(الجيــــــــــــــــــــــــب)

طي
X
 
  • التوقيت
  • إظهار
مسح الكل
المشاركات الجديدة
  • ذيب السرية
    شاعر
    • Nov 2004
    • 119

    #1

    (الجيــــــــــــــــــــــــب)

    [poem=font="Simplified Arabic,4,purple,normal,normal" bkcolor="deeppink" bkimage="backgrounds/1.gif" border="none,4,deeppink" type=1 line=0 align=center use=ex num="0,black"]

    بسم اللة الرحمن الرحيم
    ياماحلى اللي لامشى يقطع الــــلال=يقطع صحاصيح الخلا والصحاري

    هومنوة اللي يشتكي ضيقة الــــبال=اللي جرالة في زمانة جـــــواري

    ياخذعلية مع الفيافي والاقــــــذال= سجة يسج بلا هموم وطــــــواري

    لاتله السواق مع جرد الاسهــال=يطوي سباريت الخلا مايــــــداري

    يلطم حصاها في جنوبة ليا مال=مع خايع منحاه جاك مــــــــــتواري

    وليانشى من يمة القبلة خيــال=نشى من المنشى وجالة مـــــــواري

    يبرق ويرعد والمطر هل همال=وقامت تملابه بطون الخـــــــــــباري

    الجيب لوالجال يصفق مع الجال=ماعوده راعيه يمشى مبـــــــــــاري

    يمشي على الصدام ماغير يشتال=ماكنة الا فوق قـــار وكبـــــــــاري

    جيب جديد ما على شكلة اشكال=يسوى من النيسان مية سفـــــاري

    لامنة اقفى كنة المجرم الذال=ولامنة اقــــبل كنة الانتحـــــــــاري

    امصمم تصميم يضرب بالامثال=ايواكب العصر الحديث الحضاري

    فية المناظر كنة خدود بسكال=وخشمة كما خشم البعير الحداري

    وكن السبير بموخره حبة الخال=في خد رعبوب بزيـــنه ايمـــــاري

    هذاة مركب للزحول وللأبطال=هذاه مركب مبـــعدين المســــــــاري

    أهل الكرم والطيب والطالة أمثال=زحل الزحول اللي على الطيب ضاري

    سالم عريب العم والجد والخال=قرم القروم الي يـــــدوس الخطـــــــاري

    حاز المراجل كلها طيب الفال=في مدحتــــــة نفخــــر وفية افتخـــــــاري

    نعمين ياللي للثقيلات شيال=اقولها ويقول ماقوووول غــــــــــــــاري

    من لابة بالطيب تضرب بالامثال=فعل علية ثـــــبوت ماهي هــــــــذاري

    أهل الوفاء والجود ماضين الافعال=وكــــل عن افعل المرازيـــق داري

    يومنهابالسيف مابين الابطــــــال=في ساحة الميدان مثل الضوراي

    خيالهم يسوى ثمانين خيــــــــال=لا جاء نهار فيةبـــايع وشـــــــاري
    [/poem]
  • مروي العطاشا

    رابطة محبي الهيلا

    • Aug 2004
    • 1089

    #2
    صح لسانك عز الله على هالقصيدة اللي تثلج الصدر ونعم بك وبالمرزوقي

    تعليق

    • ذيب السرية
      شاعر
      • Nov 2004
      • 119

      #3
      [poem=font="Simplified Arabic,4,purple,normal,normal" bkcolor="deeppink" bkimage="backgrounds/1.gif" border="none,4,deeppink" type=1 line=0 align=center use=ex num="0,black"]
      يشهد بها التاريخ مع كل الاجيال=رواية مع كل كاتب وقــــــــاري

      واللي يذم الجيب لو قال ماقال=هذي على من ذم رد واعتبـــــاري

      جتك القصيدة مير ياطيب الفال=المعذرة لن كان قصر مشـــــــاري[/poem]


      هذي القصيدة مهداة للاخ سالم بن مغلي البقمي

      الشاعر مشاري بن رفاعي الروقي
      الملقب (بذيب السرية)


      اخواني اعضاء المنتدى ابي رايكم بصراحة في قصيدة الشاب الصاعد مشاري ولكم مني كل الشكر

      تعليق

      • ذيب السرية
        شاعر
        • Nov 2004
        • 119

        #4
        هلا وغلا فيك ياخووووي مروي نورت الموضوووووع


        ماعليك زود بس ابسالك منهو المرزوقي هذي القصيد لشاعر مشاري الروقي

        تعليق

        • مروي العطاشا

          رابطة محبي الهيلا

          • Aug 2004
          • 1089

          #5
          من لابة بالطيب تضرب بالامثال فعل عليـة ثبـوت ماهـي هـذاري

          أهل الوفاء والجود ماضين الافعال وكل عـن افعـل المرازيـق داري


          وإلا أنا غلطان ؟

          تعليق

          • فرهودي
            عضو ماسي
            • Feb 2004
            • 886

            #6
            جزلة..

