مرثية في اختي رحمها الله

طي
X
 
  • التوقيت
  • إظهار
مسح الكل
المشاركات الجديدة
  • عبدالرحمن العقيلي
    عضو فعال
    • Feb 2010
    • 141

    #1

    مرثية في اختي رحمها الله

    [align=center]بسم الله الرحمن الرحيم


    هذه القصيدة كتبتها في رثاء اختي التي توفيت اثر حادث مروري في تاريخ28/7/1426هـ سائلين
    المولى تبارك وتعالى ان يتغمدها بواسع رحمته,, وان لا يريكم أي مكروه


    لاتحرموها من دعاءكم,,
    دمتم بحفظ الله سالمين

    مرثية ام بندر[/align]


    [poem=font="simplified arabic,6,black,bold,italic" bkcolor="transparent" bkimage="" border="double,10,gray" type=0 line=0 align=center use=ex num="0,black"]
    ياعين هلي دمعتك لين تقضين=الدمع في بعض المواقف شهامه
    ياعين كنتي بالوعد دوم توفين=ودرب الوفا دايم لطبعك علامه
    ابكي على اختي(بنت متروك) ياعين=وصافي دموعك سارعي بـاغتنامه
    ياعين اخوها ذاق مر العذابين=من حر فرقاها تكدر منامه
    دمعك حرمني شوفها كان تدرين=ولاني بشايفها ليوم القيامه
    عاى مشارف قبرها يوم تبكين=يوم الكفن والحنط فكو حزامه
    الدمع غطى ناظرك ماتشوفين=من دونها غطاك مثل الغمامه
    سوي على كيفك مثل ماتسوين=مايلحقك باغلى خواتي ملامه
    السبت في تاريخ تسعه وعشرين=اخر رجب سته وعشرين عامه
    جاني خبر قال امس بين الصلاتين=عصيرقبل الليل يوفي ظلامه
    حصل تصادم والجماعة سليمين=الا(ام بندر)ماكتب له سلامه
    بغى يتوقف خافقي والشرايين=والجسم عيت لاتشيله عظامه
    تدفن صلاة الظهر والظهرهالحين=ومشيت قبل انه يخلص كلامه
    ساعه وساعه باقيه ماتكفين = قل للمؤذن ينتظر فالاقامه
    وصلت مع لحظة خروج المصلين = والدرب باهل الخير زاد ازدحامه
    الناس واغلبهم من الربع الادنين= اللي يسلم منتبهت لسلامه
    ولحظة وصول الغاليه بين غالين = ياحي جسم(ن) خف ريش النعامه
    الله يوسع فالقبر لين ترضين = بامر العزيز اللي رفيع(ن)مقامه
    وفي جنة الرحمن في دارعلين = تسكن مع اهل الحسن والاستقامه
    بين القطوف الدانيه والرياحين = وانهار من حولك وريح الخزامه
    يشهد لها ربي والاقصى والادنين = وكل القرايب من خوال وعمامه
    ارضيتي الله والبشرعنك راضين = يلي رحيلك يوم جمعه ختامه
    جريح يا(مساعد)وانا في جرحين = واللي يلومك يستحق الملامه
    تبغى العزا مني وانا من يعزين = كني رضيع(ن)عند حزة فطامه
    قال المثل ماحد(ن)يوص الحريصين = اوصيك لين البدر يكمل تمامه
    قل للصغيره للجرس لاتروحين = الناس فيها يامساعد غشامه
    من خوف لاتسئل يقال امها وين = يعنى بمعنى مختصر(وين مامه)
    لافيه من يسئل ولا الناس دارين = والهم يسري فالضلوع اللتهامه
    لجة ضلوعي لاذكرت الصغارين = من لابس الشيله وراعي العمامه
    قل للولد تكفى وللبنت تكفين = ممكن يعوض يتمها بابتسامة
    لاشك انا مايكتب الله يرضين = وحلو الكراء ماظنى اقدر انامه
    الضيف يكرم في ديار الكريمين = وكرامة الله مابعدها كرامه[/poem]

    [align=center]شعر/عبدالرحمن العقيلي[/align]
  • ابو محمد الدعجاني
    عضو مميـــز
    • Aug 2008
    • 3759

