الشعر وهبه من جزيل العطايا

طي
X
 
  • التوقيت
  • إظهار
مسح الكل
المشاركات الجديدة
  • محمد مذكر المغيبي
    شــــاعــر
    • Oct 2009
    • 154

    #1

    الشعر وهبه من جزيل العطايا

    [poem=font="simplified arabic,6,black,normal,normal" bkcolor="transparent" bkimage="" border="none,7,gray" type=0 line=1 align=center use=ex num="0,black"]
    الشعر وهبه من جزيل العطايا = سبحان من ماله شبيهٍ ومعبود

    نبعٍ سخي يصدر من اقصى الحنايا = ويبذل على ترتيبه الفكر مجهود

    اما انقبل جزل وجميل الحلايا = والا على راعيه باالطبع مردود

    والشعر يوجد به جميع المزايا = والطيب ماهو في هل الشعر محدود

    كم واحدٍ قاد السرب والسرايا = وماله مع اهل الشعر لوكان مفرود

    لكن يغزى به لحل القضايا = وبساطٍ اخضر بين الاجواد ممدود

    ويحفظ حقوق اهل الوفاء والحمايا = اللي لهم باالمجد تاريخ مشهود

    ويارد مع الشجعان حوض المنايا = ويثبت مواقفهم من النقص والزود

    وعطرٍ لمجلس طيبين السمايا = ويشفي غليل اللي من الوقت ملهود

    واليوم كل الناس صارت سوايا = كلٍ على كيفة وعن نفسه يذود

    والحمد لله ماكتبته همايا = الشعر عدٍ من على الجد مورود

    ماني من اللي يقتنع باالبقايا = من لاسقته يمناه ضامي ومضهود

    واهل السوالف مكثرين الزرايا = عند مناعةمن خطاهم ومسنود

    اللي عوايدهم خباث النوايا = وقلوبهم تندى ومن غيضها سود

    رجالهم في وسط سوق الوهايا = بافكار معدومة قوانين وبنود

    وهرجه ذحاحٍ مثل سم الحيايا = ريدي حض ومعرفة قاصر زنود

    مادام مايحضا بطيب السجايا = في شبته تحرم على شاربه عود

    عرفي لمثلة من كبار الرزايا = وبعدي عنه يسوى قطيعٍ من الذود[/poem]
العمل...