قصيدتي بمهرجان حلوة بقعاء

طي
X
 
  • التوقيت
  • إظهار
مسح الكل
المشاركات الجديدة
  • نايف العبيد العتيبي
    ساحر الشعر
    • May 2005
    • 369

    #1

    قصيدتي بمهرجان حلوة بقعاء

    [ALIGN=CENTER]

    السلام عليكم

    /

    هنا اضع لكم قصيدتي في مهرجان حلوة بقعاء
    والتي القيتها امام المحافظ وأمير العشيرة عمي خلف الحميدي العبيد العتيبي
    وآهالي بقعاء والتي نقلتها قناة الدانة الفضائية وقناة نايلات الفضائية






    هذي أبيات الشيلة :



    [poem=font=",5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]

    مهرجان الحلوة ابعيد فطر المسلمين = عاد عيدك يابلد كل حول وكل عام

    جيت أرحّب واحتفل بالوفود الحاضرين = في ذرى بقعاء صفاة اللوى دار الكرام

    ياهلا يامرحبا بالضيوف الغانمين = عد ماترعد بروق السحايب والغمام

    جيّت الآجواد في حفلنا شيٍ ثمين = القوافي والمشاعر معاهم ياسلام

    اهتفي ياديرتي بالجموع الزايرين = وافرحي يالابتي من خوال ومن عمام

    [/poem]





    وهذي القصيدة :



    [poem=font=",5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]

    تبارك اللي أنزل القراني=الشافي الكافي عليم النيّه

    الواحد اللي ماينوبه ثاني=اللي رفع فوق السما كرسيّه

    ومن بعدها بسم الله الرحماني=قدام أصوغ أبياتي الشعريّه

    قم ياقصيدي وادحر الشيطاني=نبي نخوض الساحة الشعبيّه

    الشعر شعري والحصان حصاني=ومحضّرٍ بالمهرجان ألفيّه

    في حفلة الحلوة بنيت أوزاني=والله يساعدني على القافيّه

    ليلة فرح تزهابها قيفاني=وبقعاء بكم يا أهل الوفاء مضويّه

    بقعاء دياري زينة البلداني=بسهولها وجواءها السحريّه

    معذور لو أبقى بها هيماني=دار الكرم ومحافظة عصريّه

    والليلة الكل استعد فرحاني=بالمهرجان اللي تزايد ضيّه

    حتى المزارع شايشٍ طرباني=كنه مزاين والتمر منقيّه

    الله يساعد من دعم يا إخواني=(علي) ومن باشر على القطيّه

    والله يعز المملكة أزماني=الدولة اللي مانلاقي زيّه

    دار السعود اللي تفك العاني=وتزبّن اللي جالها رجليّه

    اتندّد الإرهابي والعلماني=وتحارب الإلحاد والقوميّه

    اتعامل الإنسان بالإحساني=بالسلم سلم وللعدو حربيّه

    العود أسّسها ونعم الباني=على تقاليد النبي مبنيّه

    دار السلام ومنبع الإيماني=المملكه من ربّها محميّه

    مليكها نعم المليك إنساني=الله غرس في قلبه الحنيّه

    والنايب الثاني معه سلطاني=للضد يرسل غارةٍ جويّه

    وزير جيشٍ للبلد متفاني=طريدته من بندقه مرميّه

    على المعادي داهيه عدواني=وعلى الخوي ديمومةٍ وسميّه

    أبو الهجافا مسقي العطشاني=منهو عناله حاجته مقضيّه

    حبيت أشارك فرحة الأوطاني=في رجعته سالم لنا عيديّه[/poem]



    لكم جزيل الشكر والتقدير

    دُمتم بود

    [/ALIGN]
  • عبدالله الجـــذع
    مشرف منتدى قصه وقصيده
    • Sep 2007
    • 8093

    #2
    صوت شجي وقصيد جزل ورائع

    ماشاء الله تبارك الله

    صح لسانك يانايف وعز الله شرفت


    محبك
    قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


    .
    قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
    فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

    .

    موقع يضم جميع القراء


    هنا

    تعليق

    العمل...