للتواصل ..

طي
X
 
  • التوقيت
  • إظهار
مسح الكل
المشاركات الجديدة
  • راجح المطيري
    عضو نشيط
    • Jul 2009
    • 45

    #1

    للتواصل ..

    [poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    البارح ياشين البارح=بيني وبين الليل مصارح
    أرمي به في رميً غادي=ويرميني في رميً جارح
    شغلت الموتر دزيته=في عالي رجماً عديته
    فوقه سكر بي ظلامي=نسيت إن الليل أمسيته
    قل : مجنون وقل : سكراني=قل لي : خبل وقل لي : فاني
    قل: ماتبغى بي ما ألومك=ما أونست بجرحاً كواني
    ما أونست اللي بي أونسته=ماعينت اللي عينته
    لآ يغرك زولي وعلومي=الله من جرحاً دفنته
    الله يا وقتاً مضالي=صد بحلوات الليالي
    وقتاً عز الله هو وقتي=أضحك لو إني بلحالي
    يوم إن الشيمه موجوده=كلاً يبدا مبدا جوده
    يوم إن الرجال رجال=ويوم إن المعاني عوده
    واليوم الله ياساترها=ياربي ما انت معسرها
    لانك رحمانٍ رحيم=وتمهل ياربي كافرها
    اليوم يوم المصايب=والعجايب والغرايب
    وقتاً تليم فساده=على الورع وعلى الشايب
    كلاً صد وضيع دينه=وشال الخيبات بيدينه
    وإليا قربت ونصحته=يضحك ويغمز في عينه
    ناساً عافتها الرجوله=والرزانه والعدوله
    جنياً في وسطه جني=ومثل البنات بميوله
    هذا : مافارق مكياجه=وذا : في قصاته وغناجه
    والتالي : ياكثر جنوزه !؟=كنه يبغى منها حاجه !!
    لآ بالله أنا اللي كني=أبا أخفف عنه وعني
    إلا ملعون الصلايب=يبغى له فعلاً يجني
    قوله لآ جالك : ركبني !=وش رايك جنزي طيحني !.؟
    ركبني خذ فيني لفه=أريحك وانتا تريحني
    لعنبوك أنا في راحه=عن شوفك نفسي مرتاحه
    لآ أنت بفيدي ولاني فيدك=قآل : طيب ياخي بالراحه!!
    جربني ياخي تستانس=قلت له : من دونك حارس
    دونك ديني ياليهودي=ما انت موالفني بمجالس
    لعن أبو حيك وش دينك=ياظالم يامقوى عينك
    صحصح من نومك يالخايب=قآل لي : وش !!؟ خايب في عينك
    قلت : أنت اللي سمي خايب=يالعايب راع الشوايب
    أستح من ربك وأخشى الله=يوماً تنصب لك نصايب
    هذا الواقع ياجماعه=ذلّ وخذلآن وصياعه
    شيً يفجع قلبي فجعه=أقضي وقتي فيه براعه
    أخاف من الله سبحانه=جلّ الوالي عالي شانه
    عزيزاً وذو إنتقاماً=وعبادة تجهر عصيانه
    ربي علام الخفايا=عالم مقبلة النوايا
    الغفار المعطي ربي=واعد عبده بالجزايا
    ياويل الظالم ياويله=وياويل العاصي من حيله
    وياويل اللي خلا دينه=من صبحاً مقبل في ليله
    يوم يشيب الطفل بهول=يوماً لآ قوة لآ حول
    إلا للوالي سبحانه=ماله خصماً عرض وطول
    التوبة ياناس التوبة=مابه نوب ولا به نوبه
    الموت أسرع من براقاً=يبرق في مخيال الكوبه
    بخيال الدنيا الدنيه=بآب الإختبار بنيه
    باباً للسجه في عجه=وأسرعها باب المنيه
    طرقت الباب المسبوق=يومنه فينا له شوق
    قلت أبا أشوفه وأغني=كود إن يعقل به مطفوق
    وصلآة اللي بوجه عدايه=ربي هو عزمي وجدايه
    على نبيه محمد=مرسل علوم الهدايه[/poem]
العمل...