الصراط

طي
X
 
  • التوقيت
  • إظهار
مسح الكل
المشاركات الجديدة
  • محمد عويض الثبيتي
    عضو فضي
    • Jan 2010
    • 226

    #1

    الصراط

    [poem=font="simplified arabic,5,black,bold,normal" bkcolor="transparent" bkimage="" border="double,4,gray" type=0 line=0 align=center use=ex num="0,black"]

    البارحة فكـّرت في شكل الصراط=وكيف أبمشي يا ترى هل هو بسيط؟

    النار تحته والملائك بالسياط=حاشرين الناس عريان وخليط

    ومن يبالي وقتها بالاختلاط=وكل واحد قلبه معـلــّّق بخيط

    من عذاب الله مآخذ الإحتياط=خايفٍ يُرمى على جمر السخيط

    لا حساب بنوك ينفع وإرتباط=في علاقة مع أمير ولا وسيط

    في بلاطٍ غير عن كل البلاط=تحت ظل القادر الرب المحيط

    كيف أبهنى بالفرح والانبساط=والذنوب تزيد ولساني سليط

    لا صلاة ولا صيام ولا رباط=والمعاصي عندها جداً نشيط

    في المعاصي لعن أبو هذا النشاط=تضحك الدنيا على العبد الحويط

    وقتها حسيت معنى الانحطاط=ومرّ عمري بالفعل مثل الشريط

    يا الله إني ما طلبتك بإشتراط=كيف أبخفي وأنت بالخافي تحيط

    طالبك رحمتك في قطع الصراط=طالبك رحمتك والباقي بسيط




    محمد الثبيتي[/poem]
    الملفات المرفقة
  • عبدالله بن طلال
    شـــاعــر
    • Oct 2008
    • 501

    #2
    بيض الله وجهك وصح لسانك



    وعسى الله يرحمنا برحمته في ذلك الموقف المهيب



    قصيدة معبّرة ومؤثره الى ابعد مدى .. وفيها من العظه والعبره الشيء الكثير



    تقبل مروري وتحياتي

    تعليق

    • عبدالرحمن العقيلي
      عضو فعال
      • Feb 2010
      • 141

      #3
      [align=center]محمد الثبيتي

      يعطيك الف عافيه قصيدة روعه

      تقبل مروري[/align]

      تعليق

      • محمد عويض الثبيتي
        عضو فضي
        • Jan 2010
        • 226

        #4
        وجهك أبيض أخوي/ عبدالله بن طلال


        مرورك شرف كبير

        وشهادة أفتخربها


        لا هنت

        تعليق

        • محمد عويض الثبيتي
          عضو فضي
          • Jan 2010
          • 226

          #5
          الله يعافيك أخوي /عبدالحمن العقيلي



          أنت الرائع ومرورك يشرفني

          لا هنت

          تعليق

          العمل...