عشق بدوي !!

طي
X
 
  • التوقيت
  • إظهار
مسح الكل
المشاركات الجديدة
  • محمد الـعـريدي
    عضو فضي
    • Mar 2007
    • 217

    #1

    عشق بدوي !!

    -
    -


    عُذرا ً عن الإنقطاع .. قصيده جديده اتمنى ان ترقى لـ سمو اذواقكم

    \
    /


    [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

    قالوا علامك .. ليه ضايق و مهموم = شكلك تحب .. والظاهر إنك تعاني !!

    انا في كوم و راعي الهرج في كوم = الصدق مالله بالمحبة عطاني !!

    ما اشغلت فكري فـ العذارى ولا يوم = والحمد لله يوم مالله بلاني !!

    لا تقول من هرجتك ياخوك مصدوم = اللي على قلبي يقوله لساني !!

    قلب بدوي ٍ لاعشق يبعد الحوم = غير المراجل ما عشق شي ثاني !!

    بيته مع أهل الطيب ماهوب مهدوم = يوحي به القاصي وينصاه داني !!

    لكنّ مافيني من الوقت مغموم = دنيا ٍ تضيق وضيّقت بالمحاني !!

    صدري يفوح وضيقته دايم الدوم = والخاطر المكسور كسره يَبْـاني !!

    حتى ايش لو همّي عن الناس مكتوم = من عاين عيوني انا اشهد قراني !!

    اطيح ثم اقوم واطيح واقوم = والله يعين اللي بلش بالزماني !!

    خاب الرجا ياخوك في ساير القوم = وين الرفيق اللي ليا ضقت جاني !!

    صار الخوي في تالي الوقت معدوم = خلف ( المصالح ) يتعب الرجل عاني !!

    لا صرت راعي مال وعلومك علوم = عانه تحت رجلك يدوّر مكاني !!

    ولا صار مالك يا ابيض الوجه مقسوم = لا عاد تشره لا نساك ونساني !!

    يارب لا تبلاني بـ خوّة رخووم = ضعاف الأنفس عاشقين الطماني !!

    أبا الخوي قرم ٍ تسلل من قروم = لا ضاقت الدنيا وقف قال عاني !!

    هاك الخوي اللي به الطيب مرسوم = اللي على درب المراجل تلاني !!

    من روس قوم ٍ فعلها قبل معلووم = اهل الوفاء والطيب خطل اليماني

    ما ضاقت الدنيا ولا الدرب مزحوم = لا صار جنبي طير شلوى كفاني !!

    هو شف بالي لا اصبح الهم مركوم = يكفي ليا منه نشد وش بلاني !!

    هذا سبب ضيقي وهمّي من اليوم = وين الرفيق اللي ليا ضقت جاني !!

    والأ الهوى مالي ترى فيه ملزوم = من حبكم يا اهل الهوى ماعطاني !!

    قلب بدوي ٍ لاعشق يبعد الحوم = غير المراجل ما عشق شي ثاني !![/poem]
  • ابن صنهوت

    رابطة محبي الهيلا

    • May 2008
    • 1734

    #2
    محمد العريدي صح لسانك مبدع وافي لاهنت على هالدره ونطمع بالمزيد

    تعليق

    • محمد الـعـريدي
      عضو فضي
      • Mar 2007
      • 217

      #3
      -
      -

      صح بدنك يابن صنهوت .. ولاهنت على مرورك

      تعليق

      • الصميدع المقاطي
        عضو فعال
        • Dec 2009
        • 182

        #4
        [overline]صراحة القصيدة عجبتني . .

        وصح لسانك يا محمد

        وباين التدفق والتسلل الرائع . .

        موفق . . وسجل اعجابي
        [/overline]

        تعليق

        • ابورازن فالمريخ

          رابطة محبي الهيلا

          • Sep 2009
          • 1558

          #5
          صح لسانك



          تحيه

          تعليق

          • عبدالله الفهد الاسعدي
            عضو ماسي
            • Nov 2009
            • 616

            #6
            صح لسانك مليون

            باذخه تدعونا للبحث عن جديدك

            وفقك الله

            تعليق

            • محمد الـعـريدي
              عضو فضي
              • Mar 2007
              • 217

              #7
              تم النشر في الأصل بواسطة بدر المقاطي العتيبي عرض المشاركة
              [overline]صراحة القصيدة عجبتني . .

              وصح لسانك يا محمد

              وباين التدفق والتسلل الرائع . .

              موفق . . وسجل اعجابي
              [/overline]
              المقاطي

              صح بدنك .. و إعجابك يشرفني

              تعليق

              العمل...