فيديو كليب البرتقالة (2)

طي
X
 
  • التوقيت
  • إظهار
مسح الكل
المشاركات الجديدة
  • طلال الثعلي
    مشرف سابق
    • Sep 2003
    • 828

    #1

    فيديو كليب البرتقالة (2)

    السلام عليكم
    يالربع الايام هذي المنتدى فيه شوية ركود وحبيت اني اوسع صدوركم
    بمجاراة الشاعر :وصل العطياني في قصيدته(فيديو كليب البرتقاله)
    وهذه القيدة اعتبرها خاطره لانها جات في ربع ساعه وكتبت في ساعه
    وقصيدة ابو مشهور موجودة تحت هذا الرابط


    يقول::
    [poem=font="Simplified Arabic,5,white,normal,normal" bkcolor="transparent" bkimage="backgrounds/17.gif" border="none,4,gray" type=3 line=0 align=center use=ex num="0,black"]
    الله اكبر ياللحون السامريه=لحن في تركيبته يالك وياله
    القصايد في بعضها جاذبيه=يجتمع فيها التميز والجزاله
    ياوصل هذي ليالاً سرمديه=الزمن مشبوه ميله واعتداله
    شفت فيديو كليب غاياته رديه=وشفت شعباً في بدايات انحلاله
    ياحسافه هيجنوه الاغلبيه=ماعليهم بالعراق وباحتلاله
    بالهم يم الفتاه الشركسيه=شركسية اصل عن جد وسلاله
    مال ابوها مع هل الطاله هويه=رخمةً( ) مايسوى( )
    وعيبها انها مثل فاتحة الشهيه=تنعرض فالصيدليه والبقاله
    انصبوها واجعلو منها قضيه=جابها مخرج حثاله من حثاله
    علج والفنان ماله قابليه=ماتجي كرامته ربع البياله
    والخيال اللي ورى العارض رفيه=لاتطالع في سماه ولاخياله
    اقصر الخطوه لاتلحقك الخطيه=وانت نسل العود زيزوم الشكاله
    مير خلك فالجموم وفالحويه=ثم فكر فـ(التضخًم) والبطاله
    قبل لاتصحي على (طعًه) قويه=ثم تنصب لك موازين العداله[/poem]وسلامتكم..
    وعساها تحوز على رضاكم


    بيت في المكياج اللي ينكب اكثر الناس خارج القصيدة
    [poem=font="Simplified Arabic,3,blue,normal,normal" bkcolor="transparent" bkimage="backgrounds/10.gif" border="none,4,gray" type=0 line=0 align=center use=ex num="0,black"]
    يزبط المكياج حتى في رقيه=لو تمكيج لاجمال الا جماله[/poem]
  • ابن مشيب
    إدارة أقسام القبيلة
    • Nov 2002
    • 9791

    #2
    اليكم قصيدة الشاعر وصل العطياني , ورد الشاعر طلال الثعلي عليها.....




    يقول الشاعر وصل العطياني:


    [poem=font="Simplified Arabic,4,sandybrown,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يذكـرون النـاس بنـتٍ سولعيّـة= جات في "فيديو كليـب البرتقالـة "
    الخـوي لا شافهـا ينسـى خويّـه= والأبـو لا شافهـا ينسـى عيالـه
    بنت وش من بنت .. حيّك من صبيّة= منوة اللي حـب خلّـه سـمّ حالـه
    الهـوى كاويـه كيّـة فـوق كيّـة= منسقم وان شفـت حالـه لا تسالـه
    قلت وش هي ؟ قالوا أمهلنا شويّـة= أعطنا فرصة ترى السرعة جهالـة
    يا وصل .. فيها وصايـف عالميّـة= واحدٍ ما شافهـا واعـزّ تـى لـه
    ما توصّفهـا الحـروف الأبجديّـة= يقصر التعبيـر لـو طـوّل مجالـه
    المحـيّـا والشـفـاه النرجسـيّـة= والعيون اللي تصحّـي كـل دالـه
    والشعر ما كنّـه إلا الشمـس حيّـة= هو جميل وصبغتـه زادت جمالـه
    والخصور نحاف واللمسـة طريّـة= لا دقاقـة فـي القـوام ولا جلالـة
    قلـت : لله .. ذمّتـي منهـا بريّـة= اقصـرو تعبيركـم مالـي ومالـه
    علّمونـي بــس وش هالآدمـيّـة= من جنوب الدّار وإلا مـن شمالـه
    قالوا من أرض العراق أرض الحميّة= من يجيها يـدري إن الشـرّ فالـه
    قلت : أبا ألقي نظرتي عن حسن نيّة= الهوى مـا يتـرك الواحـد بحالـه
    شفتها .. والصّدق ما زلّـوا عليّـه= زينها فايق .. وقولوا وصـل قالـه
    ميـر تبقـى قـدم خلـي عايديّـة= النّعامـة مـا تشـبّـه بالغـزالـة
    خلي اللي مـن ورى نجـد العذيّـة= مثل ظبي الريم يجفل مـن ظلالـه
    ساكنة في داخل أفخم عضـو فيّـة= قلبي اللي ما أحتوى غير الرجالـة
    ولـو أوصّفهـا ظلمـت الأجوديّـة= الوصف عنهـا قصيـراتٍ حبالـه
    لو نظرها قيـس عـاف العامريّـة= والبخيل ان شافها يرخـص حلالـه
    عندي أحلا مـن شـراب الشاذليـة= وش يجيب الكيف عند البرتقالـة ؟! [/poem]


