جيب لانكروز .. بخّـاخ .. يعجب من شراه !!

طي
X
 
  • التوقيت
  • إظهار
مسح الكل
المشاركات الجديدة
  • عبدالعزيزالمرشدي
    عضو نشيط
    • Jul 2003
    • 30

    #1

    جيب لانكروز .. بخّـاخ .. يعجب من شراه !!

    [align=center]
    صباحكم ورد اخوتي اعضاء منتديات الهيلا
    متواضعه جديده اضعها بين اديديكم
    املي ان تحوز على رضاكم
    واستحسانكم وارجو المعذرة في القصور !!![/align]

    [poem=font="Simplified Arabic,4,limegreen,normal,normal" bkcolor="black" bkimage="" border="double,3,seagreen" type=2 line=0 align=center use=ex num="0,black"]
    تل قلبي تل جيب ٍ تحت وليـة سفيـه=جيب لاند كروز بخاخ يعجب من شراه
    اربع وسبعمية حصان يفخر مشتريـه=والثمان سلندر ليا مشـى زوّد صفـاه
    يوم تلّـه زاد ونّـه وحـرك ساعديـه=اسرع من الطلقه اللي تراموها العـداه
    وياوجودي وجد من ضاع ماله من يديه=عقب ما هو مغتني قام ينخى من لقـاه
    راح ذوده من يدينه ورى قـوم ٍ تبيـه=وهو وحيد بديرة القوم والخوف يحداه
    شوف عينه وخذت البل ولو قلبه نبيـه=بس ضدوه الاعادي بعد غاروا عـلاه
    وصفق بيمناه يسراه والخوف يحديـه=واعتزى بالربع وافلس وياخيبت رجاه
    وياوجودي وجد من له غلام ٍ مغتذيـه=يرتجي نفعه ليا شاب يوم انـه غـذاه
    ويوم صار الورع رجال خلا امه وابيه=ضنوةٍ قشرى عسى خالقه يقطع ضنـاه
    اتوجد شوف غرون مرج قلبي عليـه=ياوجودي يابدر ليتني ضمـن قصـراه
    أغديه ان مرّ ينظر جريح ٍ مات فيـه=ثم يحنّ لحالي اللي تحلحل مـن عنـاه
    والله اني مولع ٍ به وابي قربـه وابيـه=يابدر تغلغل بمهجتـي صـادق غـلاه
    اتذكر جيته بالضحـى يـوم احتريـه=يوم جاني ترف الاقدام وعده ما نسـاه
    يوم شفته فزّ قلبـي وقلبـي يرتجيـه=وابتسم لي بابتسامة خجل واشّـر وراه
    قال خايف قلت انا درعك اللي تحتسيه=من ينوشك نوش والله لحطم لـه بنـاه
    جا زياره خاطفـه ياعساهـا ماتجيـه=جا يسلم لبّـا قلبـه وقلبـي فيـه تـاه
    بس تسليمه وتوديـع يخشـى والديـه=ودّع بيمناه واقفى وهو يقصـر خطـاه
    يابدر قفى وقلبـي تعلـق فـي جديـه=يحفظه .. ما يحفظه راح قلبي في يداه
    يابدر حداني البعد مادري كيف اجيـه=واعذاب القلب يا بري حالي من هـواه

    عبدالعزيزالمرشدي [/poem]
  • وصل العطياني؟؟؟
    مشرف عام
    • Jul 2003
    • 3809

    #2
    صح لسانك وسلم بنانك ..

    قصيدة جزلة وليست متواضعة ...

    اجدت فيها وابدعت ..




    تحيااااااااتي
    [align=center][/align]




    [align=center][move=right]na111na@hotmail.com[/move][/align]

    تعليق

    • دريد ابن الصمة
      شـــاعــر
      • Aug 2004
      • 341

      #3
      عبد العزيز المرشدي



      صح لسااااانك


      قصيدة قمة في الابداع والجزالة


      تقبل تحياااتي

      تعليق

      • ((الدلبحي))

        رابطة محبي الهيلا

        • Mar 2003
        • 6010

        #4
        صح السانك
        وتسلم
        ياعبدالعزيز

        تعليق

        • ولد عسّاف
          عضو نشيط
          • Sep 2004
          • 43

          #5
          صح لسانك يالعبد العزيز وبعيدةٍ عنك القصور يالمرشدي



          والقصيدة جزله............. وتسلم يالذيب




          .................................................. ...ولد عساف

          تعليق

          • ضايق
            عضو
            • Apr 2004
            • 26

            #6
            صح لسانك يالمزحمي


            تحياتي واعجابي

            تعليق

            • الطير
              عضو فعال
              • Feb 2004
              • 148

              #7
              الله يسلمك يا عبد العزيز
              الحقيقه قصيده جميله
              صح لسانك


              ونرجو التواصل معنا

              تعليق

              العمل...