سعد مخلد يجاري قصيدة الزلامي لبن بديع والشله

طي
X
 
  • التوقيت
  • إظهار
مسح الكل
المشاركات الجديدة
  • سعد عيد
    عضو
    • Jul 2009
    • 2

    #1

    سعد مخلد يجاري قصيدة الزلامي لبن بديع والشله

    قصيده للشاعر / رشيد الزلامي ,.موجها للشاعر / عبدالرحمن بن بديع
    واستثار فيها نخبه من كبار شعراء الساحه الخليجيه وهم
    ( سلطان الهاجري و مانع بن شلحاط و مدغم ابوشيبه و ضيدان بن قضعان و فلاح القرقاح و محمد ابن الذيب)
    وقد توالت مسلسل ردود الشعراء المذكوره اسماهم على هذه القصيده وسنلحقها بـ تابع متى ماحصلنا على اي ردود.
    .

    قصيدة رشيد الزلامي


    [poem=font=",5,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

    يابن بديَع وقفت بي على الشاط = الموج عالي والسباحه مخيفه
    تعبت ماباقي من الجهد قيراط=دفيتها لين ابركت في النصيفه
    في رحلةِ مابين تموز وشباط=عنوانها واضح بصدر الصحيفه
    راحت سدى باسباب تفريط وافراط=واستنزفت دم القلوب النظيفه
    لوكنت من شيد حضارات الانباط=فوق الجبال الشامخات المنيفه
    ولو كنت بالحكمه منافس لسقراط=باح الكلام , وصدرتبي امعيفه
    طال الزمان وجرح الايام ماخاط=ينزف وعيا لايوقف نزيفه
    فقدت وقفات السدارى هل الغاط=اهل المواقف والنوايا الشريفه
    الياطرى لي شخص ابوزيد , تنساط=كبدي ,,وقلبي مايهود رجيفه
    وقدام يدخل خاطري ياس واحباط=او يقتحمني سيل وادي حنيفه
    افزع وناد الهاجري وابن شلحاط=ومدغم وابن قضعان وايضا ابن ريفه
    ولابد لك بمحمد الذيب تحتاط=يكفيك عن عنتر ورمحه وسيفه
    انا بذلت الجهد في كل الاوساط=لكن دنيا خاتمتها ضعيفه
    ماتصفي الا مع منافق وخراط=ومعوقِ باقي لجده خليفه
    رزقه حرام ولايجي غير نقاط=وغير النذاله مالقى له وظيفه
    يجعل يلقطهم من القاع لقاط=ومن الغضب تنزل عليهم قذيفه
    تضرب جماجم روسهم ضرب مخباط=لين الوليف يقوم يلعن وليفه[/poem]



    رد الشاعر / عبدالرحمن بن بديع

    [poem=font=",5,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

    معا بداية شعري وشاربي خاط=من قالي الشعر ، ويش اتعريفه ؟
    قلت الزلامي ماخذِ كل الانواط=حسان الأول ، والزلامي وصيفه
    صفت له ابيوت الشعر صف ضباط=وتاتي قوافييه على كيف كيفه
    لو كان شطر عشرة احروف وانقاط=مثل المخيل اللي غزير قنيفه
    سندت للغطغط وحدرت لرهاط=ويانعم بالشاعر ونعمِ بقيفه
    اللي لهم في غبة الحرب مقلاط=على الرمك وملاعبات السفيفه
    والحين ياللي شعركم غنج واهياط=وين الحرير القرمزي والقطيفه
    اليوم صارت ريحته ريحة اشياط=دام اجتمع مشهاب نارِ وليفه
    قصيدكم ملى ملفات واشناط=بس الوكاد انه قصيدِ نعيفه
    لو تدخلون القدس من باب الاسباط=حياتكم فيها حياةِ كسيفه
    واللي نكب لبنان وليد جبلاط=والمشكله حزب السياسة حليفه
    يا بو جميل ، العلم من دون فقاط=ما تعرف اهل العزم حاجه كليفه
    ابشربنا حنا قويين وانشاط=حتى ولو ان المزاهب خفيفه
    ولا نقول ابنسبق الريح ببساط=ولا بنطلق شوف عينِ كفيفه
    والآدمي وان عاش حياته انماط=فيها الليال الهينه والعنيفه
    اللي ما دامت لهل بابل والاسباط=قد قالها النعمان ابو حنيفه
    ومن دون ذي الخلصه ومن ذاتا انواط=الله جعل للناس كعبه شريفه
    ذكر نبي الله للساعه اشراط=وفي هالزمن قد بان منها نصيفه
    والكل يخشى يالزلامي ، ويحتاط=والله يغفر .. عند نشر الصحيفة[/poem]




