حفظ العهود

طي
X
 
  • التوقيت
  • إظهار
مسح الكل
المشاركات الجديدة
  • سعود حباب العتيبي
    عضو نشيط
    • Dec 2009
    • 43

    #1

    حفظ العهود

    [align=center]بسم الله الرحمن الرحيم[/align]

    ماجيت للشعـــار لعب ومــــهـــزلـــه@ ماجيت معهم غير لاثبات الوجــــود
    اللي يبي يسال قصيدي يسالــــــه@ عن فزعة النخوه وعن حفظ العهود
    ماشلت شعري فالسلال المهملــــه@ ولا بعت شعري مع موقعة العقود
    اعرف طريق البوصله والمنجلــــــــه@ ولااسير في ليل ٍسماه بلا شهود
    الشاهد ان الشعر علم ومرجلــــه @ ان صرت ترقا به ويرقابك ســنــود
    والي تحدر بك فرده واعــقــلـــــــــه@ وثق برجلينه وبيديه القــــــيــــــود
    الشعر مبلي ٍ بناس ٍ تجـــهلـــــــــه @ صارت تخبط به مثل خبط القعـــــود
    الشعر يبغي من يجيه من اولـــــه @ مايلتوي في وسط حبل ٍ ومعقـــود
    يرفع مقامه عن شمات وبهذلــــــه @ ويسل سيفه في مبارزة اليهـــــــود
    الشعر روض ٍفيه ورده وانفلــــــــه@ وناس ٍ تجيب الشوك وتحسبه ورود
    تعبت ادور في جباله و ســــهلـــه @ واعشق مطاردة المعفاه الشــــرود
    واللي على المقناص دايم ٍ مقبله @ يصيدها بالفاس والا بالعــــــمــــــود
    ابغاه ياخذها ويسعد مـحــفلـــــه @ يرفع يدينه ويتباهـــا فــــالحشـــــود
    الى هرج كنك تقول موكــلـــــــه @ كنه يشغل لاتكلــــم بـــالــــوقــــــود
    واللي قصيده مايسر يسبلــــــه @ ان عاد له بــالنفـــــع ولا لا يــعــــــود
    ويختار مثلي فالمهار محجلــــــه @ الخير فيها مثل مـــــاقيــــل مــعقــود
    اسبق بها اللي مهرته ماتنقلــه @ هو يحسب ان الفوز في كبر العضود
    وإلا مسكت الحبل احله وافتلــه @ ماني مثل اللي يزيده فالعقــــــــــود
    ولا عمر شعري جا لراس وقبلــه @ ولا يطلب النصره من الراس الحسود
    اما رفعته فوق راسي منزلـــــــه@ ولا قبرته في سراديب اللـــــحــــــود
    ولا جيت امجد به ثياب ٍ مسبلـــه @ ولا اجيت اجود به وجيه ٍ ماتــجــــــود
    ولا جيت به في بيت ذل المسأله @ ولا ارخيت راسي غير لله فالسجــود
  • عبدالله الفهد الاسعدي
    عضو ماسي
    • Nov 2009
    • 616

    #2
    [align=center]صح لسانك لسانك اخوي سعود

    ننتظر ابداعك القادم

    وفقك الله
    [/align]

    تعليق

    العمل...