            صح لسانك ولسان مشاري..

            تعليق

            • الــوآفــي
              عضو اداره
              • Mar 2003
              • 3629

              #7
              خيالهـم يسـوى ثمانيـن خيـال00 لا جـاء نهـار فية بايـع وشـاري

              ونعم بالبقوووووم


              وصح لسانك يا مشاري بن رفاعي الروقي ( ذيب السريه )

              عزالله الا مدحت الجيب ومدحت خويك

              ويستاهل خويك البقمي المدح

              وننتظر جديدك

              وجزلتن من جزل
              [align=center][flash=http://assa97.jeeran.com/azzoz.swf]WIDTH=450 HEIGHT=350[/flash]



              [align=center]



              [align=center]ليا جاء طاري الهيــــــلا يفز القلب فزة شوق[/align]






              ألبوم صور



              مدونه مميزه



              [/align][/align]

              تعليق

              • ذيب السرية
                شاعر
                • Nov 2004
                • 119

                #8
                هلا وغلا بعيااااااااااالل عميييييييييييييييي مشكوووووووورين كل الشكر والثناء لكم


                على مروركم الي زادني نوووور اخوي مروي حاشاك الغلط وانا اخوووووك اعذرني المعذرة

                اخوووي الفرهودي لك كل الشكر والثناااااااء منووور

                اخووووووي ذيبااااان اشكرك من اعمااااق قلبي على كلماتك الرائعة وانت اسم على مسمى

                تعليق

                • مرزوق حمدان العتيبي
                  مشـرف عام
                  • Nov 2003
                  • 20403

                  #9
                  لامنة اقفـى كنـة المجـرم الـذال
                  ------------- ولامنـة اقبـل كنـة الانتحـاري

                  بيت عن 80 بيت
                  اشهد بالله انك ابدعت... صح لسانك يامشاري
                  جزاله وفن تعبيري رائع ووصف للجيب فاق الوصف..
                  كل الشكر ياغالي...
                  [align=center]
                  [poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
                  فدوة ٍ للمصطفى روحي وماتملك يميني = كيف (لا) واللي خلقني حط حبه في كياني
                  حط حبه في كياني ماتغيّره السنيني = وانثني من دون عرضه بالذراع وباللساني[/poem]







                  @Marzouq_MHD
                  [/align]

                  تعليق

                  • ((الدلبحي))

                    رابطة محبي الهيلا

                    • Mar 2003
                    • 6010

                    #10
                    قصيده جزله
                    ولاتحتاج لاراء منا
                    قصيده وافيه ومعانيها كماله
                    صح السانك واتمنى لك التوفيق

                    تحياااااااااااااااااتي

                    تعليق

                    • ذيب السرية
                      شاعر
                      • Nov 2004
                      • 119

                      #11
                      هلا وغلا فيكم اخوووووي مرزوووق والدلبحي اشكركم كل الشكر على تقديم ارائكم بكل مصداقية

                      تعليق

                      • الطير
                        عضو فعال
                        • Feb 2004
                        • 148

                        #12
                        [align=center]الاخ ذيب السريه

                        قصيده جميله
                        وبيض الله وجهك على القصيده الراااااااائعه
                        واشهد انك ابدعت في مدح الجيب
                        [/align]

                        تعليق

                        • ذيب السرية
                          شاعر
                          • Nov 2004
                          • 119

                          #13
                          اخوي الطير مشكور على اطرائك هذا فهو وسام على صدري

                          تعليق

                          • داهية عتيبة
                            عضو مهم
                            • Jul 2003
                            • 961

                            #14
                            جيب جديد ما علـى شكلـة اشكـال
                            يسوى مـن النيسـان ميـة سفـاري




                            صح لسانك مليووووون



                            وتسلم

                            جزلة من جزل


                            نتطلع لجديدك وألى الأمام


                            تحياتي
                            أخوك/داهية عتيبة..

                            تعليق

                            • ذيب السرية
                              شاعر
                              • Nov 2004
                              • 119

                              #15
                              هلا فيك اخوووي داهية عتيبة اشكرك كل الشكر على اطراءك الجميلللل


                              والجديد قااااادم

                              تعليق

                              العمل...