    رد الشاعر / محمد ابن الذيب


    [poem=font=",5,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

    الجمر حامي غير مافيه ملقاط=لكن ننوشه باليدين ونحيفه
    ولكل شوط سابقه ياهل الاشواط=وانا معا رشيد ماني رديفه
    لاتجذبك شرد القوافي وتشتاط=وانته رشيد اللي علومك طريفه
    كانك على اهل الشعر بتعد الاغلاط=مانته بناعم في الحياه المريفه
    من الوطوايط ابيبلشك وطواط=جناحه اطول وجنوبه رهيفه
    ويولع البرميل من عود مشخاط=لوكان عيدان المشاخط نحيفه
    انعرف ابو واطين وانعرف ابو وااط=وانارة الثاني تراها ضعيفه
    مانته مثل موسى لكن حن لك اسباط=وانفوسنا لمناوشاتك عجيفه
    وبغداد لازالت اذا جاز الاسقاط=تقول هارون الرشيد الخليفه
    والثانيه يالغاط واللي ورى الغاط=رشيد نياته تراها نظيفه
    ليتك تشرط يالعتيبي تشراط=وانا لعسرات الامور الكليفه
    امن الذهب لو مامتلك غير قيراط=بيني وبينك قسمته بالنصيفه
    فرقتي قدر ومحبه ومسفاط=فرق السهل عن الجبال المنيفه
    وشعر اللحى ماهو مثل شعرة الباط=الثانيه وسخه والاولى نظيفه
    ولاني بحب امغط العلم مغاط=رديتها جزله ولاهي كسيفه
    وطرشت لك فكسار ماهو بالاقساط=ومن الطلاق ان النوايا شريفه
    ماني بتاجر ادبل الغاط بالغاط=ولا اجمع الدينار وانا حليفه
    لكن في امثال العرب قبل الاقباط=قد مات ابورغيف ماكل رغيفه
    وانا نمط شعري ماهو مثل الانماط=خذته مراجل ماخذيته وظيفه[/poem]



    رد الشاعر / سلطان الهاجري

    [poem=font=",5,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
    شوط الزلامي جر له عدة اشواط=وعرض سماري الجيش حزم وحتيفه
    سندبها منا اليا وادي ارهاط=وحدربها تومي عليها السفيفه
    واهدت له الدوله من خيار الانواط=وبطله اثليم المسمى مضيفه
    وصفت له الدنيا عساكر وضباط=وعين الرضى عن كل عيب كفيفه
    يوم العرب كانوا قووين وانشاط=وديارهم في كل عام مريفه
    واليوم راحت كنها خيط مطاط=وراعي العسيف ازرى يروض عسيفه
    تخبطوا في المهبل تخباط=وصاروا سوا راعي الشداد ورديفه
    يابوجميل ارسالتك راس مشخاط=ومظرفه في عود سمره وليفه
    ومضمونها بس اربع احروف وانقاط=ياثقل معناها لو انها خفيفه
    تنجح لحم وتشعوط الروس شعواط=يعني حريقه والحرايق امخيفه
    مخطوطة ِ ماخطها كل خطاط=الا انت ياللي مفرداتك عنيفه
    لو ربطت كل الشياطين برباط=ماشالت الانفس اذنوب كليفه
    اقلط ولك في مجلس العز مقلاط=واللي مايعرف كيف خله بكيفه
    واسلم عدد رحلات تموز واشباط=مالاح براق يشوق رفيفه
    ومايسكن الطائف من جعيد وسواط=والي هنا ماعاد عندي ماضيفه[/poem]



    هذا رد الشاعر / مانع بن شلحاط
    [poem=font=",5,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

