مكسور خاطرك طلال بن معيض

طي
X
 
  • التوقيت
  • إظهار
مسح الكل
المشاركات الجديدة
  • طلال معيض
    عضو
    • Apr 2010
    • 17

    #1

    مكسور خاطرك طلال بن معيض

    [poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    مادام لي رديت مكسور خاطرك=
    قللي وش اللي من فراقي لقيته=
    العمر مرة والمصايب تذكرك=
    والحب نعمه مايجيك بشريته=
    اقفيت عني تحسب اني بدورك=
    من صد عني لارحل مارجيته=
    لاتقول لي خابرك وش كنت خابرك=
    غير المرار اللي بصدري ضويته=
    ياما تجافيني وياما اقدرك=
    واعطيك شي مال غيرك عطيته=
    زدتك غلا وانت تزود بتكبرك=
    كتبتك بصدري غلاي ومحيته=
    اترك لك افراحي بحزنك واشاطرك=
    تترك لي همومك بقلبي مبيته=
    ان كان ماعبرت محد ن معبرك=
    ولازعلت شخص تشوف مالا رضيته=
    والا انا ماني على الضيق جابرك=
    من كان يفداني بروحي فديته=
    وان كان لي رديت من شان اباشكرك=
    باشكرك لاكن عكس شي هقيته=
    وان كان اباشفع لك ماهو لاجل ناظرك=
    غلاك مبطي من فراقك نسيته=
    ولاهو على اخلاقك ولاهو لمظهرك=
    دام المشاعر داخلك انت ميته=
    علمتني وابصرت والله يبصرك=
    وعرفت شي لو جهلته قريته=
    ان العقل مايصدق بلعبة السرك=
    وآفة بني آدم اذا الكذب صيته=
    وان ماربحت من الوفا مايخسرك=
    والصدق لامنك هويته جنيته=
    واحيان قولت ليت يمكن تنورك=
    واحيان قولت ليت ماقلت ليته=
    باقول لك حاجه عسى ماتكدرك=
    لاكن خذها من حبيب جفيته=
    ماتذكر انك قلت لي ودي آمرك=
    لك قلت آمر واطلب اللي بغيته=
    قلت اطلبك قلبك ولاني بجابرك=
    واباسكنه مادام قربك هويته=
    تذكر هذاك البيت ماعاد ينطرك=
    غيرك سكن به واصبح اليوم بيته=
    والا انت بلساني اذا كنت باذكرك =
    طاري وعدى زي شي طريته=
    لاكن عود انكسر حيل خاطرك=
    دورت يشفع لك فعل مالقيته=[/poem]
  • االكريزي
    عضو فضي
    • Dec 2009
    • 254

    #2
    صح لسانك يابن وايل

    قصيده في منتهى روعه

    لاهنت وبانتظار جديدك

    تعليق

    • معلا إبراهيم الأسعدي
      شــــاعر نظــم
      • Feb 2007
      • 1405

      #3
      صح السااااااااااااااااااااااااانك

      تعليق

      • طلال معيض
        عضو
        • Apr 2010
        • 17

        #4
        الكريزي مرورك اسعدني دمت بود

        تعليق

        • طلال معيض
          عضو
          • Apr 2010
          • 17

          #5
          الشاعر معلا انت اروع

          تعليق

          العمل...