تلة الجمس بثنين

طي
X
 
  • التوقيت
  • إظهار
مسح الكل
المشاركات الجديدة
  • عناد الشيباني
    شــــاعــر
    • Nov 2009
    • 1356

    #1

    تلة الجمس بثنين

    ياتل قلبي تلة الجمس بثنين
    مع طلعة" قامت تسولف بلوفه

    سواقه اللي ما مشا بالقوانين
    امحمله بسلاح سبة ظروفه

    ويوم اللتفت لهو يطارده جيبن
    جيبين دوريات تطلب وقوفه

    ثم انتهض ولد الرجال الميامين
    وحذف عقاله والشماغ محذوفه

    وقامو يحدونه من ايسار ويمين
    يبغون مسك الجمس بيا كلوفه

    وقال الممات اليوم مافيه موتين
    ايامنا عند الرحيم معروفه

    وساقه على عرق" تحده ضلاعين
    وقام يترجا الله بحسن المروفه

    ثم قام يعو الجمس عوي السراحين
    ويزمي كما زمي السحاب وقنوفه

    وأهمه خلافه مير جا فالهم شين
    مالو على واد(ن) كثيره جروفه

    والجمس راح وهم يقولون هو وين
    كل" من الحسره يصفق كفوفه

    على وليفن شب فالقلب نارين
    نار الوداع ونار حبه وشوفه

    غرو" سكن حبه بوسط الشريين
    دايم يسير بوسط دمي حروفه

    حاز الوصايف وأصبح أمير بالزين
    سبحان رب" كمل في وصوفه

    وقفا وخلا داخل القلب جرحين
    خلا العيون عن المنام مخطوفه

    وجدي على شوفه لوانه بعد حين
    دايم عيوني لجل شوفه لهوفه

    وجد الذي شيب وذاق الأمرين
    من بعد ماكانت كثيره صفوفه

    شيخ" منول مايهاب المعدين
    قدمه تصير الكايدات معسوفه

    وبعد مرور سنين وسنين وسنين
    جار الزمن فوقه وكثرة صدوفه

    من بعد ماشيب بكى وأسهر العين
    طمعو به ارخوم الزمن مع ضعوفه

    هذا وجودي من سبب كامل الزين
    اللي عيوني لجل شوفه شفوفه

    الشاعر عناد الشيباني
  • دايم السعد
    عضو ذهبي
    • Dec 2009
    • 343

    #2
    صح السانك ياعناد وبيض الله وجهك

    تعليق

    • محمد عويض الثبيتي
      عضو فضي
      • Jan 2010
      • 226

      #3
      والجمس راح وهم يقولون هو وين
      كل" من الحسره يصفق كفوفه



      صح لسانك

      تعليق

      • فهد الشيباني
        شــــاعــر
        • May 2008
        • 1529

        #4
        صح السانك وبيض الله وجهك
        ..



        ارسم لنفسك حدود الخطوه المنظومه
        واحذر احذر لاتزل اقدامك وتاكلها

        الحياه الفانيه في ناظري معدومه
        كان ماحددت قمه للهدف تاصلها

        تعليق

        • عناد الشيباني
          شــــاعــر
          • Nov 2009
          • 1356

          #5
          صح بدنك يادايم

          تعليق

          • عناد الشيباني
            شــــاعــر
            • Nov 2009
            • 1356

            #6
            صح بدنك ياشبل والله يبيض وجهك

            تعليق

            • مرزوق الجعيد

              رابطة محبي الهيلا

              • May 2004
              • 1318

              #7
              ثم انتهض ولد الرجال الميامين
              وحذف عقاله والشماغ محذوفه


              صح الساااااااااانك يبن مشيب

              رائعه

              تعليق

              • عناد الشيباني
                شــــاعــر
                • Nov 2009
                • 1356

                #8
                تم النشر في الأصل بواسطة محمد عويض الثبيتي عرض المشاركة
                والجمس راح وهم يقولون هو وين
                كل" من الحسره يصفق كفوفه



                صح لسانك
                صح بدنك يامحمد

                تعليق

                العمل...