي لمـن مـزن العـذراى برقلـه
                  يغيـب فـي غيبوبـة الهـم ويفـوق=ون فـاق نعـاق الـعـواذل نعقـلـه
                  عنْـاه قلـبٍ كـن ماهـوب معلـوق=وغره بحـر نجـل العيـون وغرقلـه



                  دكتور يانايف صح لسانك ولسانه


                  ماعليك زود اخوي اخو جوزاء


                  وصح بدنك يالذيب ,,, شهادتك تاج على روسنا


                  تحياتي وتقديري لك

                  تعليق

                  • سعد الذابح
                    عضو نشيط
                    • May 2009
                    • 76

                    #10
                    الله الله


                    قصيده رائعه


                    ورد اروع وقوي بكل المقاييس


                    نشكرك على اتحاف هذا المنتدى بالصوت والصدى الجميل


                    من افضل القصايد التي مرت علي في هذا المنتدى

                    تعليق

                    العمل...