    وهذا رد الشاعر طلال الثعلي عليها:

    [poem=font="Simplified Arabic,4,sandybrown,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

    الله اكبـر ياللحـون السامريـه= لحن في تركيبتـه يالـك ويالـه
    القصايد فـي بعضهـا جاذبيـه= يجتمع فيهـا التميـز والجزالـه
    ياوصل هـذي ليـالاً سرمديـه= الزمن مشبـوه ميلـه واعتدالـه
    شفت فيديو كليب غاياته رديـه= وشفت شعباً في بدايات انحلالـه
    ياحسافـه هيجنـوه الاغلبـيـه= ماعليهـم بالعـراق وباحتلالـه
    بالهـم يـم الفتـاه الشركسيـه= شركسية اصل عن جد وسلالـه
    مال ابوها مع هل الطاله هويـه= رخـمــةً( ) مـايـسـوى( )
    وعيبها انها مثل فاتحة الشهيـه= تنعـرض فالصيدليـه والبقالـه
    انصبوها واجعلو منهـا قضيـه= جابها مخرج حثاله مـن حثالـه
    علـج والفنـان مالـه قابلـيـه= ماتجي كرامتـه ربـع البيالـه
    والخيال اللي ورى العارض رفيه= لاتطالع فـي سمـاه ولاخيالـه
    اقصر الخطوه لاتلحقك الخطيـه= وانت نسل العود زيزوم الشكاله
    مير خلـك فالجمـوم وفالحويـه= ثم فكر ف(التضخًـم) والبطالـه
    قبل لاتصحي على (طعًه) قويـه= ثم تنصب لك موازيـن العدالـه
    يزبط المكياج حتى في رقيه= لو تمكيج لاجمال الا جماله [/poem]



    صحة السنتكم ياوصل وياطلال , قصائد رائعة من شعراء يتميزون بجزالة قصائدهم.........


    اسمحولي اعجبتني قصائدكم , واحببت ان ارتب قصيدة وصل ورد طلال عليها وتنسيقها..........





    اخوكم:
    ابن مشيب

    تعليق

    • معيقل بن جعيد
      عضو
      • Aug 2004
      • 16

      #3
      صح لسانك يااخ طلال رديت ؛ وأوفيت؛

      سجل اعجابي.

      معيقل بن جعيد...

      تعليق

      • ضايق
        عضو
        • Apr 2004
        • 26

        #4
        صح لسانك يا طلال

        ولسان وصل

        دمتم للمنتدى

        تعليق

        • وصل العطياني؟؟؟
          مشرف عام
          • Jul 2003
          • 3809

          #5
          [align=center]يا سلام ...

          أنا ألقيت نظرتي عن حسن نية ...

          وأنت أثرك تعرفها وتعرف الفنان والمخرج

          زبدة الكلام صح لسانك يا بطل

          أبدعت أبدعت أبدعت ...

          مار تكفى لا تاصل من العارض وغادي ....

