ردي على ضيدان بن قضعان

طي
X
 
  • التوقيت
  • إظهار
مسح الكل
المشاركات الجديدة
  • سلمان الحافي
    عضو نشيط
    • May 2009
    • 66

    #1

    ردي على ضيدان بن قضعان

    [align=center]السلام عليكم ورحمة الله وبركاته



    رد على قصيدة الشاعر ضيدان بن قضعان



    الهنوف الي سرت من نجد وامست بالحويه



    وتم نشرها في مجلة المختلف العدد 95 & 96

    [/align]








    [poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    الهنوف اللي تجاذّبهااللحون السامريه =منوة العشاق ياضيدان تمشي في هواها

    وانت ياقيس الهوى شالتك ليلى العامريه=يوم شفت الناس تبدي غيضها جيت اتحداها

    غلطة الشاطر بعشر وغلطتك ماهي غبيه =مبتدا الدعوى بيدك وعندغيرك منتهاها

    البشر قامت تحلم يحسبون الشمس فيه=مادروا عن خطوة(ن)يعرف ثمنها من خطاها

    والطموح اللي سرت مسرى المزون العقربيه=لاتخطب الإ أختها لوتعجبك بنت اقصراها

    يختلف وجه الشبه ما بين ذيك وبين ذيّه=ما يفرق بينهن يا كود من يفهم نباها

    لاتجازيها بحسنه لاتجازيها بسيّه=خلها تجلس على مقدارها بين اقرباها

    لاتجي مابين حد السيف والا الحضرميه =انتبه من غلطة(ن) يدفع ثمنها من بداها

    وانت ذيب(ن) يعرف الرعيان ويعرف الرعيه=من يشب النار يجذب يمه الساري سناها

    لاتخاف الا من الغشاش ابو نيه رديه=انتبه من نية الجاهل ليا منه نواها

    واحد(ن)ماينطح اهل الخيل لوبالبندقيه=بندقه لوشالهاللقوم ثارت في خباها

    والضعوف اضعوف مايستاهلون المقدريه=والرجال اشنابها وقت الطلب تحما لحاها

    ياعدو القوم ...ياراعي العلوم الاوليه=العلوم اللي على وضح النقا ماحد(ن)غواها

    لايهمك ماورى النفس الفقيره والغنيه=بالشدايد ينعرف جود الاوادم من رداها

    مايبيّن حكمها بين الضحا والا العشيه=عادة الايام ......والايام مدرجّة(ن) رحاها

    من هجوس الشعرخاويتك بهجسي والحضيّه=النوايا الصادقه ماخاب في الطيب رجاها

    نجدتنظرللحجاز ¤¤ وشددت قبلك طميه=عان مقلعها وجرتها وربك ما ماحاها

    وان محت جرت طميه جزت من كل القضيه=والذيابه في الجبال الشاهقه يجذب اعواها

    لاترجعنا على وقت الجهل والجاهليه=وانت في وقت(ن) يبذ النفس ويبيح خفاها

    ودنا ننفعك نفعه شاذليه شاذليه=والله ان اوجيهنا ل ادخيلنا يذري ذراها

    في نهار(ن)يطلب الفزعه خويا من خويه=من رجال في الطلب شرواك مايقصر مداها

    كل طيب حاسبين لروحته والا مجيّه=عندنايسوى البحور السبع ودررها وماها

    لعنبوا من يرخص المقدار مع سرج العبيّه=قلتها واقولها واكرم اذا غيرك نساها

    ونجد ماهي نرجسيه يعربيه يعربيه=ماتناظر للهدا وطويق يطرخ في حماها

    وعاشق(ن)ماورد العشقه على حوض المنيه=مانلومه لوتركهافي مكان ولالقاها

    كل عاشق عشقته عنده لهاأوصاف(ن) بهيه=امنياته خطبته والفاتحه معهاقراها

    قطعة الساقي خطا من دون الاوراق النديه=انقطع عقب الروى وشلون تشرب عن ضماها

    امنياتي لك تعيش الحب وايامك هنيه=لين تكسب راحة النفس الشقيه عن عناها

    مااحد(ن)لايمك لواعطيتها قلبك هديه=عاشق(ن)مايكرم العشقّه يجنب عن نحاها

    ومايقلل من مقام اهل الوفا واهل الحميه=غيرخبل(ن) ماهدم بلدان قوم ولابناها

    وانت تفهمها ولاتخفاك يازبن الونيه=مايغرك في زمانك مر دنياك وحلاها

    ودام ياضيدان تعمل تحت حكم الداخليه=لاتروح تطرد الثنتين ماتمسك حداها

    والختام بطيب عود ازرق وبريه نقيه=لعنبوحي القصايد وش وراها وش وراها


    [/poem]
    [align=center]الشاعر سلمان عزيز الحافي[/align]
  • مرزوق حمدان العتيبي
    مشـرف عام
    • Nov 2003
    • 20403

    #2
    ..
    .

    صح الله لسانكـــ .. ياسلمان جزله ولاهيب غريبه منكــ
    ...
    [align=center]
    [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
    حط حبه في كياني ماتغيّره السنيني = وانثني من دون عرضه بالذراع وباللساني[/poem]







    @Marzouq_MHD
    [/align]

    تعليق

    • سلمان الحافي
      عضو نشيط
      • May 2009
      • 66

      #3
      [align=center]ابوحمدان
      تسلم والله لايهينك[/align]

      تعليق

      • محمد مذكر المغيبي
        شــــاعــر
        • Oct 2009
        • 154

        #4
        سلمان الحافي

        بيض الله وجهك يامبدع

        ابدعت وطرقت كل ابواب الابداع ولايستغرب عليك

        ولااملك الا ان اقول بيض الله وجهك

        على هاالشامخة الفريدة من نوعها

        تقبل تحياتي

        تعليق

        • #المبدع#
          عضو
          • Feb 2010
          • 7

          #5
          صح لسااااااااانك

          من جد جزاله وحبك وسبك

          ما شاء الله

          تعليق

          • ابن طامي
            عضو ماسي
            • Mar 2007
            • 661

            #6

            [poem= font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
            نجدتنظرللحجاز ¤¤ وشـددت قبلـك طميـه=عان مقلعها وجرتهـا وربـك مـا ماحاهـا
            وان محت جرت طميه جزت من كل القضيـه=والذيابه في الجبال الشاهقه يجـذب اعواهـا [/poem]


            الله الله


            صح لسانك ياسلمان .. والله أنك أبدعت


            وأعجبني غير هالبيتين هذي ، وااجد




            .

            تعليق

            • الصويت الثبيتي العتيبي
              عضو ماسي
              • Nov 2010
              • 749

              #7
              صح لسانك


              وبيض الله وجهك


              تقبل مروري



              الصو يــــــــ الثبيتي ـــــــت

              تعليق

              العمل...