    كلن لقرصه حاش جمره بملقاط=ما ظل لي ما يشعل اعواد ليفه
    شاعر ولي منهج ومبدءومقلاط=ونفسي لجمهري خضوعِ وليفه
    عايش بخير ولا عليّ نقص واقناط=بسم السعودي وابن زايد خليفه
    بين التميمي مجلسي وابن مواط=والشيخ جاسم لا لحقني كليفه
    وارتب الساعه بلسعات الاسواط=بعداذن منهم يحتمون السقيفه
    اللي تساعدني بتعديل الأغلاط=جزاه من يحسب على الشعر غيفه
    صوت الزلامي يوقض الفاهي الغاط=شعفِ يرج اهل القوافي وحيفه
    على نمط وترد له كل الأنماط=حيث البروز منين وجه حليفه
    يشري بكاش وما يعامل بالاقساط=ساع الفقير يقوم يمضغ رغيفه
    ابو جميل اعتاظ من عقب الاقباط=قوم العوالي في الديار المريفه
    ربعِ خذوا في نجد صولات واشواط=وجاوا الحجاز وخر بره وسيفه
    داواء جروحِ صكها ريحة مشاط=ببيوت شعرِ مبهرات طريفه
    أستدغم الشعار من تحت الاباط=والخنجر المسنون بسفل شفيفه
    رشيد متحرفن بتزوير الابناط=وعن كم بشته كل عين كفيفه
    لو تحدر الشعبان مايحدر اوراط=ايسند الحاله ربيعه وصيفه
    اختار له خمسه وجاء عنده اسقاط=في الأحتياطي يوم برك عسيفه
    وجاء الاحتياطي خير من ينزل ارهاط=لوِ ان رشيد أهوى عليه برهيفه
    يوم انه قال بسادس الربع تحتاط=ما قال عن عنتر بشعره وسيفه
    لكنه قال بسادس الربع تحتاط=يكفيك عن عنتير ورمحه وسيفه
    جرده من شعره على شاش شمشاط=هروج عود(ن) ما يمد الكسيفه
    والسادس اصبح خير من رز قسطاط=وانا مع الخمسه وانا اخو لطيفه[/poem]

    وجه نظر ومجاراه لشاعر رشيد الزلامي وتقبلوا تحياتي



    الشاعر / سعد مخلد العازمي
    [poem=font=",5,blue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]

    ذيـــب تـنـحـر نـجــد مـــن قــمــة رهــــاط=مـاقـصــه الـقـصــاص يــوحــي هـريـفــه
    اليا وطى صم الصخر يضرب اشواط=يــقــدح كــمــى بــــرق يــشــوق رفـيـفــه
    مــــن قــــو بــاســه والـسـطــر ولـتـعـبـاط=اومـــالــــه بـقــطــعــان بــــــــدوٍ مــريـــفـــه
    امـحـيـطـهــم يـــــــومٍ مـامــنــهــم احـــــــاط=ويـسـجـهـم ســــج الـنـضــا بـالـصـريـفـه
    وتناقـلـو علـمـه عـلـى هـاتـف اسـقــاط=وصــجــو ولــجــو والاشـــــاره ضـعـيـفــه
    تـخــبــطــو مـــــــع جــــرتــــه والــتــخــبــاط=فــــــرق الــعــقــول الــنــيــره والـخـفـيــفــه
    وتـعـلـقـو قــشــرٍ تــبــا الـفــيــن مــمـــراط=لـــووجـــهــــة لـــلاعـــزلــــي مــاتــخــيــفــه
    نديبـهـا يـوبـص كـمـى عــود مـخـشـاط=وميقـاعـهـا دون الــهــدف فالنـصـيـفـه
    ويـوم ايسـو كلـن عـطـا عــدة امـشـاط=وادنــاهــم الــــي حـطــهــا فـــــي رديــفـــه
    وتشتـتـو مــن عـقــب مـاكـانـو اخـــلاط=وبانت حقايق من كمـى الوقـت زيفـه
    الـــي يـخـيـط الـجــرح مــاهــوب خــيــاط=وفــزاعــتــه كـــلـــن ســلــوكــه قـضــيــفــه
    والــي طـلـع طلـعـة كــرا يـشـقـح الـغــاط=وفـرق الـعـرب فــرق الجـبـال المنيـفـه
    ومــن عـقـب مارددتـهـم عــدة اشـــواط=ارتــــح ومـــــد الــرجـــل يــابـــو حـنـيـفــه[/poem]
  • فيصل مصلح العازمي
    عضو
    • May 2010
    • 19

    #2
    لاهنت يابو عيد ومشكور على النقل

    تعليق

    • ولدعساف

      مشرف سابق

      • Sep 2008
      • 4749

      #3
      ..