          ثم تجي على الجرح


          على فكرة :

          تعرف راس الزلع عند النفنوف اخييييييي




          تحيااااااااتي
          [/align]
          [align=center][/align]




          [align=center][move=right]na111na@hotmail.com[/move][/align]

          تعليق

          • كريم سبلا
            عضو فعال
            • Jun 2003
            • 115

            #6
            ماشاء الله ........
            عليكم ..........
            عزالله...................
            ..................( مليتها ابك قول مليتها؟)

            طلال ماتوقعت الرد به سرعه ماشاءلله عليك
            ماهومنك من اللي........
            وصح السانك .....
            وبيض الله وجهك.....عزالله لنك راعيها

            وسلموووووووووووووووووووو

            تعليق

            • المورقي22
              مراقب سابق
              • Sep 2003
              • 493

              #7
              الله الله



              طلال الثعلي



              جزل جزل




              لاعدمتك

              صح السانك


              والسان وصووووول


              ودامت جزالتكم


              لكم تقديري

              تعليق

              • سمران القثامي
                مراقب سابق
                • Jan 2004
                • 120

                #8
                [align=justify]الأخ الغااالي / طلال الثعلي راااااااااائع

                مير خلـك فالجمـوم وفالحويـه
                ثم فكر ف(التضخًـم) والبطالـه
                قبل لاتصحي على (طعًه) قويـه
                ثم تنصب لك موازيـن العدالـه

                والله راااااااائع وقصيدة وصل منها والسند ياحلو الكلام من الشاعر الحقيقي
                وحسبي الله عليك تقول شاعر محاوره ماتعرف النظم ياخوي البرتكانه هذي ظهرت دفينك مبدع ياطلال

                أخوك/ سمران القثاامي
                [/align]

                تعليق

                • مشتــــاق
                  شـــاعــر
                  • Sep 2003
                  • 268

                  #9
                  ما شاء الله


                  روائع

                  عندما اقرأ قصائدكم يا وصل ويا طلال اجدني اقف بين عملاقين من عمالقة الشعر


                  صحت السنتكم


                  وسلمتم
                  ؟؟؟

                  تعليق

                  • داهية عتيبة
                    عضو مهم
                    • Jul 2003
                    • 961

                    #10
                    الله الله


                    تسلم ياطلال صح لسانك


                    وان كان هذة القصيدة في ربع ساعة ؟؟ وشلون لو كانت في مدة أطول!!

                    صح لسانك مليوووووووووون

                    تسلم والله يبن العم صح لسانك ويسلم بوحك


                    تحياتي..

                    تعليق

                    • صالح العصيمي
                      عضو نشيط
                      • Aug 2004
                      • 67

                      #11
                      [align=center]

                      [poem=font="Simplified Arabic,4,blue,normal,normal" bkcolor="white" bkimage="" border="none,4,gray" type=0 line=0 align=center use=ex num="0,black"]
                      ياولد كـبّـك من عـــلوم الفذلكيّـة"="واهني اللي تمــتع في حــــــلاله

                      شركسي يبغى يخاوي شركسيّـة"="وش يجــيب الـنذل عند أم الشكالة

                      الوطن تكويه كيّـة عــقـب كيّـة"="والخبل يرقص في (( كليب البرتقالة))

                      الـعـراق اللـي بـلاه الله بـليّــة"="بالشباب اللي غووا درب الرجــالة

                      والعقول الجاهلة ماهي سويّـة"="تمشي دروب الجهل وأهل الجهالة

                      ضاع بغداد في ليالي سرمديّـة"="ياعراق الــعـز صار الحـال حــالة

                      من يعيد إلنا النجف والناصرية"="يوم جيش البوش عسكر في ضلاله

                      قالها واحد ما انتسب للرافضيّـة"="دينه الإسلام مـــــا هــو فالظلالة[/poem][/align]

                      تعليق

                      • ((الدلبحي))

                        رابطة محبي الهيلا

                        • Mar 2003
                        • 6010

                        #12
                        تسلمون يالربع

                        ويعطيكم الف عافيه على القصيد الجزل

                        تعليق

                        • مروي العطاشا

                          رابطة محبي الهيلا

                          • Aug 2004
                          • 1089

                          #13
                          صح لسانك ياطلال يا مبدع

                          تعليق

                          • ولد روق
                            عضو مهم
                            • Apr 2003
                            • 528

                            #14
                            وصل وطلال ..
                            الثنائي الرائع والمبدع ..
                            استمتعنا بقصائدكم الجميلة ..
                            وبإشراقتكم المستمرة في المنتديات الادبية ..

                            اطيب المنى والتحيات ..

                            تعليق

                            • دريد ابن الصمة
                              شـــاعــر
                              • Aug 2004
                              • 341

                              #15
                              [size=2]
                              ابدااااااااااااااااااااااااااااااااااااااااااااااا ااااااااااااااع


                              ابدااااااااااااااااااااااااااااااااااااااااااااااا ااااااااااااااع



                              طلال الثعلي لك مني اغلا التحايا والتقدير


                              صح لسانك يا الغالي [/size]

                              تعليق

                              العمل...