الوقت قطاع لمواصيل الاحباب ..!!! اول مشاركه

طي
X
 
  • التوقيت
  • إظهار
مسح الكل
المشاركات الجديدة
  • عبد المجيد بن عريج
    عضو نشيط
    • Sep 2009
    • 33

    #1

    الوقت قطاع لمواصيل الاحباب ..!!! اول مشاركه

    السلام عليكم ورحمة الله وبركاته

    مشاركه الحقيقه من الارشيف .. اقدمها بين ايديكم واتمنى ان تنال لو القليل من اعجابكم

    وسبق وانا نشرتها في منتديات قبيلة مطير





    [poem=font="simplified arabic,6,darkblue,bold,normal" bkcolor="transparent" bkimage="backgrounds/15.gif" border="groove,4,gray" type=2 line=0 align=center use=ex num="0,black"]
    (سر ياقلم واكتب من الشعر ماطاب)=واكتب بيوت ترجمتها المعاني
    واسعى على كسب الجزيله بالاسباب=وإجاوب الاقلام نطق اللساني
    الوقت قطّاع لمواصيل الاحباب=جاير على الاحباب سر وعلاني
    يرميك رميه والهدف قط ماخاب=رميه يوقع في صليب المحاني
    مايعوزه مقمع ولاسيف وحراب=وان شهدنه من يمينه رماني
    والله مايرفق على نعس الاهداب=بينه وبين اظلالها شخص ثاني
    وايجور ويطاول على عكف الاشناب=ويحلق لحاها لين روس الاذاني
    صاطي ومتغطرس على كفه ارقاب=الحزن جنده والفرح له جباني
    من روعة التصوير ونظرات الاعجاب=اسال واجاوب لك سؤال حداني
    واقول كيف اشلون وش جاب ماجاب=واثر السؤال اللي جوابه كواني
    زلة رفيق العمر من بد الاصحاب =تدمع لها عين الوفي في ثواني
    ماعاد هي لحية مشاريه وعتاب=نفسي عزيزه مارضت بالهواني
    ياما على شانه تحديت الاصعاب=وارخصت لجله كل ربع وعواني
    واحومه لجله بالسماء حومة عقاب=حر على الصيدات جاب السماني
    وماضاع له حق وانا معه طلاب=ولارد له حاجه ليامن نصاني
    ومديت له حبل الوفا بين الاقراب=لكن عشره عودت لي ثماني
    عزاه ياقلب من الهم منصاب=اردّع عن طيبّه لكنه عصاني
    بين الرجا والياس صادق وكذاب=غاب الامل واقفت ضعون الاماني
    اقولها مالي عن الوضع مجناب=وخبرات عمري من حساب الزماني
    عزمت انا فرقاك والدمع سكاب=روح وتلقى بالمخاليق ثاني[/poem]




    مودتي لكم
  • @ـايل

    مشرف المنتديات العامة

    • Jan 2008
    • 9251

    #2
    ياسلاااام ..

    صح لسانك واعتلى شانك يابن عريج ..

    مصافحه جزله ..من جزل ..

    الله يعطيك العافيه ونتمنى المزيد من القصيد ..

    ......
    تويتر : AlHooL@

    تعليق

    • مبارك السبيعي
      عضو
      • Apr 2009
      • 16

      #3
      صح لسانك يابن عريج على هالجزله

      تعليق

      • سيف المساعيد
        عضو ماسي
        • Jul 2009
        • 574

        #4
        صح لسانك يالذيب ويعطيك العافيه

        تعليق

        • عبد المجيد بن عريج
          عضو نشيط
          • Sep 2009
          • 33

          #5
          تم النشر في الأصل بواسطة هايل العتيبـــي عرض المشاركة
          ياسلاااام ..

          صح لسانك واعتلى شانك يابن عريج ..

          مصافحه جزله ..من جزل ..

          الله يعطيك العافيه ونتمنى المزيد من القصيد ..

          ......


          هايل العتيبي هلا وغلا فيك يالقرم

          ومشكوووووووووووووور على مرورك

          مودتي لك

          تعليق

          • عبد المجيد بن عريج
            عضو نشيط
            • Sep 2009
            • 33

            #6
            تم النشر في الأصل بواسطة مبارك السبيعي عرض المشاركة
            صح لسانك يابن عريج على هالجزله


            مبارك هلا وغلا فيك

            ومروور شرف


            مودتي لك

            تعليق

            • عمر الدغيلبي
              مشرف سابق
              • Dec 2006
              • 2015

              #7
              وعليكم السلام ورحمة الله وبركاته

              حياك الله يا عبدالمجيد

              وشرفت منتدى الهيلا بحضورك

              وصح لسانك على هذه المصافحه الجميله

              التي تنبئ عن قدوم شاعر جميل

              وننتظر المزيد مما لديك

              احترامي
              [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
              في منتدى الهيلا زحول الرياجيل = بيت القبيله و النشاما إرواقه
              يزينه حرصه لزين التماثيل = ويجمله نبذ العلوم الدقاقه[/poem]

              تعليق

              العمل...