      صحة ألسنتهم وقلوبهم ..

      لآهنت على النقل يــآسعد ..


      ,,,
      [flash=http://assa97.jeeran.com/azzoz.swf]WIDTH=450 HEIGHT=350[/flash]




      قال أبوبكر الصديق - رضي الله عنه -
      ( الموت أهون مما بعده، و أشدّ مما قبله )



      حسبي الله ونعم الوكيل

      كتبت وقد أيقنت يوم كتابتي .. بأن يدي تفنى ويبقى كتابها
      فإن كتبت خيراً ستجزى بمثله .. وإن كتبت شرا عليها حسابها

      تعليق

      • حفيد المسنحاني
        عضو ماسي
        • May 2010
        • 473

        #4
        صحت ألسنة الشعار ولاهنت دمت بود

        تعليق

        • راع العبيه
          عضو ماسي
          • Oct 2007
          • 444

          #5
          صح لسانك يابو عيد على هذا النقل مني افضل تحية

          تعليق

          • ][^الـرحــال^][
            عضو نشيط
            • Jul 2003
            • 60

            #6
            خالد العالي يجاري قصيدة رشيد الزلامي لابن بديع / منتدى عتيبة الهيلا

            [align=center]خالد العالي يجاري قصيدة رشيد الزلامي لابن بديع / منتدى عتيبة الهيلا


            من يرحم الـعــداد مـن عـد الأغــلاط + ومن يرحـم الـدمـع الـعـيون الـكفـيـفـة


            ويا كيـف أسبـح والخـرز مالـه أرباط + ويا كيـف أوازن ثــقــلهـا بالـخـفـيـفــة


            ويا كيف أبقسـم عـملتن مابـها افـراط + ويا كيـف أوازن بــيـنهـا بالـنـصـيـفـه


            ويلي تشيل الجـمر مـن غـيـر ملـقــاط + لا يــحرق الجمـر اليـديـن النــظــيفــة


            ولابــد للـحجـاج مــن عــد الأشـــواط + يـعــدهــا فـــي روحـتـه ولــنـكـيـفــــه


            وزمت حمــاس وفتح في كل الأوساط + وشـعـارهـــم تحـريـر عـكـه وحـيـفــه


            والصـلـح اله في مجلـس العــز مقلاط + وراعـيـه اله عــنـد الأجـاويـــد ضـيفه


            ولا فيه حرب إلا انتهت صلح باشراط + ولـنـا مـن الـتاريــــخ عـبـره مـخـيــفـه


            ولابد يرضى الصلح من زعل واشتاط + بـعــد خـسـائــر تـكلـفــتــهـا كـلــيـفــــه


            ونصـيـحـتـي هــاتـو من الـربع خطاط + يـخــط خـطــة صلـح مــافـــيـه حـيـفـه




            خالد العالي[/align]

            تعليق

            • أبو مرحبا
              مشرف عــام
              • Jan 2005
              • 8037

              #7
              صح السان الشعراء

              لاهنت على النقل الموفق

              تقبل مروري
              [align=center]



              [/align]
              [align=center]إن قلَّـت الوزنـه وربعـي مشافيـح ** أخلـي الوزنـه لربعـي واشـومـي[/align]
              [align=center][/align]

              تعليق

              • خلف المطيري
                موقوف لمخالفة الأنظمة
                • Aug 2010
                • 2849

                #8
                تخبطـو مـع جـرتـه والتخـبـاط =فـرق العقـول النيـره والخفيـفـه

                الله الله

                صح السانك

                تعليق

                العمل...