يا منازل مي في ذيك الحزوم

طي
X
 
  • التوقيت
  • إظهار
مسح الكل
المشاركات الجديدة
  • ابو سعد الدلبحي

    سلطان الرياض

    • Nov 2002
    • 2574

    #1

    يا منازل مي في ذيك الحزوم

    [align=center]يا منازل مي في ذيك الحزوم
    الشاعر / محمد بن لعبون

    [poem=font="traditional arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    يا منازل مي في ذيك الحزوم = قبلة الفيحا وشرق عن سنام
    في سراب عن جوانبها يحوم = طافحات مثل خبز في يدام
    يستبين بها الخبير بها الرسوم = دارسات كنهن دق الوشام
    ما بكت فيها من الفرقا غيوم = من نظير العين إلا من غرام
    من هموم في قلوب في جسوم = في بيوت في ديار في عدام
    غيرت فيها تصاريف النجوم = وابدلت فيها بعين ما تنام
    عوضت عنها الظعاين بالهدوم = وانتحاب البوم عن سجع الحمام
    دار مي يوم مي لي تقوم = قومت المأموم من خلف الإمام
    في عدام دوك مبناه مهدوم = من مراويح الهبايب والغمام
    كل عيش مثل عيشك ما يدوم = يوم وصلك بالكرايم للكرام
    اسأل الأطلال عنهم يا غلوم = يخبرونك وأنت خبر يا غلام
    كيف أبا اسأل من تحت ذيك الرجوم = صامتين ما يردون السلام
    يوم مي تحسب الدنيا تدوم = وإن عجات الصبا دوم دوام
    في نعيم تحسبه لزماً لزوم = مثل منزلنا على ديم الخزام
    يوم هي توريك خد به وشوم = يفضح البراق في جنح الظلام
    كنه القنديل بالزيت مخدوم = شبته دياتها عند المنام
    داعجات غانجات لو تروم = كنهن في كنهن بيض الحمام
    والهواوي من هواهن محروم = غير وصل لإحلال ولا حرام
    يا سنين لي مضت مثل الحلوم = كنهن في دار ابن عوام عام
    هل غريم الشوق يشبع منك يوم = شبعة المسكين بايام الصرام
    أو تلمين الشمل لم الهدوم = ياليالي السعد عودن بالتمام
    أو تردين البعض ذيك الهموم = والعرب والكل في ذيك الخيام
    قالت اللي فات ما هوب معلوم = ردته لك وأنت سالم والسلام[/poem]

    [/align]
  • أبونواف

    رابطة محبي الهيلا

    • Nov 2008
    • 2163

    #2
    [align=center]صح لسان ابن لعبون ورحمه الله تعالى ...

    ولاهنت على النقل ..[/align]

    تعليق

    • ابو سعد الدلبحي

      سلطان الرياض

      • Nov 2002
      • 2574

      #3
      [align=center]أبونواف

      الله يعطيك العافية على المرور
      [/align]

      تعليق

      العمل...