    #2
    الله يرحم ام بندر واموات المسلمين اجمعين

    اخوي عبدالرحمن الله لا يوريكم مكروه باذن الله وصح السانك وغفر الله لمواتكم

    تعليق

    • الحميدي العتيبي
      عضو ماسي
      • Sep 2008
      • 445

      #3
      الله يسكنها الجنه ويرحمها ويجبر مصابكم ...ويرحمنا اذا صرنا ما صارت اليه

      تعليق

      • رايد الهديبي
        عضو مميـــز
        • Nov 2008
        • 997

        #4
        الله يرحمه برحمته ويسكنه فسيح جناته

        وصح لسانك قصيده في الصميم بصراحه

        وحزينه جدآ

        تعليق

        • علي الثبيتي
          النشمي
          • Oct 2005
          • 6033

          #5
          الله يرحمها برحمته ويسكنها فسيح جناته
          [poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
          ماني بلا روقي ولا برقاوي = انا ثبيتي جد روق وبرقا [/poem]

          تعليق

          • محمد العتيبي

            مشرف منتدى شعراء قبيلة عتيبه

            • Mar 2005
            • 10789

            #6
            الله يرحمها ويسكنها الجنه وجميع اموات المسلمين ..
            [align=center][/align]








            [align=center]للتواصل عبر twitter تويتر


            al_bargawy@
            [/align]

            تعليق

            • ابن عاصي الروقي
              عضو
              • May 2010
              • 4

              #7
              صح الله لساانك يا العقيلي والله يرحم فقيدتك ويسكنها فسيح جناااته

              قصيدة في غاية الحزن ولكن تعبر عن مشاعر من يحس بهذا الحزن نسأل الله لك الصبر والسلوان

              تعليق

              • رايدالجعيد
                عضو فعال
                • Mar 2007
                • 130

                #8
                الشاعر/عبدالرحمن العقيلي

                رحم الله أختك و أسكنها فسيح جناته وهذه حال الدنيا و لا تحزن

                و الحمد لله رب العالمين

                صح لسانك مدد بلا عدد قصيدة رثاءحزينة أحزنتني كثيرا

                بيض الله وجهك

                تعليق

                • الحنتووشي
                  عضو فعال
                  • Mar 2010
                  • 146

                  #9
                  الله يرحمها وصح لسانك

                  تعليق

                  • عيد بن مرضي
                    شـاعـــر
                    • Oct 2009
                    • 1035

                    #10
                    الله الله


                    قصيده مؤثره ياعبد الرحمن


                    رحمّ الله ام بندر واسكنها فسيح جناته ورحم الله جميع اموات المسلمين


                    وصح لسانك

                    تعليق

                    • ممدوح الروقي
                      عضو ماسي
                      • Jan 2007
                      • 598

                      #11
                      اسال الله ان يرحم اختك وان يجعل قبرهاروضةمن رياض الجنه
                      وان ينقيهامن الذنوب والخطايا كما ينقى الثوب الابيض من الذنس
                      وان يلهم ابنائها الصبروالسلوان

                      تعليق

                      • عبدالله الفهد الاسعدي
                        عضو ماسي
                        • Nov 2009
                        • 616

                        #12
                        رحمها الله رحمة واسعه وجمعكم بها في عليين

                        صح لسانك ودام ابداعك

                        فرج الله همك وهم كل مسلم

                        تعليق

                        • عبدالرحمن العقيلي
                          عضو فعال
                          • Feb 2010
                          • 141

                          #13
                          تم النشر في الأصل بواسطة ابن غزاي الخظري عرض المشاركة
                          الله يرحم ام بندر واموات المسلمين اجمعين

                          اخوي عبدالرحمن الله لا يوريكم مكروه باذن الله وصح السانك وغفر الله لمواتكم
                          [align=center]
                          ابن غزاي الخظري

                          بيض الله وجهك على المرور والكلام الطيب الله يقبل دعاءك ولايريك مكروه في عزيز

                          تقبل تحياتي[/align]

                          تعليق

                          • عبدالرحمن العقيلي
                            عضو فعال
                            • Feb 2010
                            • 141

                            #14
                            تم النشر في الأصل بواسطة الحميدي العتيبي عرض المشاركة
                            الله يسكنها الجنه ويرحمها ويجبر مصابكم ...ويرحمنا اذا صرنا ما صارت اليه


                            [align=center]الله يحفظك من كل مكروه يالحميدي

                            وبيض الله وجهك على المرور والكلام

                            الطيب

                            تقبل تحياتي[/align]

                            تعليق

                            • فهيد الايدا المورقي

                              مشرف منتدى الصحافة

                              • Oct 2006
                              • 14585

                              #15
                              الله يرحمها ويرحم اموات المسلمين


                              صح لسانك على المرثيه الحزينه



                              تحيتي
                              حسابي في تويتر


                              faheed_1234

                              تعليق

                              العمل...