يالحون العود والا يامجارير الربابه للشاعر سلطان الهاجري

طي
X
 
  • التوقيت
  • إظهار
مسح الكل
المشاركات الجديدة
  • ابو ضيف الله
    مشرف عـام
    • Feb 2003
    • 8888

    #1

    يالحون العود والا يامجارير الربابه للشاعر سلطان الهاجري


    قصيدة غنية عن التعريف لشاعر بمعنى الكلمة


    [poem=font="simplified arabic,5,indigo,normal,normal" bkcolor="transparent" bkimage="backgrounds/19.gif" border="solid,4,gray" type=0 line=0 align=center use=ex num="0,black"]
    يالحون العود والا يامجارير الربابه =إختلف معنى القصيد وضيّع الفنان فنه


    حلم مدري علم مدري نوض برقٍ في سحابه =أثرها طلّة جبينه يوم زاح الليل منّه


    أقبلت مثل الفرس لا سمعت طبول الحرابه =مقتفيها ليلٍ أسود والنجوم يفرّّقنّه


    النهار يمر ويعدّي وليله في عقابه =النحر صبحٍ تجلّى والجدايل كنّهنّه


    مخملٍ يلتفّ فوق الجيد الأتلع بالنيابه =عن سلاسيل الذهب والماس خوف يجرّحنّه


    غاب عنّي والوله خلاّه عندي في غيابه =مادرى ان فرقاه نار ولا درى ان لاماه جنّه


    ياوجودي وجد من صفّق على ماضي شبابه =بان شيبه والسنين اللي يبيهن خالفنّه


    غرّته خضر السنين وراح عمره مادرى به =غرّرنّه وارفعنّه لين سجّ وحولنّه


    وياوجودي وجد عودٍ لا عيال ولا قرابه =ماجداه إلا يونّ ويردف الونّه بونّه


    مالقى فزعة رفيق ولا دعاةٍ مستجابه =كلّ ماامساله بظنّ خيّبت الايام ظنّه


    هذا وجدي في غياب اللي نزح والله جابه =صح فرض الله فرض وسنّة المرسول سنّه


    الغلا جسمٍ رقيق ومرهف احساسي ثيابه =مثل غصن الورد يوم الهبايب يطرقنّه


    مازرعت إلا غلاه ولا نقلت إلا صوابه =والحشا ماضاق من خضر الطعون المستكنّه


    ياحبيبي مازها كفّ الخضاب إلا خضابه =فيه نظم المفردات وفيه للعشّاق عنّه


    الظبي ماله شبيه وبينك وبينه تشابه =إلتفت بشويش وألقى فيه منك وفيك منّه


    خالقك من فضّل محمد على كلّ الصحابه =وسخّرك مثل المهار اللي تسخّرها الأعنّه


    والثنا والشكر للي رحمته تسبق عذابه =لا لخلق الله شكر ولا لخلق الله منّه


    قاله اللي ماخذا مما يريد إلا هبابه =خيرة الفارس ثنيّة خيل صفراً مستعنّه [/poem]
    قال الشافعي رحمه الله: أركان الرجولة أربع: الديانة والأمانة والصيانة والرزانة.

    قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.




    اللهم أنصر من نصر الدين وأخذل من خذل الدين
  • عناد شاعر
    عضو نشيط
    • Jul 2009
    • 37

    #2
    [align=center]صح للســـآنــه ولايحتـآأج سلطـآن غني عن التعرريف




    قصيده في غاية الابدأأع





    ولااهنت ياابو ضيف الله على نقلها لنـآ



    وبيض الله وجهـك


    تقبل مرور اخــوك/// فــوآز العصيمي ..
    [/align]

    تعليق

    • ابن طامي
      عضو ماسي
      • Mar 2007
      • 661

      #3
      تعديــل . بسيـط


      البـيت الثاني .. الشـطر الثاني فيـه خطأ


      أثرها طلّة جبينـه يـوم زاح الليـل منّـه

      منـه = عنّـه


      هذا اللي أعرفــه


      ’’,,


      صح لسـانه أبو وســام ,, ولاهنـت يا أبو ضيف الله
      .

      تعليق

      • ابن هضلا

        رابطة محبي الهيلا

        • Apr 2007
        • 1320

        #4
        [align=center]
        صح لسان الشاعر الرائع سلطان الهاجري

        سلمت يداك ياابو ضيف الله
        [/align]

        تعليق

        • عبدالله الجـــذع
          مشرف منتدى قصه وقصيده
          • Sep 2007
          • 8093

          #5
          النهار يمـر ويعـدّي وليلـه فـي عقابـه//النحـر صبـحٍ تجلّـى والجدايـل كنّهنّـه
          مخملٍ يلتفّ فـوق الجيـد الأتلـع بالنيابـه//عن سلاسيل الذهب والماس خوف يجرّحنّه

          من افضل قصائد الوجد

          رآئعه بكل مافي الكلمه من معنى

          ابو ضيف الله انتقاء رآئع

          واظاهر ان قلبك خضر

          محبك

          .,
          قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


          .
          قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
          فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

          .

          موقع يضم جميع القراء


          هنا

          تعليق

          • سيف عنزه

            رابطة محبي الهيلا

            • May 2009
            • 1015

            #6
            صح لسان شاعرنا سلطان

            وبيض الله وجهك على النقل يا الغالي

            تعليق

            • سميران
              عضو نشيط
              • Jun 2009
              • 70

              #7
              لاهنت


              على النقل الرائع

              تعليق

              العمل...